Таза ойлор Так сөздөр

Ар бир айтылган сөздүн таасири өзүң үчүн кана керек. Ачык, айкын, так сүйлөшүүлөр, жылуу мамиле, бири-бириңе болгон мээримдүүлүк – бул ден соолук. Алыста болгон жакын адамдарың менен телефон аркылуу байланышып өзүңдүн көйгөйүңдү айтпай, маанай көтөрө турган сөздөрдү сүйлөшүү да өзүңдүн акыбалыңдын оңолушуна жардам берет.

Эгерде телефондон алган маалыматың жашоонун оң нугунда болуп сени сүйүнтсө – ден соолугуңду чындап, ишиңди алдыга жылдырат. Ал эми терс маалымат алсаң албетте, көңүлүңдү чөгөрөт, сезимиң начарлап, денеңде ар кандай ооруулар көтөрүлүп чыгат. Ошон үчүн бири-бириңе жаман кабарды айтаардан мурун өзүңдүн ден соолугуңду ойлон, ал жакын адамыңдын дагы ден соолугу экендигин унутпа.

Ошондой эле маалыматты ар кандай массалык маалымат берүү менен эмгектенгендер өздөрүнн ички дүйнөсүндөгү акыбалына жараша, сырткы дүйнөдө өз дүйнөсүн чагылдырып жашап келет жана аны элге таратат. Мисалы, көргөн фильмдер, сериалдар, ар кандай көйгөйлүү жаңылыктар адамдарга ар кандай коркунучтун программаларын киргизип келүүдө. Аны маалымат берүү кызматында иштегендер терең түшүнүүсү зарыл. Эмненин үрөнүн сепсең ошону кана көбүрөөк өлчөмдө аласың. Маалымат ким аркылуу тараса ошол адам ал маалыматтын булагы болуп эсептелет. Ошон үчүн өзүңдү эле ойлобостон мураска каның, гениң аркылуу урпактарыңа кандай жашоону берип жатасың эртерээк ойлон.

Ошондуктан, алыста жүргөн тууган урук, бала чакаң үчүн жакшы ойлорду ойлоп, “сүйүп мээримиңди” жөнөтүү – бул ар бир адамдын өзүнүн ден соолугун өзү сактоого көмөк көрсөтүү болуп эсептелет.Эмнеден корксоң ошону магнит сыяктуу тартасың. Эми, сага кандай ойлор келсе өзүңдү жакшы сезээр элең?

Ой менен иштөөнү үйрөн… Ал эми ой бул – ден соолук,жашоо, тагдыр. Баардык нерсе ойдон башталат. Ой бул– пульт менен башкарылуучу нерсе, эмнени ойлосоң ошол каналга уланасың. “көңүлүң” сенин башыңдагы пульт. Оюңа эмне келсе сен ошол каналга уланасың. Аны өзгөртүш сенин колуңда.

Ошон үчүн, жакын адамдарыңдын жакы сөзү же жалпы эле турмуш жөнүндө жакшы нерселерди ойлоо жакшы натыйжа берет. Жакшы ниет жарым ырыс дегендей ниетиңер бири-бири-ңерге түз болсун. Эмнени Ааламга жөнөтсөң ошону кана аласың. Бирөөнү кандай ойлосоң, ошол ойлогон адамың сага дал ошондой мамиле түзөт. Заматта автоматтык түрдө ар бир адам сезими менен эле ошол толкунга уланып, өзүңдүн акыбалыңды өзүңө чагылдырат.

Мамилелеш адамдарыңар менен болгон байланыштан кийин өз сезимиңерди байкап көргүлө, ошондо бул сөздөр мындан дагы түшүнүктүү болот жана бул “ой жөнүндөгү” өтө баалуу практика болот. Ойдун денесин чыңдайт б.а. өз оюңа өзүң кожоюн боло аласың, оомалыктан кутуласың. Ар бир адам өзүнүн турмуштук тажрыйбасын өзү топтоого тийиш, антепесе жашоонун өнүгүү, өсүү “этаптарынан” өтө албай, бир ордунда тыбырчылап айланпага туш келген сыяктуу айланып тура берет. Ал жөнүндөгү түшүнүктөрдү материал менен толук таанышсаңар табасыңар.

