Элжернонга аталган гуллар

Лекин менга бу гап унча йоқмади. Мен аперасиядан кейин бирзумда ақилли бўлип қолип новвойди ёрдамчиси бўлип ишлеман деп орзу қиляткандим. Кейин ота онами топмоқчиман. Улар мени ақилли бўлип кетканими кўрип раса хайратланишса керек онам доим ақилли бўлишими хохларди. Кинниан хонимга қатиқ харакат қиламан деп вада бердим. У бошими силап сенга ишонаман Чарли деди.

8-ҳисобот 15 март

Мен шифохонадан уйга қайттим лекин ишни хали бошламадим. Хичнма ўзгармаяпти. Элжернон билан миллионлап пойга қилидик ва кўпкина тестлар ечтик. Бу чичқонча мени дойим ютип қўйгани учин ундан нафратланаман. Прафеср Немур тинмай ўзини текшртирип тур ва чичқон билан пойга ўйнаштан тўхтама деди. Уларди лаберентлари жуда жиннича. Эркеклар ва айоллар бор расимларди томоша қилишти яхши кўраман лекин улар хақида ёлғон тўқигим келмаяпти.

Тинмай ўйлап нарсаларни эслап қолишка харакат килганим учин бошим раса оғрияпти. Духтр Штраус хам ёрдам бераман деп ёрдам бермаяпти. Нма хақида ўйлашим кереклигини ёки қачан ақилли бўлип қолишими айтмаяпти. У фақат мени хонасидеги курсига ётип бирнмаларни гапиришка мажбурлаяпти.

Кинниан хоним базида мени кўргани колежга келип турипти. Хичнма ўзгармаяпти дедим унга. Эх қачан ақилли бўлип қоламаникин. Чарли сабирли бўл бунга озгина вақит керек деди Кинниан хоним. Секин ақилли бўлип қоласан лекин ўзин буни сезмайсан. Барт унга Чарли яхши тарафка ўзгаряпти депти. Мен барибир пойгалар тестлар ҳисоботлар хамаси жинни кетти нарсалар деп ўйлаяппан.

16 март

Барт билан колеж ошхонасида тамади қилдик. Уерда раса ширин овкатла бор лекин мен уларди бепул оламан. Ошхонада ўтирип талабаларди кузатишти ёқтираман. Базида улар кулип гаплашишати лекин кўпинча новвойхонадеги ишчилар нмани гапирса улар хам шуни гапиришади. Бартти айтишича улар санат сийосат ва дин хақида гаплашишяптикан. Бу нарсалар нмалигини билмиман лекин дин худолигини биламан. Ойим худо хақида ва у қанде дунёни яраткани хақида айтип берганди. Доим худога ишон ва унга ибодат қил деганди. Мен хархил дуоларди билмиман лекин онам кичкиналигмда соғайип кетишим учин унга кўп ибодат қилдирарди.

Агар таржиба мувафакятли бўлса мен хам талабалардай ақилли бўлип қоламанакан ва улар гапиряткан гапларири тушунаманакан. Буларди менга Барт айтти кейин мен ундан ростан хам мен улардака ақилли бўлип кетишимга ишонасами деп сўрасам талабалар унчалик хам ақиллимас сен улардан бемалол ўтип кетасан деди.

У мени бази талабалар билан таништирди лекин улар менга ғалати бегона одамдақа қарашти. Хамаёқди эсимдан чиқарип уларга яқинда мен хам улардақа ақилли бў-лип кетишими айтятканимда Барт мени гапими бўлип бу лабараторияда ишледигон фаррош деп таништирди. Чеккага ўтканимизда аперасияни хичкимга айтма бу сир деди. Нмага аперасия сир бўлиши кереклигини хич чунмаяппан. Бартти айтишича агар аперасия ўхшаме қолса қандедур Уэлберг деган жамғармадегилар раса кулишадикан прафеср Немур буни хохламаяптикан. Ўша Уэлберг жамғармасидеги одамлар аперасияга пул беришипти. Лекин мени устимдан одамлар кулса менга барибир дедим Бартка. Кўпкина одамлар мени устимдан кулишади лекин биз улар билан дўстмиз ва шунде қилип вақитимизи яхши ўткизамиз. Барт елкамга қўлини қўйип Чарли улар сени устиндан кулишмеди деди.

