Bir Daha Gelmeyecek

ÇIXIRSAN…

Çıxırsan yavaş-yavaş,Vətənimdən çıxırsan!Beynimdən aralanıb,Bədənimdən çıxırsan.Məğlub ordu kimisən,Sınıq-salxaq212 çıxırsan.Ərazimdən astaca213,Yorğun, axsaq çıxırsan.Geri dönür nəfəsim,Sifətim214 işıqlanır!Cadudan ayılmışam,Gözümün dibi yanır!Nə yaxşı ki, çıxartdınBu tilsimdən, ilahi!Mənə sakit həyat ver,Rahat bədən, ilahi!14.10.2011

DAŞIYA BİLMƏRƏM

Birdən anladım ki, gücüm qalmayıb,Bu dərdə, ələmə dözməyəcəyəm215,Bu qədər əzaba, bu qədər zülmə,Bu qədər sitəmə dözməyəcəyəm.Təzədən yolunda dayanıb216, durubGüdəsi217 deyiləm hər addımını.Tanışına deyib, dostundan sorubGüdəsi deyiləm hər addımını.Etibar itəndə, inam218 bitəndə,Ehtiras azalır, məhəbbət solur.Bütün sevgilərin sonu, axırı219Heyif ki, beləcə kədərli olur.Yaşaya bilmərəm mən indən belə220Qəlbimin bu sonsuz təlaşlarıyla.Daşıya bilmərəm bir ömür səniBu qədər ağrıyla, göz yaşlarıyla.

BİLƏ-BİLƏ Kİ…

Sən bilə-bilə ki, burda ölürəm,Sən bilə-bilə ki, cızdağım çıxır221,Bir kəlmə yazmırsan, bir söz demirsən,Qıvrılıb sinəmdən min ahım çıxır.Yolun ortasında tək qoyursansa,Vecə almırsansa222 ərzi-halımı223.Duya bilmirsənsə əzablarımı,Heçə sayırsansa bu əhvalımı…Demək söz oyunun, ulduz nağılın224Beləcə qurtardı, burdaca bitdi.Beynimdən ən gözəl xatirələrim,Ən gözəl anlarım silindi getdi!

UZAĞI BİR AY

Unuda bilmirəm: uşaqkən qumdanQurduğum qalanı sular apardı.O itki225 heç zaman çıxmır yadımdan226 -Çığırdım227, qışqırdım228, şivən qopardım229.Mənim çox qalama o vaxtdan bəriİldırım şaxıyıb230, dolu tökülüb.Doğma231 şəhərlərim viranə qalıb,Uşaqlıq evlərim daş-daş sökülüb.İndi nə sarsılıb, nə də yanaramTaleyin bu yeni, sərt sınağına.Uzağı bircə ay qubarlanaram232Qurduğun qalanın uçulmağına233.

BİLSӘYDİM

Bilməzdim bu qədər ağrı verəcək,Hər təzə misrası üzəcək məni,Yolumu daşlığa sarı234 döndəribBu qədər incidib əzəcək məni…Bilsəydim, yazmazdım bu şeirləri.Mən dedim, yazdıqca unutduracaqKöhnə ağrıları, əski dərdləri.Bağrımın başında qalayıb ocaq235Yenidən yaşatdı məşəqqətləri…Bilsəydim, yazmazdım bu şeirləri.Ağrılar, əzablar ac quzğun kimi,Boynuma uzatdı caynaqlarını236.Vurduğun yaralar sağalmamışkən237Yenidən qopardı qaysaqlarını238…Bilsəydim, yazmazdım bu şeirləri.

XATİRӘLӘRİ

Qoparıb, yerində qanqallar239 əkdin,Baxmadın hansı gül, hansı çiçəkdi.Benzini çiləyib240, kibriti çəkdin,Belə yaşadarlar xatirələri?Alışdı tonqalda241 gözəl anlarım,Ən doğma, ən əziz həyəcanlarım.Karıxdı242 karvanım, durdu qatarım,Belə yaşadarlar xatirələri?Uçurub dağıtdın, taran eylədin243,Fırtına qopardın, boran eylədin,Özün öz əlinlə viran eylədin,Belə yaşadarlar xatirələri?

ETİRAF

Təzə ət qoxusu              Duyan itNecə244 ki, zəncir çeynəyib245 dartınır246,Siçan247 pendir iyinə          Necə ki, gözüyumulu atılır,Xəstə narkoman248 gecə yarısıÖzünü aptekin249 qapılarına          Çırpıb250 qışqırır251.Bax, elə olursanSevgi qoxusu,Sevgi havası hiss eləyəndə!