Жогоруда айтылган сөздөрдү түшүнүү үчүн албетте, турмуштук өзүмдүк тажрыйба керек. Бул нерсе, бүгүнкү күндө кээ бир адамга кызык болсо, кээ бир адам үчүн “туфта”, “фуфло” же айрыкча азыркы мезгилде окууну, өнүгүүнү каалабаган жаштарга китеп окубоо “мода” болсо, кээ бир жаштар “биз китеп окуган жигиттер же кыздар менен сүйлөшпөйбүз!” деген шылтоо, актануу, өзүн өзү алдоо менен жашаган сыяктуу…

Бул деген нерсе, аң сезимдин “парличине” алып келет. Мээ кыймылсыз болгондон кийин тез картаюу, ооруу күчөп, өлүмгө тез алып келет. Ошон үчүн кээ бир жаштар өнүгүүнүн ордуна, өлгөндү оңой көрөт. Өлүм менен эле адам жаны кайра жашабай тургандай түшүнүшөт. Коркунучу күчтүү адамдар жашоого жөндөмсүз болуп ар кандай терс окуялардын себепчиси болоору анык.

Ал ар бир адамдын тандаган жолу.

Ким кандай жол тандаса, ал адам үчүн тандаган жолу туура жол болуп эсептелет. Бул жашоодо басып өтө албаса, келечек жашоодо дагы ушул кезге келгенде тоскоолдуктар башталат. Ошон үчүн ар бир мүмкүнчүлүктөн пайдаланып, алдыга жылуу эң сонун турмуштук тажрыйба берет. Ар кандай “коркунучтан” өтүү , кыйынчылыктан өтүү адамды чыйралтат, ден соолукта болуусуна жардам берет.

Жаман ойлорду такыр жок кылуу кыйын, бирок мезгил мезгили менен терс ойлорду позитивдүү нугка буруу үчүн ар кандай көнүгүүлөр жардам берет.

Терс ойлордон арылуу максатында, мээнин активдүү иштеши үчүн эмнелерди жасаса болот.

Жаңы жол. Күнүгө көнүмүш болгон жолдон башка жол менен жумушка, магазинге, мектепке, базарга баруу. Жол өтө кыска болсо узун жолду тандап айланып бар. Басканда кан айлануу жакшырат, жамбаш булчуңдары, мээдеги нейрондор чыңдалат. Жаман ойдун ордуна жаңы идеялар келет. Дем алуу жакшырат. Буттун манжаларын ачып тез – тез бас.

Жаңы кийим. Ар түрдүү ачык түстүү кийимдер маанайды көтөрөт. Башка адамдардын көңүлүн бурат. Жаңы таанышуулар, жаңы мамилелер түзүлөт. Жашоого болгон кызыгуу күчөйт.

Белек берүү. Бирөөгө белек берүү менен адам өзүнө кубаныч тартуулайт. Кубануу кан айланууну жакшыртат, жүрөктүн иштөө тартибин активдештирет, мээге жакшы ойлор келет, сүйүнүч аркылуу мээдеги нейрондор калыптанат.

–

Эмне үчүн өзүңдү өзүң колдоо зарыл?

Өзүңдү өзүң колдобосоң, албетте сени эч ким колдобойт, себеби ар бир адам сезими менен ар кандай шартта маалымат талааңдагы энергияңды сезет жана ошого жараша мамиле кылат. Сенин денең, өзүңө болгон мамилеңди күзгү сыяктуу чагылдырып көрсөтүп турат. Денең сенин тагдыр китебиң, учур чактагы акыбалың сенин ким экендигиңди көрсөтөт. Ошон үчүн кээ бир адамдын жанында өзүңдү шайыр, ден соолукта сезсең, кээ бир адамдын жанында шалдырай түшөсүң.

Ошондуктан акыбалыңа көңүл бөлүп, ар бир адам өзүн өзү колдоосу керек.

МЕН ӨЗҮМДҮ СҮЙӨМ ЖАНА КОЛДОЙМ! МЕН ӨЗҮМДҮ СҮЙӨМ ЖАНА КОЛДОЙМ!

МЕН ӨЗҮМДҮ СҮЙӨМ ЖАНА КОЛДОЙМ!

Деп күнүгө эстеген сайын айтып жүргөн жакшы натыйжа берет. Күзгүгө каранып айтсаңар андан да тез таасирин берип, денедеги ооруулардын кетишине түрткү берет жана тез айыгат. Күзгүдөн өзүңдү күнүгө эртең менен көргөндө:

“ Мен кандай бактылуумун, сулуумун!” “Менин ден соолугум чың, ден соолук мени менен бирге!” “Мен күндөн күнгө жашарып баратам, сезимимде күчтүүмүн!” “Бүгүнкү күн мен үчүн эң сонун күн, жашоо кандай сонун!”