Менимча хичким прафеср Немурди устидан кулмаса керек чунки у колежда катта олим лекин Барт олимлар хамкасплари учун оддий одам деди. Барттиям дипиломи бор уни сохаси худди эшигида ёзилгандай ПИСИХАЛОГИЯ.

Қаниди тезроқ ақилли бўлип қолип колеждеги талабаларга ўхшап хама нарсаларди билвосам. Асосан санат сийосат ва дин хақида.

17 март

Эрталап турип ўзими ҳудди ақилли бўлип қолганде хис қилдим лекин унде эмас экан. Балки таржиба мувафақятли бўлмадимикин. Балки мен умумман ақилли бўлолмастан Уоренни уйида яшарман. Тестлардан нафратланаман лаберентлардан нафратланаман Элжернондан нафратланаман. Чичқон мендан ақиллироқ бўлиши хичхам ақилимга келмаганди. Тинмай нарсаларни эсимдан чиқарип қўяппан хатто даптаримга ёзсамхам эсимдан чиқип қоляпти буни уйласам кайфиятим тушип кетяпти. Кинниан хоним менга сабирли бўл деганди лекин мен чарчадим сабирим тугади. Тинмай бошим оғрияпти. Яна ўзими новвойхонамда ишлагим келяпти ҳисоботлар жонимга тегди уларди ёзгим кемаяпти.

20 март

Новвойхонага ишка қайтяппан. Духтр Штраусди айтишича бу энг яхши йўлмиш лекин барибир хам аперасия хақида хичкимга айтма деди. Хар куни иштан кейн лабараторияга 2 соатка келип хархил текширувлардан ўтишим керекакан яна тестлар хам ечишим керекакан. Бу ишимга улар менга худди ойликдақа пул тўлашадикан аперасияга пул берган Уэлберг жамғармасидеги одамлар шунде депти. Мен халиям Уэлберг нмалигини билмиман. Кинниан хоним чунтиришка уринди лекин мен чунмадим. Ақилли бўлип қолмасам хам пул тўлашкани бироз ғалати туйиляпти менга. Лекин ойлик беришса мен хар куни лабараторияга боришка таййорман. Ёзишга жуда қийналяппан.

Ишка қайтятканимдан раса хурсанман чунки уеттеги ишими мен билан бирга ишледиган дўстларими раса яхши кўраман. Энди дойим чўнтагимда кичкина даптарча олип юраман духтр Штраус бироннма эсласен тезда даптарга ёзиб қўй деди. Ва мен энди хар куни ҳисобот ёзишим шартмас фақат бироннма хақида ўйласам йоки бироннма эсимга тушса йоки бирон ажойип нарса содр бўлса ёзаман. Менимча хичқанақа ажойип нарса содр бўлмеди таржиба хам ўхшамадию. Духтр Штраус яна Кинниан хонимга ўхшап сабирли бўл Чарли рухини туширма ақилли бўлятканин ўзинга билинмеди ва бунга кўп вақит керек бўлади деди. Элжернон ўзини олдинги холатидан 3 мартта ақилли бўлип кетишигаям анча узоқ вақит керек бўлганакан.

Демек Элжернон мендан ақиллилигини сабаби ва пойгада дойим ютип қўйишини сабаби аперасия. У раса ажойип чичқон ва аперасиядан кейин узоқ вақит ақилли қолишиям ажойип экан. Мен буларди билмагандим. Демек мен одди чичқонди лаберентта осонгина ютип қўяоламан. Балки кейинроқ Элжернондан хам ўтип кетарман. Зўр бўлса керак. Духтр Штраус айтишича Элжернон бутин умирга ақилли бўлип қолиши мумкинакан менга хам бирхил аперасия қилишкану демек менда хам имконият бор.

21 март

Бугун новвойхонада мазза қилдик. Жо Карп болларга қарап эй қарела Чарлини орқа тарафига мия ўрнатип қўйишипти деп раса кулди. Унга раса яқинда ақилли бўлип қолишими айтким келди лекин прафеср Немур айтма деганди. Фрэн Рейли бўлса Чарли сен эшикди қўлин билан очмашин керек деганди мен мазза қилип кулдим. Улар хамаси мени чин дўстларим ва мени раса яхши кўришади.

