Полная версия
Слово о полку Игореве
Слово о полку Игореве
Древнерусский текст Слова о полку Игореве
Слово о плъку Игоревѣ, Игоря сына Святъславля, внука Ольгова
Не лѣпо ли ны бяшетъ, братіе, начяти старыми словесы трудныхъ повѣстій о пълку Игоревѣ, Игоря Святъславлича? Начати же ся тъй пѣсни по былинамь сего времени, а не по замышленію Бояню. Боянъ бо вѣщій, аще кому хотяше пѣснь творити, то растѣкашется мыслію по древу, сѣрымъ вълкомъ по земли, шизымъ орломъ подъ облакы. Помняшеть бо, речь, първыхъ временъ усобіцѣ. Тогда пущашеть 10 соколовь на стадо лебедѣй: которыи дотечаше, та преди пѣснь пояше – старому Ярославу, храброму Мстиславу, иже зарѣза Редедю предъ пълкы касожьскыми, красному Романови Святъславличю. Боянъ же, братіе, не 10 соколовь на стадо лебедѣй пущаше, нъ своя вѣщіa пръсты на живая струны въскладаше; они же сами княземъ славу рокотаху. Почнемъ же, братіе, повѣсть сію отъ стараго Владимера до нынѣшняго Игоря, иже истягну умь крѣпостію своею, и поостри сердца своего мужествомъ; наплънився ратнаго духа, наведе своя храбрыя плъкы на землю Половѣцькую за землю Руськую.
Тогда Игорь възрѣ на свѣтлое солнце и видѣ отъ него тьмою вся своя воя прикрыты. И рече Игорь къ дружинѣ своей: «Братіе и дружино! Луце жъ бы потяту быти, неже полонену быти. А всядемъ, братіе, на свои бръзыя комони да позримъ синего Дону». Спала князю умь похоти и жалость ему знаменіе заступи – искусити Дону Великаго. «Хощу бо, рече, копіе приломити конець поля Половецкаго; съ вами, Русици, хощу главу свою приложити, а любо испити шеломомь Дону».
О Бояне, соловію стараго времени! Абы ты cіa плъкы ущекоталъ, скача славію по мыслену древу, летая умомъ подъ облакы, свивая славы оба полы сего времени, рища въ тропу Трояню чресъ поля на горы. Пѣти было пѣснь Игореви того внуку: «Не буря соколы занесе чресъ поля широкая – галици стады бѣжать къ Дону Великому». Чи ли въспѣти было, вѣщей Бояне, Велесовь внуче: «Комони ржуть за Сулою – звенить слава въ Кыевѣ; трубы трубять въ Новѣградѣ – стоять стязи въ Путивлѣ». Игорь ждетъ мила брата Всеволода. И рече ему буй туръ Всеволодъ: «Одинъ братъ, одинъ свѣтъ свѣтлый – ты, Игорю: оба есвѣ Святъславличя! Сѣдлай, брате, свои бръзыи комони, а мои ти готови осѣдлани у Курьска на переди. А мои ти куряни свѣдоми къмети, подъ трубами повити, подъ шеломы възлелѣяны, конець копія въскръмлени; пути имь вѣдоми, яругы имъ знаеми, луци у нихъ напряжени, тули отворени, сабли изъострени; сами скачють, акы сѣрыи влъци въ полѣ, ищучи себе чти, а князю славѣ».
Тогда въступи Игорь князь въ златъ стремень и поѣха по чистому полю. Солнце ему тъмою путь заступаше; нощь стонущи ему грозою птичь убуди; свистъ звѣринъ въстазби. Дивъ кличетъ връху древа: велитъ послушати земли незнаемѣ – Влъзѣ, и Поморію, и Посулію, и Сурожу, и Корсуню, и тебѣ, Тьмутораканьскый блъванъ! А Половци неготовами дорогами побѣгоша къ Дону Великому; крычатъ тѣлѣгы полунощы, рци лебеди роспущени: Игорь къ Дону вои ведетъ! Уже бо бѣды его пасетъ птиць подобію; влъци грозу въсрожатъ по яругамъ; орли клектомъ на кости звѣри зовутъ; лисици брешутъ на чръленыя щиты. О Руская земле! Уже за шеломянемъ еси!