“Мага дагы бир күн жашоого мүмкүнчүлүк берилди, бүгүнкү күнгө ыраазымын!”

“Менин ар бир күнүм мага бакыт тартуулайт!”

“Мен өзүмдү дайыма көңүлүм ачык, шайыр, ар кандай иште ийгиликтин ээси катары көрөм!” – бул сөздөр бир күндүк жашоону кооздоп, көңүлдү көтөрөт, ар кандай шартта жолду ачат, эгерде аны канчалык көп айтсаң “жан дүйнөңө” сиңип, түшүңдө да ошондой көз караш пайда болот. Түшү оңолгондун иши сөзсүз оңолот. Себеби, ал астралдык дененин ден соолукта болушу, жандын эркиндикке чыгып, башка дүйнөлөр менен гармониялуу мамиледе болушу. Жүрөктүн нормалдуу иштешине көмөк көрсөтөт, денеден “сүйүү” нурунун чачырашы.

Ошондуктан, ар дайым жашоого болгон кызыкчылык керек, ар бир күнүң үчүн сүйүнүп, ыраазы болуп жашоо керек.

Ким ден соолугу чың болуп, бактылуу жашагысы келсе, жакпаган мүнөзүңдү оңдоп өзүңөрдү “кайрадан тарбиялоого” өтсөңөр болот. Ад деген нерсе өзүңдү капа кылган нерселерден арылуу дегендик.

Адам көнүмүш адаттан кутулуу үчүн, өзүн өзү кайра тарбиялоого бир канча убакыт талап кылынат. Бирок – бул иш ошол нерсеге татырлык иш. Себеби, жаның кыйноодон улам арылып отуруп, ден соолугуңду кабыл алып, өүңдүн бактыңды өзүң кабыл аласың. Бактылуу жашоого ар бириң татыктуусуң! Акың бар.

Мен өзүмө өзүм эми ыраазымын! Башталышында мага да аябай кыйын болуп, “ишеничим” дайыма “күмөнсүрөө” менен чектелчү. Бирок жасаган эмгек, алган билим, өзүңдү өзүң кайра тарбиялоо, “өзүң менен өзүң дайыма иштөө – бул ден соолук экендигин бара-бара түшүндүм. Ал эмгегим мен үчүн күндө күнгө берекелүү, кубанычтуу мөмөсүн берип келе жатат. Мурда өзүмө өзүм нааразы болуп жашасам, азыр ар бир жасагам ишиме ыраазы боло баштадым, себеби ыраазычылык билдирүү менен өз жашооңду калыптандырасың.

Ар бир адамда дайыма эки жол бар. Каала, “көнүмүш жашоо” менен жаша, өзүңдү өзүң кажып, сезимиңди начарлатып, нааразылык менен өмүрүңдү кыскартып тезирээк “өлүмгө” бар. “ Каала, өнүгүү-өсүү жолун тандап, жашоонун кызыктарын башыңдан өткөрүп ыраазы болуп жаша! Чечим” кабыл алуу дайыма өзүңдөн!

Аракет кылсаң , албетте ийгилик болот.“Аң сезимиңердин жогорку деңгээлде болуусун ниет кылуу” – эң туура жол деп эсептейм.

Өзүңдү өзүң колдоп, күчтөндүрүү менен кана ден соолуктугуңду өзүң менен кошо алып жүрө аласың. Ал сенин өзүңө болгон ишенимиңе жараша болот.

–

Өзүңдү өзүң арендага бер.

Өзүңдүн өзүңө кылган мамилеңди көргүң келсе, албетте өзүңдү өзүң сырттан көргөндү үйрөн же өзүңдү өзүң арендага бер.

Ал эми, эмнени жасап жатканыңды “түшүнүү” үчүн ар бир адам өзү түзгөн тагдырды өзү басып өтүп, жашоонун жеңил жана оңой, өнүгүү жолуна өтүү ар кимдин өзүнүн “чечимине” жараша болот. Ар бир адамдын айлана чөйрөсүндөгү адамдар бул – өзүң, сен түзгөн образ, ой. Ал өзүң жөнүндө кана кабар берет. Ал сенин учур чактагы акыбалың. Мен бул нерсени өз турмушумдан да, башка адамдардан да көп байкап келе жатам. Себеби, жеңил жашагысы келген адамга – башкалар жөнүндө жаман ойлоону токтотуу эң сонун табылгыс дары деп ойлойм. Жаман ойлонбосоң эле жаның тынч болот.