Иш кўп. Мен йўқлигимда хичким новвойхонани яхшилап йиғиштирмапти чунки олдин мен йиғиштирардимда лекин нонларди ташигани Эрни исимли янги ишчи олишипти бу ишдиям олдин мен қилардим. Жаноб Доннер мен дам олип ўзимга келгунимча у болани ишдан чиқарме тураркан. Мен унга йиғиштириштиям қилаоламан нон ташишдиям қилаоламан десам хам болани ишта қолдирди.

Мен нма қиле деб ундан сўрасам жаноб Доннер елкамга урип Чарли неччига киргансан деп сўради. Хозир 32 га кирганман лекин туғилган куним бўлса 33 га кираман дедим. Қачондан бери буерда ишлаяпсан деп сўраганди билмиман дедим. Сен буерга 17 йил олдин келгансан деди у. Сени тоғен Гермар жойи жаннатдан бўлсин мени дўстим эди. Сени буерга олипкелип сенга иш беришими ва сенга қарап туришими сўраганди. У 2 йилдан кейин ўлип қолганда ойинг сени Уорренди уйига топшириб юборганди мен сени улардан сўрап ишта олип қолганман. 17 йил тасавур қиляпсанми Чарли сени ишинг унча мухим бўлмасаям сени дойим умрингни охиригача буерда ишинг бўлади. Шунчун кимдур ўрнингни олип қўйишидан қўрқма. Хичқачон Уорренни уйига қайтишка мажбур бўлмесан.

Мен хич хавотрланганим йўқ лекин мен икала ишти қилаолсам Эрнини нима кереки бор. Мен ишими дойим виждондан қиламан. Эрнига пул керекакан биринчи шогирд бўлип кейин ўзи новвой бўлади деди жаноб Доннер. Сен уни ёрдамчиси бўлип унга қарашиб юрасан.

Хичқачон ёрдамчи бўлип ишламагандим. Эрни ақилли лекин бошқала уни унча ёқтиришмеди. Улар мени ёқтиришади бирга чин дилдан кулип дойим маза қиламиз.

Базида кимдир эй қара Фэрен йоки Жо йоки Жимпи Эрниям Чарлига ўхшедикан деп уни устидан кулишади. Эрталап қари чўлоқ Жимпи Эрнини мени исмим билан сўкти. У байрам пирогини йўқотип қўйганди. Жин урсин Эрни сен Чарли Гордонга ўхшашка харакат қиляпсанми деди. Нмага унақа деди чунмадим. Мен хичқачон байрам пирогини йўқотмагандим.

Жаноб Доннердан мен хам Эрнидақа йордамчи бўлиш учун нмаларди ўрганишим керек деп сўрадим. Агар менга имконият берганида хамайоқди ўрганаолишимни айттим.

Индамай турганимга жаноб Доннер менга узоқ ажойип тикилип турди. Фрэнк бизи гапларимизи эшитип қатиқ кулип юборди буни жаноб Доннер эшитип унга бақирип ишингни қил деди. Чарли бунга узоқ вақит кетади деп мени саволимгаям жавоп берди. Новвойни иши мухим ва оғир ишлардан бу хақида хозирча ўйланма деди.

Жаноб Доннер ва қолганларга раса аперасия хақида айтип бергим келяпти. Қаниди хамаси зўр бўлип бошқаларга ўхшап ақилли бўлип қолсам.

24 март

Лабараторияга бормагандим прафеср Немур ва духтр Штраус олдимга келишип нмага келмадинг деп сўрашти. Элжернон билан пойга ўйнагим келмаяпти дедим. Прафеср Немур пойга ўйнагинг келмаса ўйна-ма лекин лабараторияга келишинг керек деди. У менга совға олипкелипти лекин менда қолмедикан у нарса вақтинчали ишлатип тураманакан. У совға қандедур ўргатувчи нарсекан тиливизорга ўхшап ишледикан. У хархил расимлар кўрсатип бирнарсалар гапираркан хар куни ухлагани ётятип уни ёқиб ухлашим керекакан. Агар ақилли бўлип қолгим келса прафеср Немурди айтканларини қилишим керекакан. Менмча мен хичқачон ақилли бўлип қолмиман прафеср Немур дедим унга.