Длъго ночь мрькнетъ. Заря свѣтъ запала, мъгла поля покрыла. Щекотъ славій успе, говоръ галичь убуди. Русичи великая поля чрьлеными щиты прегородиша, ищучи себѣ чти, а князю славы.
Съ заранія въ пятокъ потопташа поганыя плъкы Половецкыя и рассушяся стрѣлами по полю, помчаша красныя дѣвкы Половецкыя, а съ ними злато и паволокы и драгыя оксамиты. Орьтъмами и япончицами и кожухы начашя мосты мостити по болотомъ и грязивымъ мѣстомъ, и всякыми узорочьи Половѣцкыми. Чрьленъ стягъ, бѣла хорюговь, чрьлена чолка, сребрено стружіе храброму Святьславличю!
Дремлетъ въ полѣ Ольгово хороброе гнѣздо; далече залетѣло. Не было нъ обидѣ порождено ни соколу, ни кречету, ни тебѣ, чръный воронъ, поганый Половчине! Гзакъ бѣжитъ сѣрымъ влъкомъ, Кончакъ ему слѣдъ править къ Дону Великому.
Другаго дни велми рано кровавыя зори свѣтъ повѣдаютъ. Чръныя тучя съ моря идутъ, хотятъ прикрыти 4 солнца, а въ нихъ трепещуть синіи млъніи. Быти грому великому, итти дождю стрѣлами съ Дону Великаго! Ту ся копіемъ приламати, ту ся саблямъ потручяти о шеломы Половецкыя, на рѣцѣ на Каялѣ, у Дону Великаго. О Руская землѣ! Уже за шеломянемъ еси!
Се вѣтри, Стрибожи внуци, вѣютъ съ моря стрѣлами на храбрыя плъкы Игоревы. Земля тутнетъ, рѣкы мутно текуть, пороси поля прикрываютъ. Стязи глаголютъ: Половци идуть отъ Дона и отъ моря! И отъ всѣхъ странъ Рускыя плъкы оступиша. Дѣти бѣсови кликомъ поля прегородиша, a xpaбpіи Русици преградиша чрълеными щиты.
Яръ туре Всеволодѣ! Стоиши на борони, прыщеши на вои стрѣлами, гремлеши о шеломы мечи харалужными. Камо туръ поскочяше, своимъ златымъ шеломомъ посвѣчивая, тамо лежать поганыя головы Половецкыя. Поскепаны саблями калеными шеломы Оварьскыя отъ тебе, яръ туре Всеволоде! Кая раны дорога бpaтіe, забывъ чти и живота и града Чрънигова отня злата стола и своя милыя хоти, красныя Глѣбовны, свычая и обычая.
Были вѣчи Трояни, минула лѣта Ярославля; были плъци Олговы, Ольга Святьславличя. Тъй бо Олегъ мечемъ крамолу коваше и стрѣлы по земли сѣяше. Ступаетъ въ злать стремень въ градѣ Тьмутороканѣ. То же звонъ слыша давный великый Ярославь. А Владиміръ сынъ Всеволожь по вся утра уши закладаше въ Черниговѣ. Бориса же Вячеславлича слава на судъ приведе и на Канину зелену паполому постла, за обиду Олгову, храбра и млада князя. Съ тоя же Каялы Святоплъкь полелѣя отца своего междю Угорьскими иноходьцы ко Святѣй Софіи къ Кіеву. Тогда при Олзѣ Гориславличи сѣяшется и растяшеть усобицами, погибашеть жизнь Даждьбожа внука, въ княжихъ крамолахъ вѣци человѣкомь скратишася. Тогда по Руской земли рѣтко ратаевѣ кикахуть, нъ часто врани граяхуть, тpyпіa ceбѣ дѣляче, а галици свою рѣчь говоряхуть: хотять полетѣти на уедіе. То было въ ты рати и въ ты плъкы, а сицей рати не слышано: съ зараніа до вечера, съ вечера до свѣта летятъ стрѣлы каленыя, гримлютъ сабли о шеломы, трещатъ копіа харалужныя въ полѣ незнаемѣ, среди земли Половецкыи. Чръна земля подъ копыты костьми была посѣяна, a кровію польяна: тугою взыдоша по Руской земли.
