Тау мен теңіз ертегілері. От құдайы Чжу Жун (Zhu Rong)

Мао Сяо

Тау мен теңіз ертегілері. От құдайы Чжу Жун (Zhu Rong)

АЛҒЫ СӨЗ

Сяо Мао ұстаз өзім ұнататын балалар әдебиеті жазушыларының бірі. Ол маған «Балалықтың фото-суреттері», «Күндіз қандай болады?», «Шабарман» сынды бірнеше шығармасын ұсынып еді. Мен оларды Weibo-ның «Балалар кітабы» сайтына шығарғанмын. Сяо Мао маған сыйлаған әрбір кітабына «Балалар оқуы – барлық оқудың негізі», «Жұмыр басты пенденің бәрі махаббат пен арман қуған тұлпарлар», «Қызықты кітаптар оқып, көңілді адам болайық» және т.б. нақыл сөздерімен қолтаңба жазып беріп отырды. Оның әде-би шығармашылығы мен оқу туралы ойларын осыдан толық байқауға болады.

Жақында «Минтянь» баспасының редакторы Сяо Мао мырзаның жаңа кітабының баспадан шығаты-ны туралы айтып, менің сол кітапқа алғы сөз жазып беруімді өтінген болатын. Мен кітаптың «Тау мен теңіз ертегілері» деген ерекше атауын естігенде, қауырт жұмысымды қайырып қойып, бірден келісімімді бердім.

«Таулар мен теңіздердің классикасы» (Шань хай цзин) – Қытайдың Цинь дәуіріне дейін жа-зылған ежелгі кітабы, еңбекте негізінен география,табиғат байлықтары, наным-сенімдер, бақсылық пен мифтер, сондай-ақ ежелгі тарих, медицина,әдет-ғұрып, халықтар, т.б. туралы мағлұматтар топталған. «Таулар мен теңіздердің классика-сы», «Теңізді толтырған Цзинвэй», «Күнді қуған Куафу» сияқты таныс мифтер мен әңгімелер ғана емес, сонымен бірге кітапта біз көп біле бермейтін тамаша таулар мен өзендер, сиқырлы жаратылыс-тар туралы айтылады.

«Таулар мен теңіздердің классикасы» көне тарих пен географияны, жергілікті ерекше өнімдерді зерт-теуге мол деректер береді. Сондай-ақ кітапта сөз болған фантазиялық сипаттағы, таңғажайып миф-аңыз ертегілер әдеби шығармашылыққа құнды элементтер беретін кеніш саналады. Ол балалар әдебиеті шығармашылығы үшін де үлкен мүм-кіндік бере алады. Қазіргі заманғы қытай әдеби-етшілері «Таулар мен теңіздердің классикасын-дағы» жер-су атаулары, өсімдіктер, құбыжықтар сияқты өкілдік элементтерге негізделе отырып,оларды әдеби туындыларға айналдыру сынды жаңғырту жұмысын жүргізіп келеді. Жақында Қытайда жарық көрген «Қайта оралған батыр» және «Құбыжық аңдар» дейтін танымал екі фильм де «Таулар мен теңіздердің классикасы» атты шығарма мазмұны негізінде жазылғанын білеміз.

Сяо Мао ертегілерінде «Сяо Маоның өзіне тән ерекшеліктері бар» деген пікірді жиі естиміз. «Тау мен теңіз ертегілері» топтамасына келер болсақ, одан да сол ерекшеліктерді кездестіреміз.

«Таулар мен теңіздер классикасы» Сяо Маоның хоббиі делінеді. Ол «Таулар мен теңіздер классика-сының» көптеген нұсқасын жинап, сақтап келеді. Демек, ондағы мәтін мен иллюстрациялар оған үлкен ой салып, шығармашылық шабыт сыйлағаны даусыз. Сяо Мао «Таулар мен теңіздер классика-сын» дәстүрлі мәдениеттің мәйегі деп санайды. Қазіргі кезде ол соны пайдаланып, кәдеге жаратып отыр. Автор Қытай балаларының қазіргі шынайы өмірін «Тау мен теңіз ертегілеріндегі» қиялмен тығыз қабыстырып, шындық пен фантастиканы,бүгінгі өмір мен көне дәстүрді, классика мен за-манауи стильді біріктіріп, жаңа ертегілер құрас-тырды. Оның бұл шығармашылық қадамы бізді қу-антып отыр.