Кейин духтр Штраус олдимга келип Чарли сен ўзин билмаяпсан лекин секин секин ақилли бўляпсан деди. Соат чизиғи юришини сезмаганингдақа буниям сезмаяпсан. У раса секин юради. Лекин биз ўзгаришларди сени тестларингдан гапириш тарзингдан ва ҳисоботларингдан сезяпмиз. Бу дойимий ўзгариш бўладими йўқми буни аниқ билмимиз лекин яқинда сен анча ақилли ёш йигитка айланасан.

Мен хўп дедим ва прафесо Немур менга тиливизор бўлмаган тиливизорни қанде қилип ёқишни ўргатти. Бу нарса нмага керек деп сўрасам у яна чунтирип беришни сўраятканимга бироз қовоғини соволди. Духтр Штраус чунтирип бериш керек чунки у хичнмага ишонме қўйди деди. Прафеср Немур бўлса тилини ютипюборгиси келип турарди. Кейин у менга секин бу машина мени миями ўзгартиришини чунтирип берди. Уйқим келятканда ва бироз ухлап қолганимда менга нарсалар ўргатаркан. Уни гапларини эшитаман лекин расимларни кўрмиманакан. Тунда мен хархил тушлар кўришимга ёрдам бераркан ва болалигими эслашка ёрдам бераркан.

Қўрқяпман.

Бир нарса эсимдан чиқип қолипти. Прафеср Немурдан қачан Кинниан хонимди олдига мактапка борип дарсларда қатнашсам бўлади десам у Кинниан хоним яқинда ўзи олдингга колежга келип сени махсус ўқитади деди. Бу яхши. Аперасиядан кейин мен уни унча кўрмадим у расаям яхши аёл.

Жинни тиливизор кечпайт билан мени ухлатмади. Кимдир тинме қулоғингга бирнмалар вижирлап чиқса қанде ухлаш мумкин. Яна жиннича расимлар хам бор. Ох. Ухламаганимда гапирган гапларини чунмасам қанде қилип уларни ухлаганда чунишим мумкин. Барттан бу хақида сўрасам хавотирланма хамаси яхши кетяпти деди. Ухлаятканимда миям нарсалар ўрганаркан ва Кинниан хоним келип мени лабараторияда ўқитканда осонроқ бўладикан. Буерди мен олдин хайвонлар шифохонаси деп ўйлагандим ундай эмасакан. Бу лабаратория фан ривожланиши учинакан. Фан нмалигини билмиман лекин бу таржибака рози бўлип унга ёрдам берятканими биламан.

Барибирам бу тиливизор менга ёқмаяпти. Ухлаятип хам ақилли бўлиш мумкин бўлса нмага одамлар мактапка боришаркин. Бу нарса менга ёрдам беролмаса керек. Мен кўп ростакан тиливизордан кечки кўрсатувларди кўрардим лекин ақилли бўлип қолмаганману. Балки хама кўрсатувлардан хам ақилли бўлиш мумкинмасдур.

26 март

Тунда бу нарса мени ухлатмаса мен қанде қилип кундузи ишлеман. Тунди ўртасида бу тиливизор тинмасдан эсла эсла эсла деганидан турип кеттим. Менмча мен бирнмани эсладим. Нмалиги аниқ эсимда йўқ лекин эслаган нарсам Кинниан хоним мени ўқияткан мактап ва мен уерга қанде келганим билан боғлиқ эди.

Анча олдин Жо Карпдан у қанде қилип ўқишди ўрганганини ва мен қанде қилип ўргансам бўлади деп сўрагандим. У дойимгидек мен биронта кулгили нарса айтсам кулганидақа кулип юборди ва Чарли нма қиласан вақтингни бефойда сарифлаб мия йўқ жойга уни ўрнатип қўйип бўлмеди деди. Мени гапларими Фанни Бирден эшитип қолганакан уни акаси колежда ўқиди ва у акасидан сўрап менга омиларни ўқитадиган Бекман номли мактап борлигини айтти. У менга мактап номини қоғозга ёзип берди Фрэнк бўлса яна эски дўстларини эсингдан чиқарип юборадиган даражада ақилли бўлип кетма деп раса кулди. Қўрқма ёзишни ўқишни ўрганип олсамам эски дўстларими эсимдан чиқармиман дедим. Жо Карп билан икаласи яна гапларимга узоқ кулишти лекин кейин Жимпи келип нонларди тезроқ пишириш кереклигини айтти. Улар хамаси мени раса яхши кўришадида.