Адамдар жөнүндө жаман ойлоп ден соолуктан ажыроонун кажети барбы? Уулуңду же кызыңды, небереңди же чебереңди ар кандай кыжаалатчылык менен терс ойлоп, сөзүң менен алардын жолун тосуунун кереги барбы?

Натыйжада, ар бир адам өзүнө өзү душмандык кылып, өз ден соолугунан өзүн өзү ажыратууда.

Ошол нерсе кимге керек? Ойлонуп көргүлө. Албетте, өзүңө. “Бул дүйнөдө эмнени жаратып, эмнени бузсаң – баардыгы өзүңө. Өзүң үчүн кана жаратуу болот. Себеби, ал дүйнө сенин жараткан дүйнөң, тагдырың. Бул нерсени мен эле бүгүнкү күндө өзүм оюмдан ойлоп чыгарган жокмун. Мен дагы турмуштун ар кандай тоскоолдуктарынан өтүү менен ушул “түшүнүккө” келдим жана баардык нерсе өзүмдөн кана башталып, жообун өзүм кана алып келе жаткандыгым мага анык болду.

Андан сырткары албетте, дененин физикалык кыймыл аракети керек. Жегенге күнүгө витаминдүү тамак аштар керек, жашаганга үй керек, бир жакка баруу үчүн транспорт керек, дем алуу үчүн таза аба керек, кыскасы турмуштагы баардык нерсе керек.

Ооруу керекби же ден соолукбу? Бактысыздыкбы же бактылуу жашоо керекби? Тандоо өзүңдөн! Тагдырың сенин колуңда, “аң сезимиңди” көндүрүү сенин эмгегиңе жараша болот. Мүмкүнчүлүк ар түрдүү, кеп аны өз турмушуңда пайдалана билүүдө. Ал үчүн турмуштук тажрыйба керек б.а. өз колуң менен өзүң жасап көрүүң керек. Ошондо, өзүңдүн кадырыңа өзүң жетип, башка адамдардын эмгегин баалоону үйрөнөсүң.

Кээ бириңерге, “түшүнүү” үчүн, бир “секунда” убакыт керек, ал эми кээ бириңерге бир “өмүр” да аздык кылат. Ал эми өзүн кадырлаган адамдарга мындай түшүнүктөр туулгандан канында, генинде бар. Ал турмуштук тажрыйба үчүн өзүңө, ата – эне уругуңа ыраазы бол. Көңүлүң, пейилиң бекеринен ач же ток болбойт. Аны өзүңдү байкоо менен турмуштан алган тажрыйбаң менен түшүнүп, барктайсың.

Ар бир адам баласына бактылуу турмуш, ден соолукта жашоо, бай жашоо мүмкүнчүлүгү берилген. Ал мүмкүнчүлүктөн пайдалануу же пайдаланбоо ар бир адамдын колунда. Өзүңдүн бактылуу турмушуңа кирүүгө жол тоскон да, жолуңду ачкан да ар бир адам өзүңсүн.

Таза ойдун агымына, толкунуна кошулуу үчүн, таза ден соолук, дени сак “омурткалар” болуш керек. Сөөктөрүң таза, бекем болсо, ден соолугуңдун чың болгону ошол. Бекеринен алардын “тукуму ак сөөктөрдөн” деп айтылбайт. Ошон үчүн сөөгү өтө ичке аял заты жаш кезекте оор жумуш жасоодон этият болгула. Бирок ички дүйнөдө, аялдын күчү эркектин күчү менен барабар, ал үчүн аял киши өзүн физикалык денеде жаш кезинен тарбиялап баруусу керек, жана негизги күч өзүңдө экендигин акылы менен түшүнү билүүсү керек.

Аял денеси “сүйүү нурун” кабыл алып чачыратуучу. Аялда да эркектердей күч бар, бирок сен энесиң, баланы өстүрүп дүйнгө, жарыкка чыгаруучусуң. Учур чактагы милдетиң кандай? Туура түшүн, турмуш шартка жараша ыңгайлашып жаша.

Сенин милдетиң – “сүйүү нурун чачыратып, бүт дүйнөгө мээр чачуу, сүйүнүп, бар нерсеге ыраазы болуп жашоо, каалаган нерсеңди эркин жасап, жаратып жашоо”. Сүйүү менен жашаганды билип, аны балдарыңа үйрөтүү.

Өзүңдүн денеңди өзүң ук! Аң сезимиңдин түшүнүгүн жогорулат.