Мысалы, Сяо Мао «Таулар мен теңіздер класси-касында» айтылатын башэ (bаshе)1 пілді жеп, сүйе-гін бірнеше жылдан кейін шығарып тастайды деген аңызды негіз ете отырып, үш жылан туралы ертегі құрастырып шықты: онда Вэйвэй деген кішкентай башэнің И-имен үйленіп, өздігінен жүріп-тұра алмай қалған кәрі башэге қамқор болғаны баяндалады. Кәрі башэ өлер алдында оларға «піл жемеңдер» деп өсиет айтып кетеді. Кішкентай башэ оның өсиетін тыңдамай, пілді жұтып қояды. Бұл қызықты оқиға желісіне құрылған шағын ғана ертегі болғанымен,онда терең философиялық ой мен үлкен мән жатыр. Айта кету керек, «Тау мен теңіз ертегілері» топта-масы балаларға арналған оқиғаларды баяндап қана қоймайды, сонымен қатар балаларға ертегі арқылы негізгі құндылықтарды жеткізуге назар аудартады. Ер-тегілерде ақиқат, ізгілік, сұлулық ұғымдары өте тама-ша тоғысқан. Мысалы, «Отшашар» деген ертегіде әкесі отшашарға «Сен киіміңді, шұлығыңды, аяқ киіміңді түгел шешіп жалаңаштанып, құралсыз, тамақсыз табиғат аясына барып, ағаш пен шөпті қорек етіп, жа-байы аңдармен (егер жабайы аңдар болса) дос бол» дей отырып, оған табиғатпен үнемі байланыста болу керек екенін ескертіп отырады. Сяо Мао осы арқылы балалардың табиғатқа етене жақын өскенін, «табиғат тапшылығы бұзылуы» синдромынан зардап шекпесе екен деген арман-тілегін білдіреді. Тағы бір мысал ретін-де көрсетер болсақ: Сяо Мао өзінің «Хужэнь» деген ер-тегісінде «Қиял, мейірімділік, әділеттілік, жаратылыс,уақыт… таңғы шық, шырт ұйқыда көрген түс, гүлдердің жұпар иісі… осылардың бәрі-бәрін ешкім бағаламайтын деңгейге жетті. Бұл адамды қатты алаңдатады және ой салады» деген сөздерді әженің аузына салып береді.

Балалардың қытай дәстүрлі мәдениетіне деген қызығушылығын қалай оятуға болады? Ежелгі қытай классикасының шығармашылық трансформациясы мен инновациялық дамуын қалай жүзеге асыруға болады? Бұл жағында Сяо Мао пайдалы әрекет жа-сады. «Тау мен теңіз ертегілері» топтамасына енген ертегілер ежелгі қытай халқының ғажайып қиялына мұра ету негізінде оны жаңғыртып отыр. Бұл автор-дың дәстүрлі қытай мәдениетіне деген құрметі. Бұ-дан автордың Қытайдың дәстүрлі мәдениетін шығар-машылық жолмен трансформациялауы мен иннова-циялық дамытуға деген ерік-жігерін көруге болады. Қытайда ежелден бар тақырыпты жаңғыртудың өзі балалар әдебиетіне қажетті кеніш болып саналады.

Чжу Юнсинь,

Қытай білім беру ассоциациясының вице-президенті,Қытайдың білім беру саласындағы

жаңа оқу экспериментінің негізін қалаушы,Сучжоу университетінің профессоры

Чжун Ли

Ол заманда аспан мен жердің арасы мұндай алыс емес еді.

Аспан жоғарыда, ал жер астыңғы жақта.

Аспанда Құдай, жерде адамдар өмір сүретін. Әрине, жер шарында жануарлар, өсімдіктер, тіпті құбыжықтар да өмір сүреді.

Ол кезде адамдар құбыжықтарды көргенде, оны құбыжық деп таңғалмайды екен. Үш аяқты мысық,тоғыз басты құс дейсің бе, оның бәрі ерекше деп са-налмайтын! Олар ондайды үнемі көріп жүрген соң, қа-лыпты құбылыс болып сезілетін болар.