Иштан кейин мактапка етиполиш учун 6 та махаладан ўтишмга тўғри келди ва мен йўлда бироз қўрқтим. Мен раса ўқишни ўргангим келятканди шунчун ўша захоти ўқигани газета сотип олдим.

Уерга борсам уерда катта залда кўпкина одамлар ўтирганди. Биринчи кимгадур нмадур хато гап айтип қўйиштан қўрқип кетмоқчи бўлдим лекин кейин қолишка қарор қилдим. Уерда хичким қолмашини куттим ва уерда ишлайдигон битта аёлдан мен ўқишни ўрганип хама газеталарди ўқип чиқмоқчиман шунга ўқишни ўргансам майлими деп сўрадим. Бу Кинниан хоним эди лекин у пайитда мен буни билмасдим. Эртага келип рўйхатка ёзилсен мен сенга ўқишди ўргатаман деди у. Лекин бунга кўп вақит керек бўлади балки кўп йиллар сен бунга таййор бўлишинг керек. Мен буни билмагандим лекин барибир ўқишди ўрганмоқчиман чунки мен кўпинча ўзими ўқиганликка соламан лекин мен аслида ўқишди билмиман дедим унга. У яхши сиз билан танишканимдан хурсанман жаноб Гордон деди. Мен сизни ўқтувчиз бўламан. Менинг исмим Кинниан хоним. Шунде қилип Бекман мактапида ўқишди бошладим ва Кинниан хонимди учраттим.

Бирнмани ўйлаш ва эслаш жуда қийин ва мен яхши ухламаяппан. Теливизор раса қатиқ бақиради.

27 март

Хархил нарсаларди эслашни бошлаган бўлсанг демек энди духтр Штраус олдига тирапефтик сианслар учун боришинг керек деди прафеср Немур. Тирапефтик сиансларга одамлар ўзини яхши хис қилмаса боришаркан уетта нарсаларди гапирип яна ўзларини яхши хис қилишти бошледикан. Менга буни прафеср Немур чунтирип берди. Мен ўзими яхши хис қиляппан ва кунбўйи тинме бирнарсаларди гапираман духтр Штраусди олдига боришди нма кереки бор деп ундан сўрасам уни бироз жахли чиқип барибир боришинг керек деди. Тирапияга борганимда диванга ёттим олдимга духтр Штраус ўтирди ва Чарли хохлаган нарсаларингни гапир деди. Ва мен унга новвойхона ва уерда нма қилишимиз хақида айтип бердим. Менмча уни кабинетига борип ётволип унга бирнмалар айтип бериш жиннилик хар куни ҳисоботлар ёзаману шуларди ўқисаям бўладию. Шунчун мен бугун унга ҳисоботими олипкелдим диванга ётип уни духтр Штрауска берип сиз буни ўқип туринг мен бироз ухлап оламан дедим. Мен кечпайт ухламаганимдан раса чарчагандим жин урсин тиливизор хич мени ухлатмаяпти лекин духтр Штраус бунга унамади. Бирнмалар хақида гапиришди бошладим лекин гапни ўртасида ухлап қолипман.

28 март

Бошим оғрияпти. Бу сафар телевизердан эмас. Духтр Штраус ухлашим учун телевизер овозини қанде пасайтиришти кўрсатти. Эрталап турип кечпайт нмаларни ўрганганими билиш учун телевизерни бир икки мартта эшиттим. Мен хама сўзларди чунмадим. Балки бу четтилидир ёки шунга ўхшаш. Лекин бу кўпроқ американ тилига ўхшаяпти. У бирам тез гапирадики.

Духтр Штраусдан ухлаятканимда ақилли бўлишимдан нма фойда мен кундузи ақилли бўлмоқчиману деп сўрадим. У икаласи битта нарса эканлигини ва мени иккита миям борлигини айтти. ОНГ ва ОСТ ОНГ бор экан ёзилишини духтр Штраус айтип берди улар икаласи бир бирига нма қилишятканини айтмедикан. Улар бир бири билан гаплашмедикан. Шуничун менга тушлар кирадикан. Тавба базида бирам ажойип тушлар киради менга. Ох. Хамасига бу телевизер сабабчикан.