Что ми шумить, что ми звенить давечя рано предъ зорями? Игорь плъкы заворочаетъ, жаль бо ему мила брата Всеволода. Бишася день, бишася другый – третьяго дни къ полуднію падоша стязи Игоревы. Ту ся брата разлучиста на брезѣ быстрой Каялы; ту кроваваго вина не доста; ту пиръ докончаша храбріи Русичи: сваты попоиша, а сами полегоша за землю Рускую. Ничить трава жалощами, а древо ся тугою къ земли преклонилося. Уже бо, братіе, невеселая година въстала, уже пустыни силу прикрыла. Въстала обида въ силахъ Дажьбожа внука; вступила дѣвою на землю Трояню; въсплескала лебедиными крылы на синѣмъ море, у Дону; плещучи убуди жирня времена. Усобица княземъ на поганыя погыбе, рекоста бо братъ брату: «Се мое, а то мое же»; и начяша князи про малое «се великое» млъвити, а сами на себѣ крамолу ковати. А поганіи съ всѣхъ странъ прихождаху съ побѣдами на землю Рускую.
О! далече зайде соколъ, птиць бья, – къ морю! А Игорева храбраго плъку не крѣсити. За нимъ кликну карна, и желя поскочи по Руской земли, смагу мычючи въ пламянѣ розѣ. Жены Рускія въсплакашася, а ркучи: «Уже намъ своихъ милыхъ ладъ ни мыслію смыслити, ни думою сдумати, ни очима съглядати, а злата и сребра ни мало того потрепати». А въстона бо, братіе, Кіевъ тугою, а Черниговъ напастьми. Тоска разліяся по Руской земли; печаль жирна тече средь земли Рускыи. А князи сами на себе крамолу коваху; а поганіи сами, побѣдами нарищуще на Рускую землю, емляху дань по бѣлѣ отъ двора. Тіи бо два храбрая Святъславлича Игорь и Всеволодъ уже лжу убудиста, которую то бяше успилъ отецъ ихъ Святъславь грозный великый Кіевскый – грозою бяшеть притрепеталъ. Своими сильными плъкы и харалужными мечи наступи на землю Половецкую, притопта хлъми и яругы, взмути рѣки и озеры, иссуши потоки и болота; а поганаго Кобяка изъ Луку моря, отъ желѣзныхъ великихъ плъковъ Половецкихъ яко вихръ выторже – и падеся Кобякъ въ граде Кіeвѣ, въ гридницѣ Святъславли. Ту Нѣмци и Венедици, ту Греци и Морава поютъ славу Святъславлю, кають князя Игоря, иже погрузи жиръ во днѣ Каялы, рѣкы Половецкія, Рускаго злата насыпаша. Ту Игорь князь высѣдѣ изъ сѣдла злата а въ сѣдло кощіево. Уныша бо градомъ забралы, а веселіе пониче. А Святъславь мутенъ сонъ видѣ въ Кіевѣ на горахъ. «Си ночь съ вечера одѣвахуть мя, рече, чръною паполомою, на кроваты тисовѣ; чръпахуть ми синее вино съ трудомь смѣшено; сыпахуть ми тъщими тулы поганыхъ тльковинъ великый женчюгь на лоно, и нѣгуютъ мя; уже дьскы безъ кнѣca в моемъ теремѣ златовръсѣмъ. Всю нощь съ вечера бусови врани възграяху; у Плѣсньска на болони бѣша дебрьски сани и несоша я къ синему морю».