Керісінше, құбыжықтар адамдарға: «Адамда екі қол, екі аяқ, екі көз, екі құлақ, бір мұрын, бір ауыз бола-ды екен. Екі аяғымен тік жүреді, сөйлей алады. Құйыр-шығы жоқ екен, қандай қызық!» деп таңғалып, тамса-нып қарайтын болған екен.

Ол кезде жер мен көк бір-бірімен барыс-келіс жа-сап тұратын болыпты.

Құдай жерге түссе, адамдар көкке көтеріле алған. Яғни жер мен көктің арасын жалғап тұратын жол бар екен.

Жол болғанда бейне үлкен қалалардағы метро си-яқты өте ыңғайлы жолдар болыпты.

Олар аспан мен жерге еркін келіп-кетіп тұрған,оларға ешкім кедергі жасай алмайды екен.

Ол үшін билет сатып алудың қажеті де болмапты.

Адамдар аспанға қалаған уақытында барып-келіп жүреді екен.

Ол уақыт Құдай мен адам тығыз байланыс жасай-тын заман.

Ол бір тамаша кезең болған екен.

Қарапайым адам жолда келе жатып, неше түрлі құбыжықтарды кездестіре беретін, тіпті кейде Құдайға да жолығып қалатын. Олар бұл үшін қысылып-қымты-рылып әуре болмайтын. Олар Құдайдың алдында қо-балжып немесе отыра қалып тізерлеп жалбарынып жатпайтын. Тізерлеп Құдайға жалбарыну, бас ұру де-ген кейін пайда болыпты.

Құдай адамдарға мейірімін төгіп, күлімсіреп,өзі сәлемдеседі екен. Яғни Құдай адамдар мұқтаж болған кезде оларды қалаған жеріне жеткізіп салатын болған.

Құдайдың қанаты бар, ұша алады, ол жылқыдан да, тіпті әрқандай көліктен де шапшаң. Тіпті қанаты болмаған күннің өзінде оның қатынас құралдары өте көп.

Ол бұлт болса бұлтқа, айдаһар болса айдаһарға мініп кете береді. Айдаһар өте тәкаппар, ол жай адамдарды мінгізбейді. Бірақ айдаһарды Құдай шақы-ра алады, айдаһар Құдайдың айтқанынан шықпайды. Ол Құдай қалаған кезде қасына жетіп келеді де, оны мінгізіп, аспанға алып кетеді. Кей адамдар әулиеге айналып кетеді, сол әулиелер бірінші рет аспанға кө-терілетін кезде де оларды айдаһар келіп алып кетеді екен.

Айдаһар өктем келеді, оған не істеуге болады! Е Гун деген адам айдаһарларды өте жақсы көреді екен. Ол үйінің барлық қабырғасына айдаһардың су-ретін салып тастапты. Айдаһар мұны естіп, Е Гунды көруге келіпті. Сөйтсе, айдаһарды көрген жерде Е Гун шошығаннан өліп қала жаздапты. Е Гунды көрген кез-де айдаһар да әдейі доңыз айбатын сыртына салып,аузын арандай ашып, сес көрсетсе керек. Егер сіз мінетін бұлт таппай қысылсаңыз немесе таксистер сияқты алып кететін айдаһарларды таппа-саңыз, Құдай амалын тауып өзі-ақ: «Ом мани падме хум» деп, зу етіп жетіп келеді.

Ол жеті қабат жер астын шарлап жетеді. Адамдар Құдайдың жер астын шарлайтын қиқыметінен шабыт алып, метроны ойлап тапқан екен деседі. Жеті қабат жердің астын шарлау техникасынан басқа сиқырлы да тылсым әдіс бар: ол – жерді (жол-ды) қысқарту әдісі.

Қарапайым тілмен айтқанда, электронды кар-тадағы кішірейту түймесін басып қалсаң, бүкіл жер кішірейіп көрінеді ғой. Ол да бейне сол сияқты. Мыңдаған шақырым жол әудемде бір метрге де жет-пейтін болып қысқарады. Құдай мыңдаған шақырым қашықтықты бір аттап жетіп келеді.