Духтр Штраусдан фақат менда иккита мия борми ёки хамада шунақами деп сўраш эсмдан чиқипти. (Хозир духтр Штраус менга берган луғаттан бу сўзди маносини топтим. ОСТ ОНГ – мия фаолиятига оид, лекин онгда мавжуд бўлмаган жараён, масалан, интилишларнинг ост онг жанги). Уерда яна бирнмалар ёзилганди лекин мен уларди чунмадим. Менга ўхшаган онги паст одамлар учун бу раса зўр луғат.

Бошим базмдан кейин раса оғрияпти. Жо Карп ва Фрэнк Рейли ишдан кейин мени Халлоранс барига бироз ичип ўтиришка таклиф қилишди. Мен виски ичишни ёқтирмиман лекини улар ич маза қилип дамоламиз дейишди. Биз ўйинлар ўйнадик ва мен барда ситол устига чиқип бошимга лампа қалпоғини кийип олип раса ўйинга туштим хамамиз маза қилип кулдик. Кейин Жо Карп қўлимга латта берип Чарли қизларга новвойхонада қанде пол артишингни кўрсатип бер деди. Мен уларга пол артишимни кўрсатип раса ишими яхши кўраман шуничун хичқачон кечқолмиман ва дойим ишка келаман ва жаноб Доннерни айтишича уни новвойхонасида ишлаган энг зўр фаррош мен эканлигими айтсам хамаси раса кулишти. Кинниан хоним хам Чарли яхши ишлаганингдан ғурурлансанг бўлади деганди деп мақтанип қўйдим. Хама кулишда давом этти. Фрэнк бўлса Кинниан хонимни Чарли билан муносабатлари бўлса ўзиниям томи кетип қолипти деди. Жо бўлса Чарли сен у билан ёлғиз қолганингда нмалар қиласан деп сўради. Мен нма деганингни чунмаяппан Жо дедим. Менга яна виски таклиф қилишти ва Жо Чарли мас бўлип қолганда раса кулгили бўлип қолади деди. Менмча бу гап мен уларга ёқишими билдиради. Қачон энг яқин дўстларим Фрэнк Рейли ва Жо Карпка ўхшап ақилли бўлип қоламаникин.

Базм қанде тугагани эсмда йўқ лекин охирида улар мендан кўчага чиқип ёмғир йоғяптими йўқми билип келишими сўрашти. Қайтип келип икаласиниям бардан тополмадим. Менмча улар мени излап кетишкан. Кечпайткача уларди излап юрдим. Мен адашип қолдим ва ўзимдан раса жахлим чиқти чунки агар мени ўрнимда Элжернон бўлганида у адашип қолмасти уйга йўлни топаоларди.

Уйоғи эсимда йўқ лекин мис Флинни айтишича мени битта яхши полициячи олип келипти. Кечпайт тушимга ота онам кирди лекин уларди юзларини кўролмадим улар оппоқ эди ва тиниқ кўринмади. Мен тушимда йиғлаяткандим чунки уларни топаолмастан уйоғдан буйоққа тинме югурардим. Кейин олдимга бир киши келип кўлимга қанд берип чеккага олип ўтди ва катта боллар йиғламеди тинчлан хозир даден билан аен сени олдинга келишади деди. Тушим шунде бўлди ва бошим раса оғриди ва хамаёғим кўкарип яра бўлип кетганди. Жо балки ўзини яхши тутмагандурсан ва полициячи сени раса ургандур деди лекин мен бунде деп ўйламиман. Энди қайтип виски ичмиман. Хичқачон.