KOR 252

Arıya tüstü253 verib            Yeşikdən254 şanını255, balını            Necə çıxarırlarsa,Mənim də            Səadətimi eləcə            Yoxa çıxardın.Sən – tüstüm!Sən – şanım!Sən – balım!

İNANIM, İNANMAYIM?

Deyirsən, birdənəmsən,Səndən yoxdu deyirsən.Sözlərini başımaNurtək256 səpələyirsən.Bilmirəm ki, nə deyim,İnanım, inanmayım?“Sən alisən257, layiqsən”,“Sənsən uca” – deyirsən.Elə qəlbdən, ürəkdənUça-uça258 deyirsən,Bilmirəm ki, nə deyim,İnanım, inanmayım?Deyirsən: “İşığınlaGünəşi çaşdıransan259,Dəlisov260 istəyinləÇayları261 daşdıransan”.Bilmirəm ki, nə deyim,İnanım, inanmayım?Deyirsən ki: “Sən mənəAllahın bəxşişisən,Taleyimin ən savab,Ən müqəddəs işisən”.Bilmirəm ki, nə deyim,İnanım, inanmayım?Mən sözün köləsiyəm,Sözünün ağası ol.Yalan dedin, düz262 dedin –Hər şey üçün çox sağ ol!Daha nə fərqi var ki,İnanım, inanmayım?

ÇİYӘLӘK 263 ŞİRӘM264

Dodaqlarının barı265, bəhəri266 -Ən dadlı məhsulum,Dirilik suyum,Damarlarımı titrədən,Qanımı duruldan          İksirim!          Sirrim!          Sehrim!Hüceyrələrim267 ağzını açıb          sənin yolunu gözləyir.Beynimin sinirləri          sənin rahatlığında          üzməkçün ölür!Gözlərimə işıq gəlir,Ruhum dərinliklərdən                dikəlir!Xoşbəxtlikdən268          tərpənə bilmirəm!269Dadım, tamım270, əlacım!271                 Çiyələk şirəm!

HӘLӘ DӘ

Sözlərin heyrətdən gözü bərəlib272,Hisslərin karıxıb273, haçalanıbdı!274Döyükən275 baxışlar didərgin276 düşübÜrəyin yüz yerə parçalanıbdı –Hələ də anlaya bilmirəm səni!Birinin ulduzu, birinin ruhuBirinə «Allahın bəxşişi» oldun!Milyon il dövr edən bu kainatınƏn qəliz277, mürəkkəb278, tərs işi oldun –Hələ də anlaya bilmirəm səni.Verdiyin əzabın, məşəqqətinləQırılmış qəlbimdə çatlaq kimisən –Səni bu səbrimlə böyüdəcəyəm,Yaddaşımda yenə uşaq kimisən! -Hələ də anlaya bilmirəm səni!

DAHA 279

Daha səni üzməyəcəm,Üstündə əsəcəm280 sənin.Ən gözəl gülləri yığıb,Telinə281 düzəcəm sənin.Sənə həzin bəstələri,Nəğmələri yollayacam.İsti, kövrək282 cümlələri,Kəlmələri yollayacam.Gülüşümlə həyatınıİsidəcəm şüa283 kimi284.Nəfəsimi kürəyində285Duyacaqsan dua kimi.Daha yaşarmasın gözlər,Əzizim, möhtacam sənə.Ruhunu oxşayan sözlər,Şeirlər yazacam sənə.

VİTRİNDӘKİ MӘLӘYİM

Səmadan bu an gəlib,Uçan boşqabnan286 gəlib.Gözünə qurban!GəlibVitrindəki mələyim.Oldum ruhuna təslim,O möcüzə, o tilsim.Hüzuruna tələsim287Vitrindəki mələyin.Qışda bahar kimidi,Təzə nübar288 kimidi,Ağappaq qar kimidi,Vitrindəki mələyim.Gələcəyin qadını,Sovqat289 etdi dadını.Unutdurdu adımıVitrindəki mələyim.

GÜLÜŞÜN

Mənim bütün ovqatım290Gəlişinə bağlıdı.Uzaqdan şəfəq saçanGülüşünə bağlıdı.Gülüşün rahatlığım,İşığımdı, nurumdu.Gələcəyə uzananSonsuz arzularımdı.Ən qatı qaranlığımGülüşünlə yox olar.Məni gülərək oyat291,Gülə-gülə yuxulat292.