“ Мен өзүмдү өзүм уга билем, сезе билемин” “ Мен өзүм менен өзүм ынтымактамын”– деген ишенимди бекемдөөчү сөздөрдү пайдалансаң жардамы сөзсүз болот. Ал үчүн өзүңдүн күчүңө өзүң ишенип өзүңдүн “аң сезимиңе өзгөртүү киргизүү” керек. Кабыл алуу өзүңдүн аракетине жараша болот. Иштөө тартипти өзүң каалагандай түзүп алсаң болот.

Эркек денеси “сүйүү нурун” кабыл алып, “куч – кубатын көбөйтүүчү”. Ошондуктан, эркекке “Күч” берилген. Оор нерсени эркек адам көтөрүп, бир ордунан экинчи орунга жылдырууга толук күчү жетет, эгерде өзүнүн күчүнө өзү ишенсе. Албетте, эркек адам дагы өзүнүн омурткасынын ден солуукта болуусун өзү кана сактоосу сөзсүз түрдө зарыл. Ошон үчүн өтө оор нерсени шок көтөрбөй, биринчи өзүңдү өзүң камдашың керек. Ар кандай оор нерсени көтөрүүрдөн мурун терең дем алып, денени ырастап, андан кийин көтөрсө дененин булчундары болжогон нерсени көтөрүүгө алдын ала даярданат. Ар кандай буюмду шок көтөрүү дененин жабыркоосуна, омуртканын кокустоосуна алып келет. Омуртка аркылуу денеге, жашоого болгон нурлар тынымсыз өтүп, туш тарапка чачырап турат. Омуртканы кокустатуунун натыйжасы ар кандай турмуштук проблемаларга, бир эле ден соолук эмес, үй бүлөлүк, финансылык, мамлекеттик проблемалардын келип чыгышына алып келиши күтүлөт.

Кээ бир убакта ойлонбой туруп, шашкан учурда, жаныңда турган кол арабаны да көрбөй калган күндөр болот. Ошон үчүн ар кандай нерсени жасаардан мурун “байкоо жүргүзүү” ден соолукка өтө пайда жана ой жүгүртүп, байкоо жүргүзүү сен үчүн -эң сонун жардамчы!

Ар бир адам эртең менен өзүңдү өзүң “арендага” берип, бир күндүк жашооңду байкап көрсөң.

Арендага берүү деген – бул өзүңдүн жасаган жумушуңа, сүйлөгөн сөзүңө, ойлогон оюңа өзүңдү өзүң сырттан карап байкоо жүргүзүү. Бул өтө кызык. Өзүңө өзүң таң калган күндөр көп эле болот. Эң негизгиси өз кемчилигиңди өзүң көрө баштайсың. Кээде күлөсүң. Эмнеге мурда ушуну ойлободум экен деп, өзүңө өзүң таң калган күндөрүң дагы болот.

Сөздөрдүн арасынан бир эле сөздүн ордун алмаштырып айтуу айлана чөйрөгө жана өзүңө кандай таасир этээри ачык көрүнө баштайт.

“Аң сезим менен түшүнүүнү билбеген адамдар ал сөздү кантип өз чыгармачылыгы менен көркөмдөп кайра өзүңө жеткирээрин көргөндө, чыныгы өзүңдөн “учур чакта” кандай адам же кандай ролду аткарып жаткандыгыңды көрө аласың.

Бул бир чети эмгекти талап кылса, бир чети өзүңдүн турмушуңду өзүң кандайча татаалдаштырып алганыңды түшүнөсүң, кээде өзүңдүн кылган нерсеңди “түшүнгөндн кийин” күлкүлүү сезилет. Ошентип , бара – бара бирөөнү “сөз кылуудан” кутуласың, ордуна “ар бир адамды учур чакта кандай болсо ошондой кабыл алууну үйрөнөсүң”.

Муну мен өз турмушумдан күнүгө кездештирип келем. Кыжырдануң, жин келүүң өз нугуна келе баштайт. Албетте, кан басым өз калыбына келет. Ал ден соолуктун нормага келиши. Ал эми айлана тегеректеги адамдар сөзсүз сага өздөрүнүн мамилеси менен “Сени – өзүңдү” чагылдырып көрсөтөт.

“Түшүнүү” – сенин аң сезимиңдин канчалык деңгээлде өскөнүнө, ар кандай нерсени алдын ала көрө билгендигине жараша болот. Билип, көрүп, туруп кетирген кемчиликтер баарыбызда көп кездешет. Ар бир нерсени “бекемдөө” үчүн турмуштук тажрыйба керек.