Сондықтан мейірімді Құдайға кез болсаң, бас тар-тушы болма, ол сені қалаған жеріңе жеткізіп салады.

Бәрі де құдіреті күшті Құдайдың қолында.

Дегенмен Құдайдың қолынан келмейтін нәрселер де бар.

Мысалы, Құдайға тағам тола дастарқан әзірлеу қиын емес, бірақ тағамды өз қолымен дайындауды өтінетін болсаң, ол оның қолынан келмейді:

«Пиязды қандай ұзындықта кесу керек?»

«Тофуды қуыру керек пе?»

«Тұз салғыш қайда?»

«Қаншалықты тұз салу керек?» Мұның бәрі ол үшін шынымен де қиын!

Құдай тамаша табиғи гүлзарбақты, табиғи көркем көлді, әдемі табиғи самалдықты лезде жасай салады. Бірақ сіз одан орындық жасауды өтінетін болсаңыз: «Осы орындықтың сирағын теп-тең етіп кескенді біле алмай-ақ қойдым, кесе-кесе жоқ қылатын болдым» деп қайран болады…

«Орындықтың сирағы мен бетін шегесіз қалай тұрғызуға болады?»

«Мынау орындық неге тербеле береді?» Құдайдың өзі жасаған орындық шынымен де мықты болмайтын.

Сол заманда Құдай адамдармен қарым-қатынас жасауды ұнататын.

Тіпті қызық болатын.

Адамдар үшін қарапайым дүниелер Құдай үшін таңғажайып нәрсе болып көрінетін.

«Тастан да гүл оюға бола ма? Қалай оюға?»

«Күріштің өзін жеуден өзге, одан талқан жасау-ға, торт жасауға болады екен… иісі қандай кере-мет!..»

«Жастыққа бастарың тисе болды ұйықтайсыңдар,оның сыры неде?»

«Ағаштың жапырақтарынан желдеткіш жасауға болады екен. Қандай ғажап!» деп таңданып-тамса-натын.

Ол заманда адамдар мен Құдайлар бірін-бірі баға-лайтын, бір-біріне сүйсінетін, бір-бірімен араласатын,тату-тәтті өмір сүрген.

Кей адамдар қызық көріп, аспанға шығып қыдырып қайтатын болған.

«Аспанға көтерілгеннен де қиын болды» дейтін сөз кейін пайда болды.

Ол заманда аспанға көтерілу тауға шығудан қиын болған жоқ. Өйткені тауға шықсаң, улы жыландарға,жыртқыш аңдарға кез болуың мүмкін. Кейде адасып қаласың, кейде лай-көшкін болуы мүмкін. Ал аспанға көтерілу қауіпсіз әрі жылдам.

Біз басында айтып кеткеніміздей, аспан мен жердің арасы бүгінгідей алыс емес болатын.

«Аспанға бірден көтеріле салдық» дейтіндер аспанға барып көріп келгендер. Олар сыйлыққа аспаннан жұлдыз ала келетін. Олар оны аспандағы арнайы жұлдыз сататын дүкеннен әкелетін. «Аспанның есігі айқара ашық жатыр, онда күзет тұрмайды,кіре бересің… Бірақ ішетін су алып алғандарың жөн. Аспаннан келген балшырын… өте қымбат, дәмді емес,сиырдың тезегіндей иісі бар. Аспандағы балшырын (gаn lu)1… өте қымбат, оның үстіне дәмі де жақсы емес,біртүрлі күлімсі иіс шығады» дейтін аспанға көтеріліп келгендердің бірі.

Ол балшырынды, шын мәнінде, аспанға жерден таситынын білмейді.