И ркоша бояре князю: «Уже, княже, туга умь полонила. Се бо два сокола слѣтѣста съ отня стола злата поискати града Тьмутороканя, а любо испити шеломомь Дону: уже соколома крильца припѣшали поганыхъ саблями, а самаю опуташа въ путины желѣзны. Темно бо бѣ въ 3 день: два солнца помѣркоста, оба багряная стлъпа погасоста, и съ нима молодая мѣсяца, Олегъ и Святъславъ, тъмою ся поволокоста и въ морѣ погрузиста, и великое буйство подаста Хинови. На рѣцѣ на Каялѣ тьма свѣтъ покрыла – по Руской земли прострошася Половци, аки пардуже гнѣздо. Уже снесеся хула на хвалу. Уже тресну нужда на волю. Уже връжеса Дивь на землю. Се бо Готскія красныя дѣвы въспѣша на брезѣ синему морю: звоня Рускымъ златомъ, поютъ время Бусово, лелѣютъ месть Шароканю. А мы уже, дружина, жадни веселія».
Тогда великій Святславъ изрони злато слово слезами смѣшено, и рече: «О моя сыновчя Игорю и Всеволоде! Рано еста начала Половецкую землю мечи цвѣлити, а себѣ славы искати. Нъ нечестно одолѣсте, нечестно бо кровь поганую проліясте. Ваю храбрая сердца въ жестоцемъ харалузѣ скована, а въ буести закалена. Се ли створисте моей сребреней сѣдинѣ! А уже не вижду власти сильнаго и богатаго и многовои брата моего Ярослава съ Черниговьскими былями, съ могуты, и съ татраны, и съ шельбиры, и съ топчакы, и съ ревугы, и съ ольберы. Тіи бо бес щитовь съ засапожникы кликомъ плъкы побѣждаютъ, звонячи въ прадѣднюю славу. Нъ рекосте: «Мужаимѣся сами, преднюю славу сами похитимъ, а заднюю ся сами подѣлимъ!» А чи диво ся, бpaтіe, стару помолодити? Коли соколъ въ мытехъ бываетъ, высоко птицъ възбиваетъ: не дастъ гнѣзда своего въ обиду. Нъ се зло: княже ми непоcoбіe. На ниче ся годины обратиша! Се у Римъ кричатъ подъ саблями Половецкыми, а Володимиръ подъ ранами. Туга и тоска сыну Глѣбову!»
Великый княже Всеволоде! Не мыслію ти прелетѣти издалеча отня злата стола поблюсти? Ты бо можеши Волгу веслы раскропити, а Донъ шеломы выльяти. Аже бы ты былъ, то была бы чага по ногатѣ, а кощей по резанѣ. Ты бо можеши посуху живыми шереширы стрѣляти – удалыми сыны Глѣбовы.
Ты, буй Рюриче и Давыде! Не ваю ли злачеными шеломы по крови плаваша? Не ваю ли храбрая дружина рыкаютъ акы тури, ранены саблями калеными на полѣ незнаемѣ? Вступита, господина, въ злата стремени за обиду сего времени, за землю Русскую, за раны Игоревы буего Святславлича!
Галичкы Осмомыслъ Ярославе! Высоко сѣдиши на своемъ златокованнѣмъ столѣ, подперъ горы Угорскыи своими желѣзными плъки, заступивъ королеви путь, затворивъ Дунаю ворота, меча бремены чрезъ облаки, суды рядя до Дуная. Грозы твоя по землямъ текутъ; отворяеши Кіeвy врата; стреляеши съ отня злата стола салтани за землями. Стрѣляй, господине, Кончака, поганого кощея, за землю Рускую, за раны Игоревы буего Святславлича!
А ты, буй Романе и Мстиславе! Храбрая мысль носить васъ умъ на дѣло. Высоко плаваеши на дѣло въ буести, яко соколъ на вѣтрехъ ширяяся, хотя птицю въ буйствѣ одолѣти. Суть бо у ваю желѣзныи паворзи подъ шеломы Латинскими. Тѣми тресну земля, и многи страны – Хинова, Литва, Ятвязи, Деремела и Половци – сулици своя повръгоша, а главы своя подклониша подъ тыи мечи харалужныи. Нъ уже, княже Игорю, утръпѣ солнцю свѣтъ, а древо не бологомъ листвіе срони. По Рсі и по Сули гради подѣлиша; а Игорева храбраго плъку не крѣсити. Донъ ти, княже, кличетъ и зоветь князи на побѣду. Олговичи, храбрыи князи, доспѣли на брань.
