Хаһан да хойут буолбатах

Михаил Егорович Иванов

Хаһан да хойут буолбатах… : хоһооннор

Хаһан да хойут буолбатах

Сураһаллар соһуйбуттуубилэр дьонум миигиттэн:«Тоҕо бу сааһыран бараҥҥынхоһоон суруйар буоллуҥ эн?»Бэйэм да билбэппин —төһө тыыппалааххоһоонньуппун…Арай биири мин билэбин —Хаһан да хойут буолбатах!Мин хоһоон суруйабын —Таптал кэрэтинхоһуйуохпун баҕараммын,Төрүт дойдум туһунанкиэн тутта кэпсээри,Сахалыы уран тылоһуорунанАйгыр-силик айылҕаэриэккэһин ойуулаары.Мин хоһоон суруйабын —Күн күбэй ийэбэр анааммын,Кини үлэниөрө туппут олоҕун,Сырдыгынан сыдьаайармааны майгытын,Үтүөнү эрэ түстүүрсырдык санаатын.Истиҥ, иһирэх тылынанБаараҕаймахталбынэтээри.Мин хоһоон суруйабын —Хаһан да ылламматах ырыаКуйааргалыҥкыныыкыырайарКөмүс тылларын булаары,Сүрэҕим кутаата,уйулҕам иэйиитэДоллоһута ыллаатыннар диэн…Мин хоһоон суруйабын —Суруйабын кырдьыгынан,Туоххаһыйар толкуйдарбын,ситиспэтэх ыраларбын,Көннөрүөхтээх алҕастарбын,төннөрүөхтээх иэстэрбин,Туохтан мин хомойорбун,ытыырбын, үөрэрбин…Мин хоһоон суруйабын —Таптыырга,айарга,ыллыыргаХаһан да хойут буолбатах!Мин хоһоон суруйабын —Олоҕу уруйдуур-айхаллыырХаһан да хойут буолбатах!Мин хоһоон суруйабын…2019 с. бэс ыйаДьокуускай

1 түһүмэх.

Олоруохха, айыахха, ыллыахха…

Хотугу сулуһум

Ханна да сылдьаммын,Ханнык да халлаантанСуохтааммын көрдүүбүнХотугу сулуспун.Хотугу сулуһумҮөһэттэн мичээрдиир,Тапталлаах мин дойдумСыдьаайын бэлэхтиир.Хотугу сулуһум,Эйигин көрөммүнТус хоту кыраайымИлдьитин тутабын.Үөрүүбүн үллэстэнЧаҕылла сырдыыгын,Мунаарар кэмнэрбэрЭн суолдьут буолаҕын.Хотугу сулуһум,Эйигин көрдөрбүн,Ыраах да сылдьаммынДойдубар чугаспын.

Бэҕэһээҥҥи мууһунан

Бэҕэһээҥҥи мууһунанКиһи туоруур өрүһү,Куттанарын да умнанСарсыҥҥыны көрсөөрү…Олох, өлүү быыһынанБарар кини сэрэнэ,Сытыы быһах биитинэнХааман иһэр кэриэтэ.Киһи көҥүл майгытаХааччахтартан иҥнибэт,Хаҥыл, хорсун санаатаКүөмчүлүүрү билиммэт.Уҥуор көстөр кытылгаТиийэр баҕа кэнэйдиир,Хотолдьуйар чэҥ муускаАтах суола кэккэлиир.Бэҕэһээҥҥи мууһунанКиһи туоруур өрүһү,Сэрэх, бигиир хардыынан,Саҥа хаамар оҕолуу…2019 с. сэтинньиДьокуускай