Балшырынның қымбат болатын себебі – оны жинау өте қиын. Оны жинаудың қыр-сырын білетін адам түн жарымына дейін ұйықтамай, көк шөптің қасына барып, шықтың пайда болғанын күтеді. Таң ата шық пайда болған кезде сол таза шықты таза ыдысқа жинайды, мұны күн шықпай істеу керек. Көп шықтың ішінен ең тазаларын жинап алады. Оның үстіне, оны тасымалдаудың өзі қиын шаруа. Өйткені тап-таза шық көбінесе шалғайдағы таулар мен ормандарда немесе жолы қиын жерлерде болады. Оның үстіне шықты ат атысымен жинап, күн шықпай тұрып жеткізу керек. Таза шық күннен ұялатын сияқты, күнді көрген заман жоқ болып келеді. Сондықтан тасымалдауға көп жұмыс күші, материалдық ресурстар, қаржы ресурстары керек. Сонымен қатар оны сақтаудың да өзіндік қиындықтары бар. Аспанға тасымалданатын балшырындарды өңдеуге тура келеді. Өңдеудің құпия рецепті бар, құпияны ашуға болмайды. Балшырынды мұздатуға, тым ыстық ұстауға болмайды, оны бүркеп тастауға, не мүлде ашып тастауға да болмайды. Оны бірден ішу керек, болмаса тұрған сайын қоюланып,біртүрлі күлімсі иіс шығып кетеді.

Адамдардың аспанға көтерілу жолы көп бол-ғанымен, мынадай бірнеше түрлі әдісі бар:

1. Аспанға баспалдақпен көтерілуге болады. Баспалдақтың екі түрі бар, бірі шөптен жасалған баспалдақ, екіншісі ағаш баспалдақ. Ағаш баспалдақ ағаш пен арқаннан жасалған былқылдақ баспалдақ. Шөп баспалдақ дегеніміз – ағаш жапырақтарынан жасалған баспалдақ. Адамдар жапырақты басып,аспанға көтеріледі.

2. Ағашқа өрмелеу2 арқылы аспанға көтерілу. Ағаш аспанмен тілдесіп жатады. Тек ағашқа өрмелей алсаң болды, аспанға көтеріле аласың. Оның ешбір қыр-сы-ры жоқ, меңгеруді қажет етпейді. Өйткені сол заман-да адамдардың бәрі ағашқа өрмелей алатын болған. Адамдар тік жүруді кейіннен үйренді. Одан бұрын адамдар маймыл сияқты ағаштың басында тіршілік еткен. Адамдар үйді ағаштың басына салып алатын,оны ағаш үй деп атаған.

Аспанға көтерілу үшін баспалдақтар орнатылған.

Ағашқа өрмелей алмайтындар баспалдақпен кө-теріле алады, ал баспалдақпен көтерілуге қорқатын-дар ағашпен көтеріледі (Жел соққан кезде арқан мен ағаштан жасалған баспалдақ тербеліп тұрады, ал шөп баспалдақ жаңбыр жауған кезде тайғақ болады).

Ал осы екі баспалдақпен жүре алмайтын болсаңыз,баспалдақтың қасына барып, Құдайды күтсеңіз бол-ды, ол өзі аспанға ала кетеді. Ол заманда қазіргідей көп ереже мен қағида болған жоқ. Құдай адамдарды еш кедергісіз көкке алып кете беретін.

Құдайлар адам жасаған кейбір жергілікті өнімдерді аспанға алып кете алған, бұл контрабандаға жатпай-тын.

Кейбір Құдайлар шаш қыстырғыш, сырға, алқа,білезік және шам сияқты қолдан жасалған нәрселерді жақсы көретін. Бұл заттардың ең үлкен ерекшелігі – тез тозады не тез сынып қалады. Құдайдың заты оңайлықпен сынбайды, тек жалықтырып жібереді. Олардың тарағы тозбайды, жүздеген жыл қолдануға жарай береді. Ал адамдар жасаған заттар тез тозады,оның орнына жаңасын алуға тура келеді. Ескінің ор-нын жаңа басады деген осыдан қалса керек. Не десек болады: Құдай да жаңа нәрсені ұнатады.

Аспандағы заттарға қарағанда жердегі заттар ар-зан келеді.

Сол себепті Құдайлар жерге түсіп, өздеріне керекті заттарды сатып алып қайтады.

Кей пысықтар жердегі заттарды аспанға апарып,ал аспандағы заттарды жерге әкеп қымбатқа сататын.

Сондықтан кейбір көктен келген заттар уақыт өте келе таптырмас қазынаға айналды.