Кемчиликтен эч ким камсыздандырылбаган. Ар бир адам кемчилик кетирүүгү акылуу. Ансыз турмуштан тажрыйба алууга мүмкүн эмес.

Кемчилигиңди өзүң көрүп, өз убагында токтотуу – бул “чеберчилик”.Жашаганды билүү! Эмне үчүн жашап жатканыңдын маңызын түшүнүү!

Кетирген кемчилигиң үчүн өзүңө өзүң ыраазы болуп, өзүңдү өзүң кечире бил. Өзүн өзү кечире албаган, өзүн өзү зордуктап “өлтүрүү” менен барабар.

Күнөөлүү сезим, таарынуу, эмне кылаарын билбей, жол таппай калуудан жогор жактан энергиянын агымы начарлап жерге тартыуу күчөйт. Ошентип, көзүн жуумп, жер караган адамдар пайда болот. Же “селсаяк”, “асынып өлүү”, “аракечтик”, “наркомандык”, ар кандай айыккыз жугуштуу оорууларга ж.б.у.с. кырсыктарга алып келиши мүмкүн.

Өзүн аредага бере албаган адам алдын ала эмне болоорун көрө албай кыйналат. Ошентип, ар бир нерсени көрүп туруп, жасап алып,тумшугуң менен сүзүп кирип барып, өз башыңдан өткөргөндөн кийин анан “түшүнө баштайсың”.

Жашоодо өзгөрүү качан болот? Адам качан “аң сезим” менен түшүнгөндө кана.

Эгер алдын ала окуянын, кырдаалдын жыйынтыгы эмнеге алып келээрин көрө билсең, жашооң кыйындабай оңой, сен каалагандай болушу мүмкүн. Ар кандай жолдор, варианттар көп. Ал сенин “ан сезимиңдин” жетишкендигине, кыраакылыгына, өнүгүшүнө, чеберчилигине жашоодон алган тажрыйбаңа жараша болот.

Мына өзүңөр окугандай, уккандай, бир кичинекей нерсеге көңүл бурбаган “ой”, маани берилбеген “сөз” адамдын тагдырын кандайча бузуп, ден соолугуна кандайча таасир этип жатканын түшүнсөңөр болот.

Ички жана сырткы дүйнөнүн бирге иштеши– аң сезимдин жогорку кубаттуулгун түзөт. Канчалык аң сезимдин кубаттулугу жогорулаган сайын, ойдун тазалыгы, маалыматтардын сапаты өзгөрөт. Ал ден соолукту чыңдап, оруунун деңгээлин азайтат. Биз аны “разум” же космостук аң сезим деп түшүнөбүз. Космостук “аң сезим” – денедеги ар кандай оорууларды айыктыруучу чоң күч, энергиянын кубаттуулугу. Айланып келип эле, анын башатын түзгөн ар бир адам өзү, ошондуктан ал ооруудан айыктыруучу чоң– күч дагы ар бир адамдын өзүндө, өзүнүн ички дүйнөсүндө… Аны табуу үчүн өзүң менен өзүң иште! Акылың менен коркутуп, өстүрбөй кармап турган чектелүүлөрдөн жогору чык.

Эми, ар кандай нерсеге “ЫРААЗЫЛЫК”, “МАКТОО”, “АЛКОО” сөздөр кандайча таасир этээрин өз турмушуңарда өзүңөр байкап көрсөңөр болот.

Таасири өтө күчтүү. Сөзгө, ойго өтө кылдаттык мамиле керек!

Дагы бир жашоодо кеңири болгон көрүнүштөн мисал келтирейин:

“Ата үйүндө олтуруп, балам Россияда эле, ооруп калбады бекен, акча салбаса деле мейли тынч болсо эле болду же иши жүрүшпөй жатабы?” – деп күмөнсүрөө менен ар кандай терс ойлорду ойлойт.

Эми, баланын тагдырын анализдеп көрөлү:

БАЛА: Заматта ата менен баланын ортосунда “энергетикалык нур” көпүрө пайда болду. Баланын иш жолу тосулат, акчанын энергиясы начарлайт же үзлөт, иши жүрүшпөй кыйнала баштайт. Ал баланын акыбалына жараша, эркинин күчтүү же күчсүздүгүнө жараша болот. Коркунучу күчтүү бала албетте, өзүнүн жолун өзү жабат. А, биз болсо эрки начар, өзүнө өзү ишенбеген бала жөнүндө сөз козгойлу. Ал нерсе ошол мезгилдеги адамдын акыбалына жараша болот. Эгерде жигит өзүн алсыз сезип, кубатынан кетип турган болсо, атасы же тууган уругу өздөрүнүн терс ойлору менен баланы турмуштун терс нугуна ары түртүп коюга чоң салым кошуп коюсу күтүлөт.

«Акча салбаса деле мейли» аман болсун дегени, баланын акча менен болгон энергетикалык байланышын начарлатты. Жыйынтыгы балага акчанын келүүсүнө тоскоолдук пайда болду.

“Баламдын акчасы жок” деген “образ, сөлөкөт” мейкиндикте пайда болду. Ал эми, бир үй бүлөдө атадан башкалары да бар, аны баарыбыз билебиз. Бир туугандарың жок болсо, кошуналарың, тааныштарың албетте , бул образдын ишке ашышына көпчүлүк жардам берет, өздүрүнүн терс ойлору менен. Эгерде ал “ эрки күчтүү адам” болгондо , алардын сөздөрү, ойлору эч кандай таасир бере алмак эмес.

(Ар бир адам ою өзүнчө ушундай тоскоолдукту түзөт, ар бири ошол ойго ортоктош болуп, күнүгө сөз кылып, ойлой берсе, энергетикалык образ, нур күчкө кирип баланын денесине кирет да , турмушта чын эле бала кембагал, акчасы жок,карызга баткан, ооруу, байкуш же ичкич, же ар кандай терс акыбалга келиши күтүлөт).

Баланын жүрөгү сыгылат. Каны коюланат. Ой жүгүртүүсү начарлайт. Оюна жаман ойлор келе баштайт. Сөз көтөрүмү төмөндөп, жаңжалкеч боло баштайт. Эрки күчтүүрөгү ар кандай жолду издейт, иши жүрүшпөгөндөн кийин ичкиликке же ар кандай терс көрүнүштөргө моюн берүүгө чейин барышы мүмкүн.

Себеби, ал бала “учур чактагы сезими” менен ошол энергияны өз денеси менен сиңирип, чачыратты. Ал эми тууган уругу ошол терс энергиянын кубаттуулугун күчөтүп, баланы дагы алсыратты.

Ошондуктан, өзүнүн ички сезими кандай болсо, “тартылуу күчүнүн” жардамы менен дал ошондой чөйрөдөгүлөр менен дос болуп, ошондой окуялардын күбөсү болот б.а. “учур чакта” өзүн кандай сезсе, достору, айлана чөйрөсү ошого жараша болот. Калганы түшүнүктүү да. Ал эми мүнөзү боштору өзүн көр жемеге салып, кейикчел болуп, ачык сүйлөбөй, кыжаалатчылыгын ичинде сактап “боор оорууга” чалдыгат, ишке жарамсыз болуп ичеги карын ооруулары күчөй баштайт.

Албетте омурткада проблема көбөйөт. Көкүрөк, бел омурткалары энергияны өткөрүүнүн кубаттуулугун начарлатат, канды коюулантат. Кан коюлганда адам аны суюлтуу үчүн ачуу нерсе ичкиси же жегиси келет. Денеси шалдырап оор жумушка жарамсыз боло баштайт. Алсыз, эрки бош адам, ал боштукту тамеки же алкоголдук ичимдик менен толтурат.

Акчанын энергиясы бул – ден соолуктун энергиясы, бул жашоонун энергиясы, сексуалдык энергия. Айрыкча дененин киндиктен ылдыйкы бүт органдарына, буттардын активдүү иштеөөсүнө чоң таасир берүүчү энергия. Демек, бел курчоодон төмөнкү органдардын иштөөсүнө чоң таасир берүүчү чоң күч.

Бул деген учур чактагы финансылык, материалдык акыбал, бүгүнкү күндөгү жашоо. Адамдар менен Аалам менен болгон мамиле, байланыш. Демек ден соолуктун начарлашына алып келет. Ошон үчүн эч качан өзүңдү өзүң өлтүрүүгө же башкалардын ой пикрине көз каранды болбогонго аракет кыл. Күч өзүңдө.

Эми суроо: “Эмне үчүн жашап жаткандыгыңды билесиңби?

–

Жашоонун маңызы эмнеде?

Жашоонун маңызын кээ бир адам төрөлүп, тили чыгып сүйлөй баштагандан баштап эле жашоо керектигин түшүнүп өзүнүкүн туура деп өзү каалагандай жашагысы келет. Андай балдарды жакындары– бул “кежир, кыйык, айтканынан кайтпайт”– деп түшүнөт. Андай жаш өспүрүмдөрдүн ал аракетин түшүнүп, көмөк көрсөтүүнүн ордуна ата-энеси, өздрүнө ыңгайлаштырып алышат. Бара бара балада нааразылык көбөйөт. Себеби, анын айтканындай жашоосу болбой жатат. Көпчүлүк ата-эне баладан “эмне каалайсың?” – деп сурабайт. Ошентип ич ара келишпестиктер көбөйөт. Ал эми кээ бир тил алчаак, ар кандай нерсеге макул болуп, өзүнөн башканыкын туура деп жашаган адам 70-80 ге чыкса дагы үмүт менен качан жакшы жашоо болоор экен деп күтүп жашайт. Жашоо мына ошонусу менен сырдуу. Ал ар кимдин ачылбаган сыры. Ар кимде ар кандай жашоо шарт, турмушка карата өзүнүн ою, жашаган тажрыйбасы бар. Эгерде ушул кезге чейин жашоонун маңызы эмне экенин түшүнө албай жүргөн болсоң өзүңө өзүң суроо бер.

Жашоонун маңызы эмнеде? – бул суроону кайра– кайра өзүңдү канаатандыраарлык жоп алганча сура. Жашооңдун маңызын түшүнүү өзүңдүн аң сезимиңдин деңгээлине жараша болот. Жашоого кандай көз караштасың ошого жараша өзгөрөт. Эгерде аны туура түшүнсөң, ар кандай кыйынчылыктан тез чыгарат. Мындан ары китептин маңызын туура түшүнүүгө жол ачат. Ар бир окурман ар кандай кырдаалда “айлана чөйрөдөгү адамдар аркылуу өзүн, өзүнүн кандай дүйнөдө жашап жаткандыгын көрө баштайт”.

– Учур чак менен жашоону билеминби?

– Бул жашоого эмне үчүн келдим?

– Мен киммин? – деген суроолор пайда болсо, анда аны түшүнүүнү үйрөнүү зарыл. Физикалык денедеги “алсыздык” эркектерди бөйрөк оорууларына чалдыктырып, жыныстык оорууларга шарт түзүп, акыры импотенцияга алып келиши мүмкүн..

Өзүн өзү камсыз кыла албаган, кичинекейинде мээрге, сүйүүгө тойбогон эркектер, өзүн өзү жемелөө менен келечек урпактарынын тагдырына сапатсыз тукум улайт. Андан төрөлгөн балдар “жүрөктөгү тешиктин пайда болушуна”, “аз кандуулукка”, “ итий”, “кем акыл же кызтеке” болушу күтүлөт. Албетте, баланын ден соолугуна эненин акыбалы чоң роль ойноөт.

Эмне үчүн азыркы балдар психикалык жактан туруктуу эмес, алсыз, күчү жок? Себеби, ген аркылуу ага өз учурунда ата-энесинин, чоң ата– чоң энелеринин акыбалы дагы салым кошкон. Убагында алардын кандай жашоодо жашаганы унутулуп эле, энени же баланы күнөөлөп, оңой жолду издешет. Баланын жаралуу процессине баардыгынын салымы кошулганын туура түшүнүп, аны эске алган адамдар өтө аз.

Эми, жогору жактагы мисалда келтирген жигиттин тагдырына эмнелер таасир этип жаткандыгына дагы бир кайрылып көрөлү.

Көзгө көрүнбөгөн нур жипчелер аркылуу ал, өткөн жашоодогу сезимдер же азыркы учур чактагы үй бүлөлүк, тууган– урук арасындагы байланыш нурлары баланын тагдырына кандай терс таасирин тийгизип жаткандыгын түшүнүүгө бир аз да болсо маалымат алдыңар.

Натыйжада аял-эркек мамилесинин бузулушунан жыныстык органдары жабыр тартат. Аял затынын – өзү төрөө жөндөмүнөн ажыратып, “кесерово” же “курсагын кесип төрөшүнө шарт түзөт, б.а. аялынын же кызынын ден соолуктан жабыркашына алып келет. Андай нерсени “жолдошу катуу экен, мүнөзү жаман окшойт” деген шылтоону айтып, күнөөнү бир адамга коюп, тим болушат.

Эркек адамдын өзүн өзү басынтуусу дененин оң тарабынын жабыркашына алып келип , карыганда оң тараптан көпчүлүгү паралич болуусуна шарт түзүлөт. Бир адамдын жабыркоосу – бул бир үй бүлөнүн , бир уруктун, айылдын, шаардын, мамлекеттин жабыркоосуна алып келет. Натыйжада бүт Аалам жабыркайт.