29 март

Мен Элжернонни пойгада юттим. Барт буни менга айтмагунча билмаппан. Лекин иккинчи мартта хаяжонланганмдан юткизип кўйдим. Кейин яна 8 мартта уни ютип қўйдим. Элжернон каби ақилли чичқонни ютип қўяткан бўлсам эхтимол ақилли бўляткандурман лекин мен буни хис қилмаяппан. Мен яна Элжернон билан беллашким келди лекин Барт бугунга етади деди. Мен Элжернонни қўлим билан ушлап кўрдим. Пахтадай юмшоқ экан. У тинмай кўзларини пирпиратар экан кўзларини ранги қопқора ва чекалари пушти ранг экан. Барт Элжернонга овқат берсам майлими дедим чунки мен ўзими айибдор ҳис қиляткандим шунчун у билан дўстлашмоқчи бўлдим. Йўқ Элжернон жуда хам махсус чичқон худди сеникидақа аперасия қилинган деди Барт. Ҳайвонлар ичида у биринчи мартта бунчалик узоқ вақтда ақилли холида қолган экан у шунчали ақиллики хатто овқат ейиш учун у хар сафар янги қулуфни очип овқатини ўзи олиши керек экан. Мен унга жуда ачиндим чунки агар қулуфни очаолмаса қорни оч қолади экан. Менмча овқат еяолиш учун қулуфларни очишка мажбурлаш яхши эмас. Элжернон билан яхши дўст бўлип кетсак керек.

Бир нарса эсимга келди. Доктр Штраус тушимга кирган ва мен ўйлаган хама нарсани дафтарчага ёзип қўй деганди. Мен хали қанде ўйлашни билмиман дедим. Мактапка қанде борганинг хақидаги ёзганларинг ота онанг хақида ёзганларинг аперасиядан олдин нма бўлганлари хақида ёзганинг сени фикрлаятканини билдиради. Мен ўйлаяппан эмиш. Балки бу мен билан бўляткан нарсаларни билдирар. Мен ўзимни бошқача ҳис қилмадим лекин раса хаяжонланип кетканимдан ухлолмадим.

Доктр Штраус менга ухлашка ёрдам берадигон пушти дорилар берди. Сен кўп ухлашинг керек чунки ухлаганингда миянгда ўзгаришлар содир бўлади деди у. Балки уни гаплари тўғридур чунки тоғам Ҳерман дойим ишдан бўш пайитларида мехмонхонадеги диванда ухларди. Ойимга мен хам тоғамдақа бўёқчи бўлмоқчиман десам синим Норма аха Чарли ойламизни рассоми бўлади деп кулди дадам бўлса унга бунчали разил одам бўлма деп уришип бетига урди. Рассом кимлигини билмиман лекин агарда шу сўзди деп Нормани уришкан бўлса демек рассом яхши сўзмас экан. Норма устимдан кулганда уни уришса мен дойим ўзими ёмон ҳис қилардим. Хали ақилли бўлип кетай уни кўргани бораман.

30 март

Бугун Кинниан хоним ишдан кейин лабараторияга келди. У мени кўрганидан раса хурсаниди лекин хаяжонланятканди. Адашмасам у мендан ёшроқ эди.

Ақилли бўлишка қатиқ харакат қиляппан Кинниан хоним дедим. Мен сенга ишонаман Чарли бошқаларга ўхшап ўқиш ёзишни ўрганиш учун қанчали харакат килганинг эсимда. Сени қўлингдан хамаёқ келади. Бу ишинг билан бошқаларга жуда катта ёрдам беряпсан.

Биз жуда қийин китобни ўқишни бошладик. Мен умримда бунчали қийин китоб ўқимагандим. Китобни номи Робинзон Крузо экан ва китобда кимсасиз оролга тушип қолган киши хақида айтип берилади экан. У раса ақилли ва қўлидан кўп нарса келади шунчун у уй қуролади оч қолмади. Лекин мен унга ачиндим чунки уни дўстлари йўқ гаплашкани хичкими йўқ. Лекин менмча оролда кимдир бор чунки бир жойда у қўлида ажойип зонтик билан тўхтап қумдаги одамнинг оёқ изларини кузатади. Уни дўсти бўлади деп умид қиламан.

31 март

Кинниан хоним мени сўзларди тўғри талаффуз қилиш ва ёзишга ўргатяпти. Бир сўзга қарап кўзингни юмип у эсингда қолмагунча кўзини очма. Кўп сўзларди нотўғри ёзятган эканман. Менга бу иш раса қийин туйиляпти лекин Кинниан хоним хавотир олма ўрганип оласан деди.