Бұл қазына пейілі түзу адамның қолына түссе жақ-сы, өйткені олар ашкөз болмайды. Ал қазына пиғылы жаман адамдардың қолына түсе қалса, олар одан бетер ынсаптан айырылып, мыстан, құбыжыққа ай-налып шыға келеді. «Батысқа саяхаттағы» құбыжық,мыстандардың көбі осындай жаман адамдардан өз-герген. Олар көп сиқырлы қазынаға ие болған соң, құ-быжық, мыстанға айналып шыға келді.

Сауда алғаш Шан дәуірінен басталды, саудагер де-ген сөз сол кезде пайда болды.

Шан дәуірінде сауда қалай пайда болды десеңіз,Шан жерінде аспанға көтерілетін жолдар басқа жер-лерге қарағанда көп еді. Баспалдақтар да жиі кезде-сетін.

Адамдар аспанға алғаш көтерілген кезде тартын-шақтап, қорқатын еді.

Қанша дегенмен, аспан мен жердің айырмашылығы жер мен көктей болатын.

«Айырмашылығы жер мен көктей» деген сөз осы-дан қалса керек.

Адамдар аспанға көтерілген кезде қорқақтап, көп жүре бермейтін болған, тіпті дауысын шығарып, қатты сөйлеудің өзіне жасқанатын.

Аспандағы алтын діңгекті көрген кезде «алтыннан жасалған екен» деп көрсетпей сипап қоятын.

Олар жерге түсіп қалған жалпақ шабдалыны жеуге батылы бармайтын, өйткені «оны жеп қойса мәңгі жа-сайды, өлмейтін болады» деп ойлаған.

Сол заманда «Құдай ғана мәңгі жасайды, адамға мәңгі жасауды жазбаған» деген түсінік болған. Егер адам мәңгі өлмейтін болса, ол әулие болып, Құдайға айналар еді, тіпті болмаса… жарайды, қалай деуге болар екен? Әу-лие деңгейіне көтеріліп, Құдайға айналу оңай емес. Адам-нан Құдайға айналу шынымен қиын. «Бұл жәннатқа кір-геннен де қиын» дейтіндері сол ғой. Ол үшін халық ұсы-нуы, сынақтан өтуі керек. Бұл жерде емтихан ғана емес,тексерулер, түрлі сынақтар, ұзақ уақыт бақылаудан өту қажет. Қысқасы, оңай емес. Егер адам әулиелік дең-гейге жетіп, Құдай дейтін мәртебеге ие бола алғанымен (жасыл картаға ұқсас), Құдай сияқты өлмей қойса, жұрт ондайларды «Өлмейтін, кәрі қақпас!» деп сөгіп жатады. Сөйтіп, ақыры өлмей рухқа айналып кетеді.

Адамдардың көбі рухқа айналғысы келмейді, сон-дықтан олар аспанға көтерілген кезде жалпақ шабда-лы аяқ астында жатса да жемейді. Әдепті сақтап,жұп-жуас, алтын көрсе де жолдан таймайды, мораль-дық қасиетті жоғары қояды.

Құдай адамдардан мезі болып, жалықпайды.

Жалығу, қарапайым адам деген сөздер кейіннен пайда болды.

Сол заманда адам адам кейпімен, Құдай өзінің тылсым дүниесімен өмір сүрген. Әр екеуі де таза, пәк,кінәсіз болатын.

Құдай мен адам арасына сызат неден пайда бол-ды? Оны түсіндіру қиын. Уақыт өте келе солай болған екен.

Аспанға көтерілетін, жерге түсетін жолдар жа-былып, сирей бастаған көрінеді.

Ақырында жолды тек Құдай ғана білетін болыпты.

Қарапайым адамдардың аспанға көтерілуі мұң екен.

«Аспанға көтерілгеннен де қиын» дейтін сөз тіркесі содан қалған болса керек.

Құдай қалаған уақытында жерге түсе алады, ал қа-рапайым адамдар аспанға көтерілуге болмайды дей-тін жаңа қағида пайда болады.

Құдай жерге түсе алатын болған соң, тәкаппар бола бастайды. Кейбір Құдайлар жерге түскен соң,қалағанын жасайды, жаман істермен айналысады,сөйтіп, аспанға қашып кетеді, адамдар оларға ештеңе істей алмайды.