Инъгварь и Всеволодъ, и вси три Мстиславичи, не худа гнѣзда шестокрилци! Непобѣдными жребіи собѣ власти расхытисте! Кое ваши златыи шеломы и сулицы Ляцкіи и щиты? Загородите полю ворота своими острыми стрѣлами за землю Русскую, за раны Игоревы буего Святъславлича!
Уже бо Сула не течетъ сребреными струями граду Переяславлю, и Двина болотомъ течетъ онымъ грознымъ Полочаномъ подъ кликомъ поганыхъ. Единъ же Изяславъ сынъ Васильковъ позвони своими острыми мечи о шеломы Литовскія; притрепа славу дѣду своему Всеславу, а самъ подъ чрълеными щиты на кровавѣ травѣ притрепанъ Литовскыми мечи, и с хотию на кровать. И рекъ: «Дружину твою, княже, птиць крилы пріодѣ, а звѣри кровь полизаша!». Не бысть ту брата Брячяслава, ни другаго – Всеволода: единъ же изрони жемчюжну душу изъ храбра тѣла чресъ злато ожереліе. Унылы голоси, пониче веселіе; трубы трубятъ Городеньскіи. Ярославе и вси внуце Всеславли! Уже понизите стязи свои, вонзите свои мечи вережени: уже бо выскочисте изъ дѣдней славѣ. Вы бо своими крамолами начясте наводити поганыя на землю Рускую, на жизнь Всеславлю. Которою бо бѣше насиліе отъ земли Половецкыи.
На седьмомъ вѣцѣ Трояни връже Всеславъ жребій о дѣвицю себѣ любу. Тъй клюками подпръся окони и скочи къ граду Кыеву и дотчеся стружіемъ злата стола Кіевскаго. Скочи отъ нихъ лютымъ звѣремъ въ плъночи изъ Бѣлаграда, обѣсися синѣ мьглѣ, утръже вазни с три кусы, отвори врата Новуграду, разшибе славу Ярославу, скочи влъкомъ до Немиги, съду токъ. На Немизѣ снопы стелютъ головами, молотятъ чепи харалужными, на тоцѣ животъ кладутъ, вѣютъ душу отъ тѣла. Немизѣ кровави брезѣ не бологомъ бяхуть посѣяни, посѣяни костьми Рускихъ сыновъ. Всеславъ князь людемъ судяше, княземъ грады рядяше, а самъ въ ночь влъкомъ рыскаше: изъ Кыева дорискаше до куръ Тмутороканя, великому Хръсови влъкомъ путь прерыскаше. Тому въ Полотскѣ позвониша заутренюю рано у Святыя Софеи въ колоколы, а онъ въ Кыевѣ звонъ слыша. Аще и вѣща душа въ друзѣ тѣлѣ, нъ часто бѣды страдаше. Тому вѣщей Боянъ и пръвое припѣвку смысленый рече: «Ни хытру, ни горазду, ни птицю горазду, суда Божіа не минути».
О, стонати Руской земли, помянувше пръвую годину, и пръвыхъ князей! Того стараго Владиміра не льзѣ бѣ пригвоздити къ горамъ Кіевскимъ. Сего бо нынѣ сташа стязи Рюриковы, а друзіи Давидовы; нъ розьно ся имъ хоботы пашутъ; копіa поютъ.
На Дунаи Ярославнынъ гласъ слышитъ – зегзицею незнаемь рано кычеть: «Полечю, рече, зегзицею по Дунаеви; омочю бебрянъ рукавъ въ Каялѣ рѣцѣ, утру князю кровавыя его раны на жестоцѣмъ его тѣлѣ!». Ярославна рано плачетъ въ Путивлѣ на забралѣ, а ркучи: «О вѣтрѣ, вѣтрило! Чему, господине, насильно вѣеши? Чему мычеши Хиновьскыя стрѣлкы на своею нетрудною крилцю на моея лады вои? Мало ли ти бяшетъ горѣ подъ облакы вѣяти, лелѣючи корабли на синѣ мopѣ? Чему, господине, мое веселіе по ковылію развѣя?» Ярославна рано плачеть Путивлю городу на заборолѣ, а ркучи: «О Днепре Словутицю! Ты пробилъ еси каменныя горы сквозѣ землю Половецкую. Ты лелѣялъ еси на себѣ Святославли носады до плъку Кобякова. Възлелѣи, господине, мою ладу къ мнѣ, а быхъ не слала къ нему слезъ на море рано». Ярославна рано плачетъ въ Путивлѣ на забралѣ, а ркучи: «Свѣтлое и тресвѣтлое слънце! Всѣмъ тепло и красно еси. Чему, господине, простре горячюю свою лучю на ладѣ вои, въ полѣ безводнѣ жаждею имь лучи съпряже, тугою имъ тули затче?».