İKİ AY

Nə gözəl olardı, iki ay qabaq293Yapışıb əlimdən risk eləyəydin.Dartıb294 o otelin çıxacağından,«Dağlar aşmalıyıq, gedək» deyəydin.İki ay gecikdim. Bir də gördüm ki,Otel teatrla dəyişib yerin295.Bu dəfə tərəddüd, şübhə olmadı,Verdi qərarını qara gözlərin.Qayıdıb təzədən296 salanda yada297,Sanki aramızda iti298 çay299 axır.Səni qınamıram, bu dünyaya daGecikib gəlmişdin iki ay axı300.

ƏSƏB DƏRMANI

İldırım tək gedirdin,Qəfildən301 qucaqladı.Dayanası302 deyildin,Səni yaman303 haqladı304.Ləngidi305 yerişlərin,Addımların laxladı306.Zamanı yavaşıtdı,Vaxtı tutub saxladı307.Bildin, bütün günahlarİti qaçan vaxtdadı.Əlacın kimyəvidi,Sakit halın saxtadı.

DAHA 308

Daha indən belə əlimdə deyil,Səni indən belə qısqanacağam.Bir iti kəlməyə, ağıllı sözə,Hətta daş heykələ qısqanacağam.Hərdən309 sakit olub, hərdən coşacam,Hərdən döyüşəcəm, bərk savaşacam.Hərdən qəzəbimdən coşub-daşacam,Hərdən gülə-gülə qısqanacağam.Geriyə dönəcəm getdiyim yolu,Baxacam ardınca şübhəylə dolu.Sənə bilə-bilə laqeyd310 olub,Səni bilə-bilə qısqanacağam.

ÜZEYİR BӘYİN HEYKӘLİNӘ

Gəlir heykəlinin önünə hər gün,Səhər açılanda, günəş çıxanda.Adının yanına “bəy” sözü yazır,Gözünü gözündən çəkmir bir an da.Toxunur heykələ, əsir311 bədəni,Titrək vücuduyla alovlanır o.Tərtəmiz qəlbiylə çox sevir səni,Gizlədə bilmir ki, həyəcanı o.O səni görsəydi, bütün ömrünüSədəqə verərdi, qurban edərdi.Qalsaydın 120 yaşında belə,O səni düz yüz yaş cavan edərdi.

MӘLӘK

Göydən hansı endi: təyyarə, yoxsaHava limanında gözləyən mələk?Hifz edib312 qoruyan, sevinc bəxş edən,Məni addım-addım izləyən mələk.Dəli arzusuyla, cəsarətiylə,Qatı cəngəllikdən313 yol eləyəndi.Sərhədsiz eşqiylə, məhəbbətiyləAdamı özünə qul eləyəndi.Yerdə doğulanın çatmaz cürəti,Adamı belə tez qaldırsın göyə.İşıq sürətidi onun sürəti,Bir anda çatdırır ən yüksəkliyə.

ƏLAC 314

İçəridən əyildinsəHa dik dayan, ha düz yeri.Görək necə keçəcəksənÖmründəki qəliz315 yeri?Dərd gələcək qucaq-qucaq,Yandıracaq ocaq-ocaq.Yaddaşında316 sızlayacaqAğrılardan min iz yeri.Odur sənə dərman-ilac,Gördün ki, yox başqa əlac,Əlindən tut, üstünə qaç,Diri tərpən317, di318 tez yeri.

O

Baxma ki, sakit319 dayanıb320,Qəfildən götürər səni!Qoparıb dostdan, tanışdanEvindən itirər səni.Qaldırıb göyün qatına,Mindirər şahlıq atına.Dad gətirib həyatına,Cənnətə yetirər səni.Əlində yarağın321 qalmaz,Dəftərin, varağın qalmaz,Heç nəyə marağın qalmaz,İşini bitirər sənin.Quruyarsan bulaq kimi,Bezər, doyar uşaq kimi,Bir qırıq oyuncaq kimiQaytarıb322 gətirər səni!

MӘNİ

Özüm də bilmirəm, görəsən323 nədiBu qədər əzabdan qoruyan məni?Necə adlamışam bu qədər səddi,Niyə aparmadı324 bu tufan məni?Hərdən mat qalıram325 sağ qaldığıma,Bu acı mərəzdən326 sağaldığıma.Min cür327 şübhə, güman gəlir ağlıma,Bəlkə hifz eləyib Yaradan məni?!Bir sözü qatildi, bir sözü qurban,Özü həm dərd verdi, həm də ki dərman.Özü xilas etdi öz azarından,Allahın bəxşişi – o adam məni!

XARI BÜLBÜL

Səninlə bağlıdır328 həyəcanlarım,Ən rahat anlarım, xoşbəxt anlarım.Sənin nəğmən ilə qanad açmışam,Cənnətə düşmüşəm, göyə uçmuşam.Səninlə bağlıdır göz yaşlarım da,Dəli gülüşlərim, savaşlarım da.Yenə köməyim329 ol, bu çətin anda,Tapım o gördüyüm axarı330, bülbül.Qaytar331 o əvvəli səadətimi,Qaytar bəxş etdiyin baharı, bülbül.Gəzim qarış-qarış, addımbaaddım,O gözəl, o əziz diyarı, bülbül.Yenə səsin gəlsin, qoy qanadlanım,Qalxım nəfəsinlə yuxarı, bülbül -                   Xarı bülbül!

BİR DƏ GƏLMƏYƏCƏK…

Elə möcüzələr yaratmısan ki,Elə dəqiqələr yaşatmısan ki,Olmayıb heç onun yüzdə biri dəNə mənim dünyamda,                    nə bu dünyada.Sən elə telləri qırıb getmisən,Sən elə yaralar vurub getmisən,Təpəri332 yoxdu ki, dözüb dayansın,Nə mənim dünyamın,                    nə bu dünyanın.Qəfil gəlişinlə suç eləmisənSənsiz keçən ömrü puç eləmisənVurmayıb heç333 zaman belə qar-yagışNə mənim dünyamı,                  nə bu dünyanıBilmədim iblissən, ya mələk, Qadın,Ətri, gözəlliyi çiyələk Qadın.Bir də gəlməyəcək sənintək QadınNə mənim dünyama,               nə bu dünyaya.

APARIB 334

Mənim uca335 qalamı,Vurub boran, aparıb.Daş üstdə daş qoymayıb,Edib talan, aparıb.Qəlbinin təpəriylə,Beyninin bəhəriylə336,Özü öz əlləriyləTikib-quran aparıb.Gözümdən yaş axıdıb,Qəm nəğməsi oxudub,Ya sunami337 dağıdıb,Ya da tufan aparıb.

SAXLA

Gözlə, hamı yığışsın,Qurbanı kəsdir, saxla.Səadət qazanında,Payları isti saxla.Topala heyranları,Düzləri, yalanları.Az sına qurbanları,Qurtar bu testi, saxla.Üzünü işıq elə,Dərddən bir qaşıq elə,Bir az qarışıq elə,Mən doydum, bəsdi338, saxla.

MӘNİM QALAM

Günlərdən mənəӘn əzizlərini seçəcəm,Sözlərdən ayırmaq çətin olsa da,Dartıb ən dərinlərdənİstisini, durusunu götürəcəm.Uçulmuş qalamın xarabalığınıSilib-süpürüb, yenisini quracam.Bir az mənimki olanGözlərinin işığından,Bədəninin istisindən,Həyəcanın ən təbiisindənQatacam günlərimə,Sözlərinlə bəzəyəcəm!Bəlkə balaca339 olacaq,Amma mənim qalam olacaq!

ÇӘKMӘ ӘLİNİ

Necə ki,Acımasız, mayasızKündə340 küt gedir341, təndirdə durmur,Tökülür köz üstə,                 qapqara qazmağa dönür,Mən də eləyəm indi -Sənsiz, sevgisiz!Çəkmə əlini!Sonra bu əzabların üstündəCızdağı çıxan342 yanmış qırıntılarımdanAdam düzəltmək343 çətin olacaq.Çəkmə əlini!

GÜNӘŞİM

Bir zaman başımın üstündə yananİki günəşimlə nə rahat idim.Vücudum məst idi istiliyindən,Dincliyim gəlmişdi, farağat344 idim.Yuyurdum üzümü şüalarıyla345,Gözümdə işıqdı,sifətimdə nur.Udurdum, dadırdım hərarətini,Qanımda alovdu,bədənimdə qor.Biləndə donmuşam bu həqiqəti,Duyduğum gerçəklər odtək346 yandırıb;Mənim günəşlərim məndən xəlvəti347Özgə planeti348 işıqlandırıb.

SӘRVӘT KİMİ

Sənin sevincindən necə əsirəm,Nə xoşbəxt349 oluram gülüşlərindən.Gözlərim yaşarır, çox tələsirəm350Uyum, havalanım öpüşlərindən.Səni sərvət kimi, xəzinə kimiTapmışam, saxlayıb gizlətməmişəm.Qəlbimə gələnlər gözümdən baxıb,Dilimdə sözümü gözlətməmişəm351.Sənə sevinc payı, sənə məhəbbət,Sənə səadətdən qala quracam.Sənin gülüşünün, səadətininHər an keşiyində352 sayıq353 duracam.

BU QӘDӘR

Bu qədər evə qapılıb,Bu qədər otağa354 girmə.Bu qədər qələmi didib,Bu qədər varağa girmə.Azaltmaz ki dərd-sərini,Ovutmaz ki kədərini.Tapmazsan heç bənzərini,Bir təzə yatağa girmə.Demə ki, unutmaq asan,Xoş sözləri olsun həyan!355Kitabda, sərgidə dayanTa o yan qadağa – girmə!

DӘLİYӘ DÖNÜRӘM

Dəliyə dönürəm sən yazmayanda,Az qala başımı daşa vururam.O saat aranı dağa qatıram356,Yüz qəliz357 macəra, plan qururam.Atdığım dərmana-filana baxmır,Başlayır beynimin döyüntüləri.Ürəyim az qala yerindən çıxır,Elə bil dadıram acı zəhəri,Dəliyə dönürəm sən yazmayanda.

ANLAYA BİLMİRӘM

Bir dəfə yalançı gülüş görmədim,Bir dəfə bir soyuq öpüş görmədim,Bir dəfə candərdi358 görüş görmədim,Onunçün anlaya bilmirəm səni.Görsəydim onlarıBir qalın kəndirə çevirib çoxdanDartınıb359 çıxmışdım, mən bu quyudan.Görmədim…Onunçün anlaya bilmirəm səni.

GӘL

Nəyə lazım artıq zəhmət, əziyyət? -Orda onu, burda məni tovla gəl.Adımızı eyni yerdə qeyd elə,İkimizə eyni mesaj yolla gəl.Fikir vermə360, zarafatdı sözlərim,Yenə gülsün, işıq saçsın gözlərin!Qayıt yenə əvvəlkitək şipşirin,Dillərində bir şan361 təmiz balla gəl.Olan oldu, keçən keçdi, qəzaydı,Tanrı gərək elə belə yazaydı.İndi daha beyin açıq, göz aydın,Geri boylan, vallah qayıt, vallah, gəl.

EYLӘYİR

Zəhləni tökürəm362, əlimdə deyil,Sözlərim halımı bəyan eyləyir.Beynimin içində oyaq fikirlər,Pıqhapıq qaynayır, üsyan eyləyir.Haçansa363 gördüyüm bir yalan, kələk364,Yaddaşımı edir hey ələk-vələk.Bəzən fağırlaşır sakit quzutək,Bəzən də oyanıb vulkan eyləyir.Hərdən365 rahat olur, hərdən qovur da,Bəzən aman vermir bircə hovur366 da.Mən bir bələdçiyəm367 bu vurhavurda,Neyniyir bu bədən, bu can eyləyir.

XOŞUMA GӘLİR

Bir az gec duyduğun zarafatlarım368Yadıma düşəndə gülürəm indi.Dönür sevinclərim, göz yaşlarımıSevinə-sevinə silirəm indi.Heyrətlə baxmağın xoşuma gəlir369,Könlümü yıxmağın xoşuma gəlir.Sənlə birgə çağım xoşuma gəlir,Deyəsən, özümə gəlirəm indi.Uzağa gedəndə lap sərt oluram,Bir acı sözündən tez pərt oluram,Yarıcan oluram, şikəst oluram,Sənsiz yaşayamam – bilirəm indi.

BELӘ

Bu ölüm mələyi yadıma gəlmir,Oxşarı, örnəyi yadıma gəlmir.Bu qədər çəkməyi yadıma gəlmir,Belə mat qalmadım370 mən ömrüm boyu.Dərddən qəlbim qubar371 – öyrəncəliydim,Hər cür iztiraba öyrəncəliydim.Ən ağır əzaba öyrəncəliydim,Belə mat qalmadım mən ömrüm boyu.Tanrı qismətitək gələn azarıDuyurdum, bilirdim olacaqları.Ancaq gözləmirdim belə qübarı,Belə mat qalmadım mən ömrüm boyu.

BİLİNMİR

İndiki əhvalım372 dünənki deyil,Sabah373 olmayacaq bugünkü halım.O rahat həyatım həmənki374 deyil,Hər gün bir ovqata375 düşür əhvalım.Gah ulduz olmusan, gah su pərisi,Gah işıq yaymısan, gah daş atmısan.Dərdi də vermisən, səadəti də,Həm bahar, həm də ki qış yaşatmısan.Özün də min haldan hala düşmüsən,Sevincdən uçmusan, dərddə bişmisən.Dünyanın gərdişin376 qarışdırmısanDüz yolun, vərdişin377 qarışdırmısan.Bilinmir kim udub378, kim itiribdi,Kim kimin ömrünü dəyişdiribdi?…

YAZA-YAZA

Əzabın, sitəmin içində azdım,Gah kəfən geyindim, gah qəbir qazdım.Bilsəydim, əvvəldən heç başlamazdım,Öldüm yaza-yaza bu şeirləri.Daşıdım əlimlə baş daşlarımı,Başladım yenidən savaşlarımı.Hər gün neçə dəfə göz yaşlarımı,Sildim yaza-yaza bu şeirləri.Günəşim yox olar, işığım sönər,Hər sözün kədərə, qəhərə dönər.Sənsiz yaşamağım zəhərə dönər,Bildim yaza-yaza bu şeirləri.

ÜZÜNƏ QURBAN

Ötən hər sirli gecənə,Gələn gündüzünə qurban.Kədərlənən baxışına,Gülən gül üzünə qurban.Əsən qara tellərinə,Nur yayan ağ əllərinə.Doğru deyən dillərinə,Hər yalan sözünə qurban.Gah müdriksən379, gah uşaqsan,Həm günahkar, həm də haqsan.Ayrılmaram hardan380 baxsam,Qurban, hər üzünə qurban!

BÖYÜDÜN MÜ…

Mənim yaşım yüzə çatdı381,Körpəm382, bəs sən böyüdün mü?Bu kədərdən, bu əzabdan,Dərddən-qəmdən böyüdün mü?İçindən keçən sızıltıGünlərini ay etdi mi?Dəstə-dəstə yağan yağışBulağını383 çay etdi mi?Bu ağrını ki adladıq,Sən bu işə asan384 demə.Yaşın neçə385 olar indi? –Gəl bu dəfə yalan demə,Körpəm, heç sən böyüdünmü?

İŞIQ GÖRÜNÜR

Bu köhnə dünyada təzə qəm gördüm,Keçdim ən keçilməz toranlığından386.Min sitəm daşıdım, yüz əzab dərdim387,Sıyrıldım bu yolun qaranlığından –Tunelin sonunda işıq görünür.Seyrəlir beynimdə ağrı yerləri,Köhnə dərdlərimdən qoparır məni.Hansı planetə388, hansı zamana,Bilmirəm heç hara389 aparır390 məni –Tunelin sonunda işıq görünür.Bilirəm, bu əzab bir gün bitəcək,Bilirəm, yaddaşı391 təmiz çıxacam.Bir onu bilmirəm, bu doğanaqdan392Səninlə çıxacam, sənsiz çıxacam? -Tunelin sonunda işıq görünür.

HӘMİŞӘ… 393

Sən məndən həmişə sirr saxlayacaq,Həmişə nəyisə gizlədəcəksən.Dilimə gəlməyən suallarımıBaxıb gözlərimdən hiss edəcəksən.Həmişə şübhələr didəcək məni,Həmişə təlaşda yaşayacaqsan.Cavabsız suallar güdəcək məni,Sən günah səbəti daşıyacaqsan.Bir gün bu halımız əzəcək bizi,Bir gün bezəcəyik, yorulacağıq.Bir gün çatacağıq yolayrıcına,Hərəmiz394 bir yana burulacağıq.Bir də görəcəyəm, dayanıb zaman,Bir də görəcəksən, tənhasan395, təksən.Sən məndən həmişə sirr saxlayacaq,Həmişə nəyisə396 gizlədəcəksən.

ÖZ-ÖZÜMLƏ…

Adam397 bir adam gəzir,Dərdini danışmağa398.Kədərini bölüşüb,Ürəyini açmağa.Amma mən çəkdiyimiKimə desəm, əriyər.Suallar qoşun çəkib399,Düz üstünə yürüyər.Çəkdiyim əzablarıDüşünüb havalanar400.Ya sözlərimi yalan,Ya məni dəli sanar.Ən yaxşısı odur ki,Öz içimdə alışım.Öz-özümlə bölüşüm,Öz-özümlə danışım.

GƏLDİN Mİ?

Soruşum, kefin necədi401,Sən o diyara gəldin mi?Mən səfərdə qərar verdim,Sən də izhara gəldin402 mi?Çalxalayıb göyü-yeri,Silkələyib dərdi, səri,Ələyib düşüncələriTapıb403 bir çarə, gəldin mi?Duydun mu heç ahlarımı?Bildin mi günahlarını?Qurdun mu404 sabahlarını,Körpəm, qərara gəldin mi?* * *Beynimdə qaynaşan dərd ulduzları,Sönür yavaş-yavaş, itir405 gözümdən.Qaysağı406 quruyan əzab yerləriSağalır407 deyəsən408, dirilir bədən.Amma bir yaranın üstü açıqdı,Amma ki bir ulduz göydədir hələ.Tək biri mayaktək409 sönmür nə vaxtdı,Tək410 biri iynətək göynədir411 hələ.Görünür, ömrümün axırınacan,O işıq qaralıb sozalmayacaq412.İynətək deşəcək məni o ağrıHeç zaman, heç zaman azalmayacaq.Bəlkə rəhm edəsən, nəsə413 deyəsən,Bəlkə inandırar bir yalan məni.Sonuncu ağrını kütləşdirəsən414,Qoparıb əlindən alasan məni.

BİLMƏDİM

Bilmədim bu şeirlərləMən nələri əfv elədim.Ya bir təzə sevgi tapdım,Ya ağlayıb dəfn elədim?Bəlkə bir qəlb yaraladım,Ağrıları sıraladım,Bəlkə nahaq415 qaraladım,Bəlkə böyük səhv elədim416?Dedim doğru-yalanı da,Olmayanı, olanı da,Bəlkə olub qalanı daYerə çırpıb məhv elədim?Qoy yolunda talan olum,Sərxoş olum, viran olum,Elə bilmə, qurban olum,Elə bilmə kef elədim.

BİTİRDİM

Gəlib çatdım dastanınSon sözünə, bitirdim.Qoymadım ki, əzabımVaxtsız sönə, bitirdim.Gözümdən yaş axıtdı,Əzab ağı oxutdu.İçimi dərd dağıtdı,Dözdüm yenə, bitirdim.Nə etdim ki, öyünəm –Zorla çatdım son günə.Düşünmüşdüm on günə,Altı günə bitirdim.16.10.2011

BİTDİ

Gəldi əzabların sonu,Bitən nədi? Başlayan nə?Gedən getdi, qalan qaldı,İtən nədi? Yaşayan nə?Heç bilmirəm kiməm, nəyəm,Nələr oldu yaddaşıma?Nə çıxacaq qabağıma,Nələr gələcək başıma?Heç bilmirəm nə olacaq,Gətirəcək baxtım yenə?Hüzuruna gəlib bəlkəGözlərinə baxım yenə?Bu təptəzə ağ beyinlə“Yaxşı”417 – deyib başlayım mı?O yaşanan səadətiBir də, bir də yaşayım mı?

QAYITDIN…

Ulduzsan, su pərisi -Bu dəfə nə qayıtdın?Bu gözləri güldürüb,Bu bədənə qayıtdın.Açıldı qol-qanadın,Tarixə düşdü adın.Xəzinətək parladın,Bir dəfinə qayıtdın.Əl tutub sevindilər,Abşeron, mavi Xəzər,Bu ürəklə bərabərBu Vətənə qayıtdın.

SӘN

Əzirsən hər nəfəri418,Hər mühiti, şəhəri.Ayağın dəyən yeriCənnətə çevirənsən.Nur bürüyür hər yanı,Yuxulular oyanır.Dəyişdirib havanı,Məqamı devirənsən.Vurğunam hər üzünə,Gecənə, gündüzünə.Əyilirəm dizinə –Həyatı sevdirənsən!

ADIN

Adını çəkəndə dilim bal dadır,Üzüm işıqlanır, güntək419 yanıram.Mələklər qolumdan tutub qaldırır,Bir boy ucalıram, qanadlanıram.Genimdi, soyumdu, qanımdı adınMinillik tarixi köçümdən gəlir.Ən dərin qatımda atəş oyadır,Hüceyrəmdən qalxır, içimdən gəlir.Qoymaram adına yanaşa kölgə,Müqəddəs ziyarət, məkandı adın.Tanrı bəxşişisən, ən məsum körpə,Ən ağıllı adam, ən üstün qadın!

DİZİN-DİZİN… 420

İlahi, mən nələr yazmışam, nələr,İlahi, mən gedib hara421 çıxmışam?Adlayıb yarğanlar422, keçib meşələr,Gedib cəhənnəmdən yerə baxmışam.Susuz səhralardan piyada keçib,Halsız sürünmüşəm hey423 dizin-dizin.Neçə gün susayıb, qanımı içib,Səthində424 qalmışam dibsiz dənizin.Məni bu dəhşətdən kim adladıb, kim,Mən onun quluyam, həm köləsiyəm.Məni əzablardan qurtaran sevgim,Mən sənin uğrunda döyüşəsiyəm.

DİZLӘRİMİN SIZILTISI

Yuxudan oyatdı gecə,Qalxdı, ayıltdı gizlicə,Asta-asta425, incə-incəAyaqlarımı daladı426 –Dizlərimin sızıltısı.Səbəbin yüz yerə yozdum,Gümanlar427 içində azdım428.Hər anımı cızıb-pozdu,Beynimə xəbər yolladı –Dizlərimin sızıltısı.Gördüm ki, qızarıb dərim,İncidib, ağrıdır yeri.Birtəhər429 açdım səhəri,Yan-yörəsin sığalladım430 –Dizlərimin sızıltısı.Birdən sirrin başa düşdüm431,Sevincdən təlaşa düşdümKəbəm üçün sürünmüşdüm!Nə gözəldi, nə əladı432 –Dizlərimin sızıltısı.18.10.2011

SƏN! SƏN!