9-ҳисобот 1 апрель

Бутун новвойхона ишчилари бугун мен хамир қоргичда ишлашими кўргани келишди. Қоргич билан ишлайдиган Оливер кеча ишдан чиқиб кетти. Мен унга олдин ун қопларини олиб келиб уларни қоргичга солишка ёрдам берардим. Лекин барибир ҳам у билан ишлай олишимни билмагандим. Аслида бу роса қийин иш Оливер новвой ёрдамчиси бўлип ишлаш учун бир йил махсус мактабка бориб ўқиган.

Менинг дўстим Жо Карп бирдан Чарли Оливерни ўрнида сен ишласангчи деб таклиф қилип қолди. Ҳамма тўпланиб менга қарап кулиб туришди ва Фрэнк ростдан ҳам Чарли шундай қил сен анчадан бери новвойхонада ишлайсану деди. Қўрқма Жимпи ҳозир ишда эмас бир марта ишлап кўрсанг хичким билип қолмайди. Лекин мен роса қўрқдим чунки катта новвойимиз Жимпи агарда шифохонада қўлинг синиб ётишни хоҳламасанг хичқачон хамир қоргични олдига яқинлашма деганди. Ҳаммаси бўлақол бўлақол деб менга бақиришарди фақатгина Фанни Бирден етар бечорани тинч қўйинглар деб айтди.

Фрэнк унга қараб овозингни ўчир Фанни бугун 1 апрель агар Чарли бугун яхшилап ишласа эртага ҳаммамиз дам оламиз деди. Кейин мен уларга майли мен хамир қоргичда ишлап кўраман Оливер қандай ишлаганини кўрганман лекин қоргич бузилип қолса уни тўғирлаш қўлимдан келмайди дедим.

Қоргични ёқдим ва ҳамма айниқса Фрэнк хайрон бўлип қолди. Фанни Бирденни эса оғзи очилип қолди чунки Оливер хамир қоргичда ишлашни новвойлар мактапида 2 йил ўрганганди. Оливерни ёрдамчиси Берни Бэйт Чарли сен ундан тезроқ ва яхшироқ ишлаяпсан деди. Ҳамма кулишдан тўхтаб қолди Жимпи келганда Фанни унга бўлган воқеани айтиб берганди уни роса жахли чиқди.

Кейин у Жимпига ишонмасангиз бориб ўзиз кўринг деди. Ишчилар бугун 1 апреллиги учун уни устидан хазил қилишмоқчиди Чарли бўлса уларни оғзини очип қўйди. Жимпи менга ғазап билан қараятганини билип тургандим чунки у худди профессир Немурга ўхшап кимдир унга буюрилмаган ишни қилса жони чиқарди. У менга қараб бошини қашиб яхши ишлашингни кўрябман лекин кўзларимга ишонгим келмаяпти деди. Яна бироз ишлап тур мен борип жаноб Доннерни чақириб келаман ва унга ҳам ишлашингни кўрсатамиз деди. Жаноб Доннер жони чиқишидан жуда қўрқдим ва қорғичдаги хамир тайёр бўлгандан кейин мени ишларим кўп кетишим керак дедим. Жаноб Доннер келиб узоқ менга тикилип турди ва болалар мени устимдан куляпсизларми. 1 апрель хазилими бу. Мен ҳам биринчи улар хазил қилишяпти деб ўйладим. Хамир қоргични атрофида бироз айланиб мен ҳам ҳайронман лекин Чарли бу ускуна қандай ишлашини биляпти ва Оливердан яхшироқ ишлаяпти деди Жимпи. Ғала-ғовур бошланиб кетди. Мен бироз қўрқиб қолдим чунки ҳамма менга ғалати қараётганди. Мен сизларга айтгандим оҳирги пайт Чарли ўзини ғалати тутяпти деб деди Фрэнк. Жо Карп бўлса нимани назарда тутаётганингни тушундим Фрэнк деб қўйди. Жаноб Доннер ҳамма ўз ишига қайтсин деди ва мен билан боғчамизга чиқди.

Чарли қандай бўлганини билмайман лекин сен ваниҳоят бир нима қилишни ўргандинг. Илтимос сендан эҳтиёт бўлиб ишла ва ўзингни асра. Бугундан бошлаб сен янги ишни бошлайсан ва маошинг доимгидан ҳафтасига 5 долларга кўпроқ бўлади.