Хаартыска альбома

Саһарбыт хаартыска альбомунИлиибэр тутаммын турабын —Ким эрэ олорбут олоҕунКэлэр кэм дьүүлүгэр хаалларбыт.Кырачаан сып-сырдык мичээрэ,Оскуола оҕотун үөрүүтэ,Дьолунан угуттуур сыбаайба,Кырдьаҕас сылайбыт мөссүөнэ…Бу курдук, лиистэн лиис арылланКөрбөтөх дьоммунуун билсистим,Олох диэн охсуулаах суолунанАарыктаах айаҥҥа сылдьыстым.Хаартыска угуллар альбомаАлбыны билиммэт кэрэһит,Кэпсиэҕэ кэнэҕэс, саараама,Сүүс да сыл ааспытын билиммэт.Тоҕотун билбэппин, санаабар,Хаартыска толору альбомунКүөҕүнэн чэлгийэ долгуйарСуугунас чараҥҥа холуубун.Кураанах лиистэрдээх альбомуКуйаастан, өксүөнтэн суйдаммытДьулаакыр лабаалаах хаппыт масКэриэтэ ардыгар көрөбүн.Саһарбыт сэбирдэх көҕөрөнХатыҥы иккиһин чэлгиппэт,Дьэрэкээн хаартыска угаҥҥынОлоххун иккиһин таҥмаккын.2018 с. муус устаДьокуускай

Айанньыт кубалар

Саас ахсын эргиллэн кэлэллэрКубалар кый ыраах кыраайтан,Элиэтии дайаллар кинилэрЭҥсиллэр уу кырсын кырыйа.Көрдүүллэр маанылаах көтөрдөрКөҥүл да толуйбат сүтүгүн,Уу дириҥ түгэҕэр көрөллөрКэрэ кэм кэхтибит күлүгүн.Көстөллөр суорума суолламмытТөрөөбүт-үөскээбит сирдэрэ,Ахтылҕан санааҕа сууламмытУмсаахтыы оонньообут күөллэрэ.Ол онтон, хатаннык кыланаат,Халлааҥҥа күөрэйэн тахсаллар,Көй салгын күөнүгэр кылбаҥнаанХайаны эргийэ көтөллөр.Кырдьаҕас Туой Хайа хараастанАастыйбыт төбөтүн хоҥкутар,Аар хатыҥ суугунас лабаатынАтааран алгыырдыы далбаатыыр.Киэһээҥҥи саһарҕа кутулланУу ньуура кытара дьиримниир,Кыыс Чуона далайтан дагдайанСайыһан одуулуу хаалаахтыыр.Кубалар курустук сапсынанКиэҥ далай үрдүнэн көттүлэр,Санньыйбыт сарыалга куустаранСаҕахха киирэннэр сүттүлэр…2018 с. муус устарДьокуускай

Мин айыллыбыт эбиппин…

Мин айыллыбыт эбиппинБу сиргэ хоһоон айаары,Сытыы чаҕаан тылларынанКырдьыгы эрэ туойаары.Мин айыллыбыт эбиппинҮтүө дойдум сырдык аатынҮрдүктүк өрө тутаммынДорҕоонноохтук ааттатаары.Мин айыллыбыт эбиппинБүгүрү үлэһит төрүтүмУдьуор утумун салҕааммынҮйэлэри нөҥүөлээри.Бу сиргэ кэлбит аналбын,Ытык иэспин умнубаппын,Олоххо улуу тапталбын,Дьолбун дьоннуун үллэстэбин.Баламаттык сананна диэнСиилии-сэмэлии санаамаҥ,Баҕа санаам дэлэгэйин,Эһиги өйдөөҥ, баалаамаҥ.Барбытым кэннэ оҕолорумБарытын ситэриэхтэрэ,Ол ону салҕаан, сиэннэрим,Кэнэҕэс, чиҥэтиэхтэрэ…2018 с. ыам ыйаДьокуускай

Курус аргыһым

Устан ааһар олоҕумСанньыар-курус аргыһа:Эргиллибэт дойдубарАаһан биэрбэт ахтылҕан.Тоҕо миигин ыыппаккын,Арахсаҥҥын барбаккын,Туман буолан сууралланСимэлийэ сүппэккин?Көтөр-сүүрэр уйалаах,Таптыыр-ахтар ыырдардаах,Быстан-ойдон сылдьыбат,Төннөн кэлэр түөлбэлээх.Арай миэхэ сулуһумБарар суолбун муннарда,Ыйан биэрбэт дойдубунХантан хайдах буларбын.

1967 сыллаахха, 50 сыл анараа өттүгэр, үтүө-мааны дойдум, Чуона нэһилиэгин сирэ-уота, Бүлүү быһыта тутуллан, ууга тимирдиллибитэ. Биир дойдулаахтарым күүс өттүнэн дойдуларыттан көһөрүллүбүттэрэ, дьиэтэ-уота, төрөөбүт дойдута суох сир-халлаан икки ардыгар хаалбыттара. Бу хоһооммун биир дойдулаахтарбар аныыбын.