Hüceyrələrimin coşubMələdiyi, yenə Sən! Sən!Qollarımın uzanaraqGəl dediyi, yenə Sən! Sən!Ankarada, ya Gəncədə,Keçdim min-min işgəncədən.Yenə dönmür nadinc433 bədən,İstədiyi – yenə Sən! Sən!Tufan qalxır, külək434 dinir435,Göy gurlayır, şimşək dinir.Yenə susmur, ürək dinir,Yenə deyir, yenə Sən! Sən!

SAVAYI 436

Yaddaşımda nə qalıb ki,Sirli kələkdən437 savayı.Sinəmin altında nə var,Təşnə438 ürəkdən savayı.Füzulitək yanan neyəm,Tənha439 atlı, tək gəmiyəm.Kimsə yox dərdimi deyəm,Əsən küləkdən savayı.Barışdığım gərdişim440 var,Alışdığım vərdişim441 var.Mənim özgə nə işim varSəni sevməkdən savayı?

TAPARDIM 442

Beyninə girsəydim bir saatlığaBütün suallara cavab tapardım.Bu qəliz443, mürəkkəb444 tapmacalarınAçmasını səndən qabaq tapardım.Birini seçərdim – ayrılmaq üçün,Başqa bir fikrini – bir qınaq üçün,Bəlkə də təzədən vurulmaq üçünBir isti, bir kövrək bucaq tapardım.Bəhanə axtarıb gündə yüz kərəDözərdim445 hər gələn qəza-qədərə.Bütün elədiyin dəliliklərə,Min günah içində savab tapardım,Vallah axtarardım, vallah, tapardım.

NEYLƏYƏ BİLƏRƏM

Burda dərd içində tir-tir əsəndəLap446 mən öyrənsəm ki, kef eləmisən447.Üfürə-üfürə sağ saxladığımHissləri sən orda kəfənləmisən -Neyləyə bilərəm, neyləyə, canım?Daha bundan sonra heç bir arzuna,Heç bir addımına heyrətlənmərəm.Baxmaram sözlərin sərt havasına,Hər nə söyləsələr, susub dinmərəm448.Mən kimə danışım, kimə söyləyim?Neyləsəm ağrıdar, göynədər449 yaram.Özüm öz içimi gəmirib, yeyib,Özüm öz içimdə sızıldayaram –Neyləyə bilərəm, neyləyə, canım?

BӘSDİ 450

Neçə ay içindən çıxa bilmədim:Türmədi451, məhbəsdi, qəfəsdi – bəsdi452.Gözümün yaşını yığa bilmədim453,Kürdü454, Həkəridi455, Arazdı – bəsdi.Keçdim, qucağında xoş dəmi keçdim,Sevinci, kədəri, dərd-qəmi keçdim,Ruhumla bir sirli aləmi keçdim,Vergidi, cadudu, nəfəsdi – bəsdi.Sultandın, çevrildi taxt, sona yetdi,Tale bağışlayan baxt sona yetdi,Tanrının verdiyi vaxt sona yetdi,Sevgidi, maraqdı, həvəsdi – bəsdi!21.10.2011

BƏSDİ NƏDİR?

Heç nə sona yetən deyil,Bu eşqə qəfəs bilmərəm.Bu ruhumda, bu halımda,Barmağımı kəs, bilmərəm.Əzabı da şirin dadır,Çoxdan sızıb, qanımdadı.Ruhu hər an yanımdadı,Ayrı səda, səs bilmərəm.Mənəm işıq dəstələyən,Yüz-yüz nəğmə bəstələyən,Kimdi orda “bəsdi” deyən,Bəsdi nədi? “Bəs”456 bilmərəm.

ÇIXMIŞAM

Bu əzabın zülmətindən,Dipdiri, oyaq çıxmışam.Ürəyimdə dəli bir eşq,Dilimdə “Allah” çıxmışam.Üstümdə Tanrı nəfəsi,Üzümdə sevda həvəsi,Dağıtmışam dar məhbəsi,Ölməmişəm, sağ çıxmışam.Keçdim çətin mərhələdən,İnildədi, əsdi bədən.Bu onballıq457 zəlzələdənBir boy458 qalxıb dağ çıxmışam.

10 İL SONRA