Прысну море полунощи; идутъ сморци мьглами. Игореви князю Богъ путь кажетъ изъ земли Половецкой на землю Рускую, къ отню злату столу. Погасоша вечеру зари. Игорь спитъ, Игорь бдитъ, Игорь мыслію поля мѣритъ отъ Великаго Дону до Малаго Донца. Комонь въ полуночи Овлуръ свисну за рѣкою – велить князю разумѣти, князю Игорю небыть кликну. Стукну земля, въшумѣ трава, вежи ся Половецкіи подвизашася. А Игорь князь поскочи горнастаемъ къ тростію и бѣлымъ гоголемъ на воду. Възвръжеся на бръзъ комонь и скочи съ него босымъ влъкомъ. И потече къ лугу Донца, и полетѣ соколомъ подъ мьглами, избивая гуси и лебеди завтроку и обѣду и ужинѣ. Коли Игорь соколомъ полетѣ, тогда Влуръ влъкомъ потече, труся собою студеную росу: претръгоста бо своя бръзая комоня.
Донецъ рече: «Княже Игорю! Немало ти величія, а Кончаку нелюбія, а Руской земли веселіа!» Игорь рече: «О Донче! Немало ти величія, лелѣявшу князя на влънахъ, стлавшу ему зелѣну траву на своихъ сребреныхъ брезѣхъ, одѣвавшу его теплыми мъглами подъ сѣнію зелену древу; стрежаше его гоголемъ на водѣ, чайцами на струяхъ, чрьнядьми на ветрѣхъ. Не тако ли, рече, рѣка Стугна: худу струю имѣя, пожръши чужи ручьи и стругы ростренакусту уношу князя Ростислава затвори днѣ при темнѣ березѣ. Плачется мати Ростиславля по уноши князи Ростиславѣ. Уныша цвѣты жалобою, и древо ся тугою къ земли прѣклонило».
А не сорокы встроскоташа: на слѣду Игоревѣ ѣздитъ Гзакъ съ Кончакомъ. Тогда врани не граахуть, галици помлъкоша, сорокы не троскоташа, полозію ползоша только; дятлове тектомъ путь къ рѣцѣ кажутъ; соловіи веселыми пѣсньми свѣтъ повѣдаютъ. Млъвитъ Гза къ Кончакови: «Аже соколъ къ гнѣзду летитъ, соколича рострѣляевѣ своими злачеными стрѣлами». Рече Кончакъ ко Гзѣ: «Аже соколъ къ гнѣзду летитъ, а вѣ соколца опутаевѣ красною дивицею». И рече Гзакъ къ Кончакови: «Аще его опутаевѣ красною дѣвицею, ни нама будетъ сокольца, ни нама красны дѣвице, то почнутъ наю птици бити въ полѣ Половецкомъ».
Рекъ Боянъ и Ходына Святъславля пѣснотворца стараго времени Ярославля, Ольгова коганя хоти: «Тяжко ти головы кромѣ плечю, зло ти тѣлу кромѣ головы» – Руской земли безъ Игоря. Солнце свѣтится на небесѣ – Игорь князь въ Руской земли. Дѣвици поютъ на Дунаи, вьются голоси чрезъ море до Кіева. Игорь ѣдетъ по Боричеву къ Святой Богородици Пирогощей. Страны ради, гради весели. Пѣвше пѣснь старымъ княземъ, а по томъ молодымъ пѣти. Слава Игорю Святъславличь, буй-туру Всеволодѣ, Владиміру Игоревичу. Здрави князи и дружина, побарая за христьяны на поганыя плъки. Княземъ слава а дружинѣ. Аминь.