«Менің Құдай екенімді білмейсің бе?» дейді Құдай адамға.

«Құдайым-ау! Тағы да сел жүрді…» деп, адамдар

Құдайға жылайды.

Зардап шеккен адамдар Аспан құдайына (Аспан императоры) шағымданғысы келеді. Бірақ олар көк-ке көтерілетін жол таппайды, тіпті Аспан құдайының жүзін де көре алмайды.

Адамдар басқа амалын қарастыра бастайды.

Яғни олар бірінші кезекте он мыстан кемпірден көмек сұрайды.

Он мыстан кемпір Линсань тауын мекен еткен.

Он мыстан кемпірді Аспан құдайы жерге жіберген.

Олар жер мен аспанды байланыстырып тұратын елші тәрізді болатын.

Олар екінші кезекте Хужэндерден (huren)3 көмек сұрайды.

Хужэндерге аспанға көтерілуге рұқсат етілген адамдар тобы (олар біртіндеп Құдай дәрежесіне жеткен). Шынтуайтына келсек, олар нағыз адам емес, басы адам, денесі балық, яғни құбыжықтар.

Олар өздерін басы адамдікіне ұқсайтын болған соң,«адамбыз» дейді. Сол себепті де адамдарға болы-сып жүреді. Ху Рен – аспанға баруға рұқсат етіл-ген жалғыз адам (және бірте-бірте илаһи кітапқа қосылды).

Мәселе аспанға арыз берушілер көбейіп кетті.

Он мыстан кемпір мен Хужэндер аспан мен жердің ортасына сабылып әуре-сарсаңға түседі.

«Гунгун Бужоушань тауын құлатып тастады, содан көп адам шығыны болды. Сел, лай көшкіні жүрді, қа-лада көлік кептелісі пайда болды. Төтенше жағдайды жою, көмек көрсету ақсап тұр…»

«Су құдайы Хэбоға жыл сайын ұл-қыздарымызды құрбандыққа шалып, Хуанхэ өзенінің тасуының алдын алатын болдық…»

«Нажағай құдайы адамдарға нажағай түсіріп,өмірін жалмап жатыр, сонымен қатар екі сиырды нажағай соқты. Нажағайдың кесірінен орманда өрт шықты».

«Үстелдің құдайы үстелге тыныштық бермеді,үстелдің үстіне тамақ тұрмайды, сирағына тас қойсаң да тербеліп, тамақ ішкізбейтін болды…»

«Ошақ құдайы күріштен жасалған кәмпиттерді ұр-лап жеп кетті…»

«Түз құдайы дәретханаға баруымызға кедергі бол-ды, одан қорыққаннан дәретке қысылып жүретін бол-дық…»

Осындай арызшылар көбейіп кетті. Он мыстан кемпір, Хужэндер арызды жеткізуге шамасы келмей жүреді. Оны қойып, Аспан құдайынан да тыныштық кетті.

Аспан құдайы арызшылардың шағымын қарау-дан шаршаған жоқ, ол шынымен тамақ ішуге мұршасы болмай қалады. Ол тамаққа енді отыра берген кезде,он мыстанның бірі кіріп келеді де:

– Құдіреті күшті Құдай, – деп, елдің арыз-шағы-мын айта бастайды.

– Ештеңе естігім келмейді, жалықтым! – дейді де, Аспан құдайы қолындағы сақпысын үстелдің үсті-не тастай салып: – Күнде-күнде арыз-шағымнан көз ашпадым, тамақ ішуге де мұрса бермедіңдер ғой, –дейді.

Ол енді ұйықтайын деп, басы жастыққа тигені сол еді, Хужэндердің бірі кіріп келіп:

– Сәлеметсіз бе, құдіреті күшті Аспан құдайы (Ас-пан императоры), ұйқыңызды бұзғаным үшін кешірім өтінемін. Дегенмен мен сізге маңызды хабар айтқалы тұрмын, мұны айтпасам, өз міндетімді орындамаған боламын. Біреу былай деп…

– Не деді? Сағат қанша болды? Таңнан кешке дейін

маза бермедіңдер ғой! – деп, үстіндегі көрпесін лақты-рып жіберіп: – Осы сендер, қарапайым адамдар, ертең келіп айтсаңдар болмай ма? – деп, сөзін нықтай түседі.

– Жоқ, болмайды. Аспанды біреу әр жерінен тесіп кетті… – деп сыбырлайды Хужэн.

– Не дейсің? – деп, Аспан құдайы орнынан атып тұрады да: – Аспан тесіліп қалды ма? Оны кім тесіп тастады? Жүрек жұтқан қандай сұмырай? Маған қар-сы келмекші ме? Тез Нюйваны шақырыңдар, ол бес түсті тасты ерітіп қоспа жасайды деп естідім. Ол адам жасағанды қойып, сол жасаған қоспасымен ең әуелі аспанның тесігін жамасын! – дейді.

Он мыстанның бірі келіп:

– Құдіреті күшті Құдай, бір оқушы сабақ оқыған-ды қойды… – дейді.

– Сабақ оқымағаны қалай? – деп, Құдай қолын-дағы ішіп отырған шайды дастарқанға қоя салып: –Оны қалай түсінуге болады? – деп сұрайды.

– Оқушы сабаққа зейін қоймайды, ойы басқа жақта отырады, сол себепті ата-анасы шағымданып отыр… – дейді мыстанның бірі.

– Не деп шағымданып отыр? – дейді Құдай шай-ын ұрттап.

– Баланың ата-анасының айтуынша, баласын Құдайлар азғырып отыр екен. Оның аңсары тек ас-панға көтерілу болып қалыпты. Ол құдіреті күшті Құдай болып, қалағанын істеймін дейтін көрінеді. Сол себепті оқу үлгерімі күрт төмендеп кетіпті, – дейді мыстан.

Аспан құдайы Көктегі қыздардың биін тамашалап отырған кезде, Хужэндердің тағы біреуі келіп, оның құлағына: «Құдіретті күшті Құдай, біреулер Құдайдың атын жамылып, бақсылықпен айналысып жүр екен» деп сыбырлады.

– Бақсы дейсің бе? Бақсы болып не істейді? – деп,қабағын түйіп сұрайды Құдай.

– Бақсы болып, ауру адамдарды емдейді екен, –дейді Хужэн.

– Ол қалай?

– Білмеймін.

– Анық-қанығын біліп алып айтпайсың ба? – деп,Құдай Хужэнді ала көзімен атып: – Құдайдың міндетін өтеу қиын екен, тыныш отырып, биді де тамашалай ал-майтын болдым, – дейді.

– Құдіреті күшті Құдай, ашуыңызды беріңіз, мұның бәрі Вэнь Шэнь құдайдың жіберген дертінің кесірі екен. Вэнь Шэнь көп адамды дертке шалдықтырды, сол се-бепті адамдар бақсы арқылы Вэнь Шэньді аластамақшы.

Хужэн мұны әлдеқашан білді, бірақ Вэнь Шэнь біліп қалса қас қыла ма деп қорықты.

– Сенің жұмысың біте ме, жоқ па? Мазамды ал-дың ғой. Аузыңды жапшы… – дейді Құдай.

Құдай ашуланып, Чжун мен Лиді4 шақырып алып:

– Мен екеуіңе міндет беремін… – дейді.

Чжун мен Ли аспан мен жердің түйіскен жеріне лез-де жетіп барады.

Екеуі Аспан құдайы тапсырған даңқты міндетті тез орындап қайтады.

Оларға тапсырған міндет – Аспан мен жерді бөлу болатын.

Яғни аспан мен жердің арасын барынша алыстату еді.

Ең жақсысы екеуінің арасындағы байланысты үзу.

Яғни адамдар мен Құдайлар арасындағы ба-рыс-келісті тоқтату еді.

Чжун қос қолымен аспанды биікке көтеріп тас-тайды. Ол аспанды тоғыз мәрте көтереді, сол себепті «Тоғыз қабат аспан» деген ұғым пайда болған.

Ал Ли болса жерді барынша төмен басып түсіреді. Ол сол жермен бірге төмен түсіп, жерде қалып қояды. Сөйтіп, ол қазіргі қарапайым адам болып жер бетінде қалады.