2017 с. бэс ыйаСүлдьүкээр

Ол кытылга…

Өрүллэр сүүрүккэ уйдаранАартыктаах айаммар барбытым,Будулҕан тумаҥҥа куустаранСайыһа хаалбыта кытылым.Ол сүүрүк дьылҕа диэн ааттанар,Олоҕум өрүһүн таҥнарар —Күн сирин мин көрбүт күммүттэнАйаным биэтэгэр диэритин.Хаалларбыт кытылым ыҥырарХанна да түгэнэн тиийдэрбин,Түһээммин көрөбүн, бэл түүлбэрСулустаах халлааҥҥа көрдүүбүн.Ол сырдык кытылга хаалбытаТалаҕы ат гынан оонньообут,Сайылык түптэтэ амтаннаахСэрбэйбит оҕочоон саастарым.Ол сылаас кытылга баар этэКүлүм күн сыдьаайар сырама,Туохха да тэҥнэспэт кэрэтэ,Ийэкэм иһирэх таптала.Ол үрдүк кытылга билбитимҮтүө дьон амарах сыһыанын,Сэнэбил тыллартан ардыгарМин санаам күүһүрэн кэлэрин.Ол күндү кытылга барытаАан бастаан олохпор буолбута:Бастакы уураһыы иэйиитэ,Бастакы Байанай бэлэҕэ.Ол ыраах кытылга тыллараКэрэчээн ньургуһун саас аайы,Хас сайын дьиэрэҥкэй тэбэрэСардаана сибэкки кырдалга.Ол төрүт кытылбар биир күһүнТиийиэҕим айантан сылайан,Аал уоппун оттуоҕум алҕааммынАҕалбыт сүүрүкпэр махтанан.2018 с. алтынньыДьокуускай

Кэлбит күнү уруйдааҥ!

Күммүт бүгүн эрдэлээнКүлүмүрдүү күөрэйдэ,Көрсө түһээт, эҕэрдэлээнКүлэн-үөрэн мичийдэ.Түннүктэри арыйанСырдыгынан сыдьаайда,Сардаҥата таарыйанСыллаталаан ымайда.Бары туруҥ уһуктан,Кэлбит күнү уруйдааҥ!Үтүө күнү Дьылҕа ХаанБэлэхтээтэ биһиэхэ!Бэҕэһээ уонна бүгүнХатыламмат кэрэлэр.Сарсын өссө ордук күнЭрэнэбит кэлиэҕэр…2017 с. бэс ыйаМииринэй

Сахам тылын таптыыбын

Сахам тылын таптыыбын:Сэттэ өҥнөөх кустугаКүндүл халлаан күөнүгэрКүлүмүрдүү оонньуурун.Сахам тылын таптыыбын:Хоһуун булчут өбүгэмСыыспат бэргэн ытыытынСанатарын сэргиибин.Сахам тылын таптыыбын:Хоту дойдум кэриэтэХостоотоххо хороммотБарҕа баайын сөҕөбүн.Сахам тылын таптыыбын:Сындалыйбыт сүрэхпинСаамал кымыс утахтыыСөрүүкэтэн киирэрин…2017 с. от ыйаДьокуускай

Хотой курдук көтүттэрбиэн…

Түөрт эркиҥҥэ хаайтараммынКутум-сүрүн туоххаһыйда,Күлүм күҥҥэ тардыһаммынКөҥүл киэбим курастыйда.Ооҕуй оҕус илимигэрСанааларым иилистэллэр,Түүннээх күнүс киирсиитигэрСирдээх халлаан силбэһэллэр.Чөҥөрө чүөмпэ түгэҕинБүччүм толкуй уйа гынар,Халлаан халыҥ хаттыктарынХалҕаннара хатаналлар.Төлө көтөн тахсаарыӨйүм-санаам быыппастар…Хоһуйар хоһуун санааларбынХотой курдук көтүттэрбиэн!2018 с. бэс ыйаДьокуускай

Тулаайах сэбирдэх

Тулаайах, туллубут сэбирдэхТүннүгүм анныгар кыстаабыт,Тоҥ сиргэ, тоҥуу хаар үллүктээх,Тымныыны тулуйан туораабыт.Чысхааннаах түүннэргэ түүлүгэрСиккиэртэн чэлгийэ тэлимниир,Сылаас тыал илгийэр тыыныгар,Сарыалга сууланан дьиримниир.Сандал саас кэлэрин кэтэһэнДьылҕатын ыйааҕын умнубут,Иккиһин тыллыаҕар эрэнэнТугу да атыны билиммэт.Күүтүүлээх күндүл саас дьэ кэлэр,Күн уота сыдьаайа сылытар,Сүүрээннэр чырылыы сүүрэллэр,Эниэни таҥнары сырсаллар.Сүүрүктүүн дагдаҥныы устуһанСэбирдэх ырааттар ыраатар,Туманнаах сарсыарда сууралланХаарыаннаах эрэлэ умуллар.Хараара кырдьыбыт сэбирдэхХатыҥы курустук одуулуур,Кинилиин үүт-үкчү көрүҥнээхКүөх нуолур сэбирдэх суугунуур…2018 с. бэс ыйаДьокуускай

Хоноһобун эрэ дуо?

Халлаан бэлиэр киэһэрэнХараҥалыын куустуспут,Күммүт улам кээрэнэнКыыһар саҕах боруорбут.Өйдөөбөккө хаалбыппынКэмим хайдах ааспытын…Бүппэт курдук санааммынСиппэтэҕим баһаамын!Чүмэчибин уматтым —Симик уота кыламныыр,Көмүс күндү күннэримТаммах буолан тохтоллор.Айыы сирин үрдүгэрБүппэт суоҕун билэбит,Арай ону мэлдьэһэрСүрэх отой ылыммат.Ама, маннык түргэнникОлох эмиэ ааһыа дуо?Ама, маннык кэрэҕэХоноһобут эрэ дуо?2017 с. балаҕан ыйаСүлдьүкээр

Кэлиҥ, миэхэ ыалдьыттааҥ

Кэлиҥ, миэхэ ыалдьыттааҥ,Нуурал киэһэ, соһуччу.«Соргу дугуй!» – үөрбүччэ,Уруйдуоҕум доргуччу.Кэлиҥ, миэхэ ыалдьыттааҥ,Сырдык мичээр сэтиилээх,Кэрэ кэпсээн кэһиилээх,Сылаас сыһыан аргыстаах.Кэлиҥ, миэхэ ыалдьыттааҥ,Остуол тардан көрсүөҕүм,Чороон иһит туруоруом,Кымыс кутан күндүлүөм.Оччоҕуна дьолунанАал уотум сыдьаайыа,Үтүө дьоннуун алтыһанСанаам күннүү сандаарыа.2018 с. бэс ыйаДьокуускай

Көрбүт курдукпун…

Баҕар хаҥыл санаабар,Биитэр чуумпу түүллэрбэрДьолуо халлаан оройунЫттан көрбүт курдукпун.Онтон булан ылбыппынОҕо сааһым ыратын,Остуоруйа дойдутунОргуһуохтаах кыысчаанын.Куйаар уота умайар,Олох күөстүү оргуйар,Көмүс сиэллээх былыттарИҥэрсийэ усталлар.Сулус буолбут дьылҕаларКүлүмүрдүү тыгаллар,Сууллан түспүт сулустарСимэлийэ сүтэллэр.Сирдээх халлаан силбэһэрДьикти-дьиибэ кэмигэрДьолуо халлаан оройунЫттан көрбүт эбиппин.2018 с. бэс ыйаДьокуускай

Дамокл батаһа

Дамокл батаһаКылынан баайылланӨһүөҕэ ыйаммыт,Түһүөхчэ түспэккэ,Кылаана кылбаҥнаанБиэтэҥниир үрдүккэ.Биир күлүм түгэҥҥэБыа быһа барыаҕа,Кыраҕы харабылБатары түһээриХаанымсах көтөрдүүАллараа сурулуо.Хас биирдии бэйэбитКүннэри-түүннэри,Олохпут устатаКыл быаҕа ыйаммытДамокл батаһынАнныгар сылдьабыт.Билигин санныбарСэбирдэх таммалыыр,Күөх халлаан суһумунКөрөммүн дьоллоохпун,Дамокл батаһынТаһыччы умнабын…2018 с. ыам ыйаДьокуускай

Өлүүнү кыайбыттар

Бүгүн, Улуу Кыайыы күнүгэрӨрөгөй ырыата эҥсиллэр.Өлбүттэр, тыыннаахтар тахсаллар,Кырыыстаах сэриини санатар,Кырдьыгы бар дьоҥҥо тириэрдэр«Өлүүнү кыайбыт полк» айанныыр.Иһэллэр, сыллары нөҥүөлээн,Адьырҕа сиэмэҕин сиҥнэрбит,Аан дойду көҥүлүн быыһаабытБуойуннар чиҥ-чиҥник үктээннэр.Албан аат кустугар сууламмытӨлүүнү билиммэт буойуннар.Хаамаллар, илииттэн сиэттиһэнАарыма кырдьаҕас эдэрдиин,Кырачаан кэнчээри сиэннэрдиин.Сир түөһэ өрүтэ түллэҥниир,Сүрэхтэр биир тэҥник тэбэллэр,Хаартыска былаахтыы күөрэҥниир.Хаартыска ахсыттан көрөллөр,Кэм-кэрдии хаттыгын курдаттаан,Харахтар, мөлүйүөн харахтар.Аан дойду дьалхааннаах туонатын —Куоһаныы, дьиксинии, сэрэнииКыымнара саҕыллар курдуктар…Кэлэр күн кэскилин айабыт,Эйэлээх олоҕу тутабыт.Өскөтүн уотунан уһуурарӨстөөхпүт күүһүнэн өттөйүө,Оччоҕо бар дьонун туһугар«Өлүүнү кыайбыт полк» турунуо…2018 с. ыам ыйаДьокуускай

Кэлиэҕиҥ эн мичээр кэһиилээх

Сайыҥҥы үүт тураан киэһэҕэКытылга дьаарбайа киириэҕим,Саймаархай уу нуурал чуумпугаСүрэҕим иэйиитин истиэҕим.Ол ааспыт сыллары санатан,Тунал ый толбоно симэхтээх,Былаатыҥ ыраахтан кылбаҥнаан,Кэлиэҕиҥ эн мичээр кэһиилээх.Оччоҕо, мин үөрбүт санаабар,Күөрэгэй ырыата чугдаарыа,Тулабар, күн буолан сырдатар,Сардаана сибэкки сандаарыа.Дьол кыыма бүччүмҥэ саҕылланКутаалыы кытыаста умайыа,Куйаартан, чыпчыҥныы чаҕыллан,Көй сулус эҕэрдэ ыытыаҕа.Бу талба нуһараҥ киэһэҕэБэлэхтиэм эйиэхэ хоһоону,Сүрэхпит биир тэҥник тэбиэҕэДьол, үөрүү тэтимэр холбоһон…2018 с. ыам ыйаДьокуускай

Халлааны туос сатыы дабайан

Кып-кыра оҕочоос кэмнэрбэрСаҕахха тиийиэхпин саныырым,Көҕөрөр сис хайа кэтэҕэрБу турар курдуга саҕаҕым.Халлааны туос сатыы дабайанКөй сулус быыһынан хаамаары,Киэҥ куйаар киэлитин кэрийэнТулаайах ый кыыһын көрсөөрү.Сир, халлаан ыпсыытын арыйанЫксыырым дьиктини билээри,Олоҥхо кэпсээбит дьиктитинОл онно дуоһуйа көрөөрү.Улаатан истэҕим аайытынСаҕаҕым ырааттар ыраатар,Алгыстаах аартыгым арылланАйаным ыырдара кэҥииллэр.Сир, халлаан силбэһэр сиксигэрБилигин да тиийэ иликпин —Ол санаам дьулуһар, талаһарОҕочоон саастарым саҕаҕар…2017 с. ахсынньыДьокуускай

Өрөгөй ырыата ылланнын

Суруйар идэлээх буоламмытИнники кэккэҕэ хаамабыт,Сыдьаайар сырдыгы ыһаммытОмукпут тапталын ылабыт.Айар кут абыгар сыстаммытАхсым ат көнтөһүн тутабыт,Уран тыл дэгэтин сырсаммытУтуйар уубутун умнабыт.Оҕолуу омуммут ааспатын,Оонньоотун сүүс араас өҥүнэн,Эдэрдии иэйиибит саспатынСааһырыы күлүгүн бүрүнэн.Өркөн өй сүрэхтиин өйдөһөнӨрөгөй ырыата ылланнын,Үйэлэр быыстарын өҥөйөнАаппытын кэлэр кэм аҕыннын.Уйаҕас чап-чараас дууһабытКэрэни, тапталы дьүһүйдүн!Сүрэхпит чэрдийбит баастараБар дьоммут туһугар нүөлүйдүн!2017 с. ахсынньыДьокуускай

Оһуордаах түннүгүм

Кырыалаах түннүктээхКырачаан саастарбын,Кыраһа үллүктээхКэмнэрбин саныыбын.Сарсыарда уһуктанТүннүкпүн көрөрүм,Өөр да өр, чугаһаан,Одуулаан турарым.Түлэй түүн киирэннэрТүннүгүм тааһыгарДьэрэкээн бэйэлээхОһуору аспыттар.Кэрэни көрөммүн,Кэрэни сөҕөммүн,Билиэхпин баҕаранЫйытар буоларым.Хантан дуу, кэлэннэр,Кимнээх дуу, киирэннэрБу маннык дьиктиниХаалларан барбыттар?Көмүлүөк оттулланХардаҕас тыһыргыыр,Балаҕан сылыйанТүннүгүм кылбайар.Ол онтон хомойонМуннукка саһарым,Оһуорбун аһыйанМин кистээн ытыырым.Билбэтим отойун:Кэрэ диэн уйанын,Кэхтэрин кыраттан,Үйэтэ кылгаһын…2017 с. сэтинньиДьокуускай

Харыйа уоттара сандаарар

Хойдубут сулустар куйаартанАлгыстаах эҕэрдэ ыыталлар,Саҥа дьыл кэлбитин уруйдаанХарыйа уоттара сандаарар.Кэм-кэрдии эргиирин ситэрэнЭргэ дьыл айанын түмүктүүр,Дьэрэкээн өҥүнэн дьиримнээнДьүкээбил үөрбүттүү үҥкүүлүүр.Туолбут ый үрдүбэр ыйананТүбүктээх сир үрдүн одуулуур,Ыйдаҥа толбоно кутулланЫй кыыһын ыаҕаһын толорор.Кырдьаҕас халлааным сарыалаСаҕахха саҥалыы саҕыллар.Тохсунньу кымаахтыыр тымныытаБэлиэтин иэдэспэр хаалларар.Хойдубут сулустар куйаартанАлгыстаах эҕэрдэ ыыталлар,Саҥа дьыл кэлбитин уруйдаанХарыйа уоттара сандаарар…2018 с. тохсунньуДьокуускай

Хаһан улаата охсон…

Кыра оҕо эрдэххэХонуктар ааһаллараНэс оҕус айаныныыБэрт бытаан буолаллара.Саас кэлэн быстыбатаҮөрэх дьыла бүтүөҕүн,Үрдүкү кылааска тахсанКыратык улаата түһүөҕү.Сайыммыт эмиэ наҕыл,Кини ыксаабат отой.Кумаар сиирэ абытай,Оҕус сиэтэр да эрэй.Көмүс күһүн дьэ кэлэнОскуолабыт аһыллар,Чиэппэр бүтэрин кэтэһэнКүнүм-ыйым баранар.Хаһан улаата охсонБэйэбин бас билэбин,Оскуолабын бүтэрэнКөччөх буолан көтөбүн.Дьэ итинник ааһалларДьоллоох оҕо саастарбыт,Биирдэ өйдөөн кэлбиппитБэлиэр улааппыт эбиппит…2018 с. тохсунньуДьокуускай

Халандаар илииһэ

Кылгаабыт күлүмнэс күннэримКурустук ыгыта кууһаллар,Уһаабыт ыас хара түүннэримУйгуурдар мөккүөрү тардаллар…Сарсыарда уһуктаат, аан бастаанХаландаар сирэйин көрөбүн,Сайыспыт санаабын санньытан,Сыл-хонук сырсыытын сөҕөбүн.Кэм-кэрдии айанын тиэтэтэнБыһабын ааспыт күн илииһин,Кэлбит күн ордугар эрэнэнКүүтэбин туох эрэ дьиктитин.Тулаайах халандаар илииһэ —Туллубут сэбирдэх ханыыта,Өксүөн тыал эрийиэ, имитиэ,Ол онтон, дьэ сиргэ тэпсиэҕэ.Сыыстардым дуу, бу мин бүгүнХаландаар илииһин быраҕан —Билбэтэх эбиппин адьаһынОлоҕум сорҕотун быһарбын.Бэйэбин халандаар кэриэтэСарсыарда тураммын сананным —Хас быспыт кырачаан илииһимОлоҕум күннэрэ эбиттэр…2018 с. тохсунньуДьокуускай

Кырдьаҕас өтөх

Кырдьаҕас өтөх, санаабар,Туох эрэ ураты тыыннаах,Төрүппүт кэс тылын тиэрдэрИлгийэ кууһар салгыннаах.Ааспыт кэм сүдү күлүгүнАрдах да суурайбат эбит,Омукпут олоҕун туһунанӨтөх кэпсиирин истэбит.Эмэх сиэн иҥнэйбит сэргэ,Сиҥнибит балаҕан онно,Холумтан буор буолбут күлэ —Кэпсииллэр элбэҕи миэхэ.Харахпар сэмээр сэгэйэрҮйэлэр халыҥ быыстара,Дьол да, сор да сэргэстэһэрСаха олоҕун былыргыта.Кырдьаҕас өтөх, санаабар,Туох эрэ ураты тыыннаах,Төрүппүт кэс тылын тиэрдэрИлгийэ кууһар салгыннаах…2018 с. тохсунньуДьокуускай

Эҥин араас санаалар

Үгүс-элбэх санааларҮүйэ-хаайа туталлар,Улук ууну уйгуурданУтуппакка муҥнууллар.Ииччэх-бааччах санааларИилистэллэр илимнии,Окко-маска иҥнэллэр,Онно-манна тиэрдэллэр.Хара бэкир санааларХалыйаннар кэлэннэрХаарыан күнү хаххалыырХалыҥ былыт эбиттэр.Ыраас ыра санааларЫллыктаахтар, холкулар,Ытык иэйии кэриэтэЫлбаҕайдар, сылаастар.Эҥин араас санааларЭлэҥнэһэн киирэллэр,Эгэлгэлээх бэйэлээхЭлбэхтэрэ сөхтөрөр.2018 с. кулун тутарДьокуускай

Үтүө санаалаах дьылҕабар

Мин үтүө санаалаах дьылҕабарМэлдьитин махтана саныыбын:Бу биирдэ бэриллэр олохпорБилбиппэр Ийэ сир сыламын.Алҕаһыыр, сыыстарар түгэммэрДьаһайа, дьарыйа тутара,Атахпар эрэллик тирэнэрКыах биэрэн илиитин уунара.Ардыгар атаахтаан ыларым —Хайҕалга-мааныга тиксэрим,Ол онтон аартыктаах айанымТэтимин уон оччо эбэрим.Будулҕан тумаҥҥа мунаммынСуолбуттан туорааммын барбатым,Аартыкпар ыраахтан тыргылларАрчылыыр сулуспар сирдэттим.Мин үтүө санаалаах дьылҕабарБаараҕай махталбын этэбин —Бу биирдэ бэриллэр олохпорКөрбүппэр күн сирин кэрэтин.2018 с. кулун тутарДьокуускай

Дьылҕа Хаан бэлэҕэ

Саас кэллэ, кэрэ кэм чэлгийдэ,

Конец ознакомительного фрагмента.

Текст предоставлен ООО «Литрес».

Прочитайте эту книгу целиком, купив полную легальную версию на Литрес.

Безопасно оплатить книгу можно банковской картой Visa, MasterCard, Maestro, со счета мобильного телефона, с платежного терминала, в салоне МТС или Связной, через PayPal, WebMoney, Яндекс.Деньги, QIWI Кошелек, бонусными картами или другим удобным Вам способом.