Поэтические переложения
Василий Андреевич Жуковский
Слово о полку Игореве
Не прилично ли будет нам, братия,Начать древним складомПечальную повесть о битвах Игоря,Игоря Святославича!Начаться же сей песниПо былинам сего времени,А не по вымыслам Бояновым.Вещий Боян,Если песнь кому сотворить хотел,Растекался мыслию по древу,Серым волком по земле,Сизым орлом под облаками.Вам памятно, как пели о бранях первых времен:Тогда пускались десять соколов на стадо лебедей;Чей сокол долетал, того и песнь прежде пелась:Старому ли Ярославу, храброму ли Мстиславу,Сразившему Редедю перед полками касожскими,Красному ли Роману Святославичу.Боян же, братия, не десять соколов на стадо лебедей пускал,Он вещие персты свои на живые струны вскладывал,И сами они славу князьям рокотали.Начнем же, братия, повесть сиюОт старого Владимира до нынешнего Игоря.Натянул он ум свой крепостью,Изострил он мужеством сердце,Ратным духом исполнилсяИ навел храбрые полки своиНа землю Половецкую за землю Русскую.Тогда Игорь воззрел на светлое солнце,Увидел он воинов своих, тьмой от него прикрытых,И рек Игорь дружине своей:«Братия и дружина!Лучше нам быть порубленным, чем даться в полон.Сядем же, други, на борзых конейДа посмотрим синего Дона!»Вспала князю на ум охота,А знаменье заступило ему желаниеОтведать Дона великого.«Хочу, – он рек, – преломить копьеНа конце поля половецкого с вами, люди русские!Хочу положить свою головуИли выпить шеломом из Дона».О Боян, соловей старого времени!Как бы воспел ты битвы сии,Скача соловьем по мысленну древу,Взлетая умом под облаки,Свивая все славы сего времени,Рыща тропою Трояновой через поля на горы!Тебе бы песнь гласить Игорю, оного Олега внуку:Не буря соколов занесла чрез поля широкие,Галки стадами бегут к Дону великому!Тебе бы петь, вещий Боян, внук Велесов!Ржут кони за Сулою,Звенит слава в Киеве,Трубы трубят в Новеграде,Стоят знамена в Путивле,Игорь ждет милого брата Всеволода.И рек ему буй-тур Всеволод:«Один мне брат, один свет светлый ты, Игорь!Оба Святославичи!Седлай же, брат, борзых коней своих,А мои тебе готовы,Оседланы пред Курском.Метки в стрельбе мои куряне,Под трубами повиты,Под шеломами взлелеяны,Концом копья вскормлены,Пути им все ведомы,Овраги им знаемы,Луки у них натянуты,Тулы отворены,Сабли отпущены,Сами скачут, как серые волки в поле,Ища себе чести, а князю славы».Тогда вступил князь Игорь в златое стремяИ поехал по чистому полю.Солнце дорогу ему тьмой заступило;Ночь, грозою шумя на него, птиц пробудила;Рев в стадах звериных;Див кличет наверху древа:Велит прислушать земле незнаемой,Волге, Поморию, и Посулию,И Сурожу, и Корсуню,И тебе, истукан тьмутараканский!И половцы неготовыми дорогами побежали к Дону великому.Кричат в полночь телеги, словно распущенны лебеди.Игорь ратных к Дону ведет!Уже беда его птиц скликает,И волки угрозою воют по оврагам,Клектом орлы на кости зверей зовут,Лисицы брешут на червленые щиты…О Русская земля! Уж ты за горамиДалеко!Ночь меркнет,Свет-заря запала,Мгла поля покрыла,Щекот соловьиный заснул,Галичий говор затих.Русские поле великое червлеными щитами прегородили,Ища себе чести, а князю славы.В пятницу на заре потоптали они нечестивые полки половецкиеИ, рассеясь стрелами по полю, помчали красных дев половецкихА с ними и злато, и паволоки, и драгие оксамиты,Ортмами, епанчицами, и кожухами, и разными узорочьями половецкимиПо болотам и грязным местам начали мосты мостить.А стяг червленый с белою хоругвию,А челка червленая с древком серебрянымХраброму Святославичу!Дремлет в поле Олегово храброе гнездо —Далеко залетело!Не родилось оно на обидуНи соколу, ни кречету,Ни тебе, черный ворон, неверный половчанин!Гзак бежит серым волком,А Кончак ему след прокладывает к Дону великому.И рано на другой день кровавые зори свет поведают;Черные тучи с моря идут,Хотят прикрыть четыре солнца,И в них трепещут синие молнии.Быть грому великому!Идти дождю стрелами с Дону великого!Тут-то копьям поломаться,Тут-то саблям притупитьсяО шеломы половецкиеНа реке на Каяле, у Дона великого!О Русская земля, далеко уж ты за горами!И ветры, Стрибоговы внуки,Веют с моря стреламиНа храбрые полки Игоревы.Земля гремит,Реки текут мутно,Прахи поля покрывают,Стяги глаголют!Половцы идут от Дона, и от моря, и от всех сторон.Русские полки отступили.Бесовы дети кликом поля прегородили,А храбрые русские щитами червлеными.Ярый тур Всеволод!Стоишь на обороне,Прыщешь на ратных стрелами,Гремишь по шеломам мечом харалужным;Где ты, тур, ни проскачешь, шеломом златым посвечивая,Там лежат нечестивые головы половецкие,Порубленные калеными саблями шлемы аварскиеОт тебя, ярый тур Всеволод!Какою раною подорожит он, братие,Он, позабывший о жизни и почестях,О граде Чернигове, златом престоле родительском,О свычае и обычае милой супруги своей, Глебовны красныя.Были веки Трояновы,Миновались лета Ярославовы;Были битвы Олега,Олега Святославича.Тот Олег мечом крамолу ковал,И стрелы он по земле сеял.Ступал он в златое стремя в граде Тьмутаракане!Молву об нем слышал давний великий Ярослав, сын Всеволодов,А князь Владимир всякое утро уши затыкал в Чернигове.Бориса же Вячеславича слава на суд привела,И на конскую зеленую попону положили егоЗа обиду Олега, храброго юного князя.С той же Каялы Святополк после сечи увел отца своегоМежду угорскою конницею ко святой Софии в Киев.Тогда при Олеге Гориславиче сеялось и вырастало междоусобием.Погибала жизнь Даждьбожиих внуков,Во крамолах княжеских век человеческий сокращался.Тогда по Русской земле редко оратаи распевали,Но часто граяли враны,Трупы деля меж собою;А галки речь свою говорили:Хотим полететь на добычу.То было в тех сечах, в тех битвах,Но битвы такой и не слыхано!От утра до вечера,От вечера до светаЛетают стрелы каленые,Гремят мечи о шеломы,Трещат харалужные копьяВ поле незнаемомСреди земли Половецкия.Черна земля под копытамиКостьми была посеяна,Полита была кровию,И по Русской земле взошло бедой!..Что мне шумит,Что мне звенитТак задолго рано перед зарею?Игорь полки заворачивает:Жаль ему милого брата Всеволода.Билися день,Бились другой,На третий день к полднюПали знамена Игоревы!Тут разлучилися братья на бреге быстрой Каялы;Тут кровавого вина недостало;Тут пир докончили бесстрашные русские:Сватов попоили,А сами легли за Русскую землю!Поникает трава от жалости,А древо печалиюК земле преклонилось.Уже невеселое, братья, время настало;Уже пустыня силу прикрыла!И встала обида в силах Даждьбожиих внуков,Девой вступя на Троянову землю,Крыльями всплеснула лебедиными,На синем море у Дона плескаяся.Прошли времена, благоденствием обильные,Миновалися брани князей на неверных.Брат сказал брату: то мое, а это мое же!И стали князья говорить про малое, как про великое,И сами на себя крамолу ковать,А неверные со всех сторон приходили с победами на Русскую землю!..О! далеко залетел ты, сокол, сбивая птиц к морю!А храброму полку Игореву уже не воскреснуть!Вслед за ним крикнули Карна и Жля и по Русской земле поскакали,Мча разорение в пламенном роге!Жены русские всплакали, приговаривая:
