Акафист иконе Божией Матери «Державная»

Иеромонах Никодим (Шматько)

Акафист иконе Божией Матери «Державная»

БОЖЬЯ МАТЕРЬ СИДЯЩАЯ НА ТРОНЕ !

Державная икона Божией Матери явила себя рускому православному народу 2/15 марта 1917 года в селе Коломенском близ Москвы. В том же году сведения о ней появились в журнале «Душеполезный собеседник» за октябрь. Вот краткая ее история Явление Державной иконы Божией Матери в 1917 году не было неким обновлением, но просто обнаружением старой иконы в подвале церкви Вознесения в селе Коломенском. Отец Николай Лихачев по просьбе крестьянки Евдокии Адриановой занялся вместе с ней поисками иконы Божией Матери. Адрианова явилась из деревни Перервы Боровицкого уезда Жирошкинской волости. Ей несколько раз во сне было указано идти в село Коломенское для обретения иконы Божией Матери. Сначала Адрианова сама не посмела действовать и выжидала. Второй раз после усердной молитвы о помощи и разъяснении сна Адрианова уже видела во сне белую церковь, а внутри ее узнала Царицу Небесную в виде величественной Женщины, восседавшей там. Однако лика Богородицы она не видела, но догадалась сердцем, что это была Она. Это явление случилось 26 февраля, и Адрианова ясно поняла, что теперь задерживаться нельзя. В первом сне, 13 февраля, она хотя и ничего не видела, но ясно слышала слова: «Есть в селе Коломенском большая черная икона, ее нужно взять, сделать красной, пусть молятся» Сопоставляя первое сновидение со вторым и зная точно, куда ей нужно идти и какую белую церковь отыскать, раба Божия Евдокия говеет, приобщается Святых Тайн и пускается в путь 2 марта 1917 года Адрианова нашла белую церковь, виденную ею во сне. Настоятель храма, к которому она обратилась, не возбранил ей осмотреть все иконы в церкви, сопровождая ее, но, вероятно, вначале доверия к ее сну не имел Не найдя ничего похожего в храме, о. Николай предложил посмотреть иконы, находившиеся в подвале церкви, по разным причинам сложенные там. Среди тех икон выбрали самую большую, покрытую вековой пылью. Решили омыть эту запыленную икону, и к удивлению всех на ней ясно обрисовалось изображение Божией Матери, сидящей на троне. По мере приведения иконы в порядок обнаружилось, что Младенец-Христос, сидящий на коленях Божией Матери, простер благословляющую руку. Владычица имела в одной руке скипетр, в другой – державу, а на голове Ее была корона. Красная мантия или порфира на плечах Божией Матери была на зеленой подкладке. Зрелище казалось потрясающим, при необыкновенно суровом лике Богоматерь имела царственный вид Адрианова признала в этой иконе виденное ею во сне; она упала на колени и поклонилась Владычице. По ее просьбе священник сейчас же отслужил молебен с акафистом перед обнаруженной иконой Божией Матери, а Адрианова со слезами благодарила Владычицу, способствовавшую ей найти икону Слух о вновь найденной иконе быстро распространился не только в селе Коломенском; богомольцы стекались в церковь Вознесения из Москвы и других мест, получая от Божией Матери благодатную помощь. В «Сергиевских листках» описано прибытие Державной иконы Божией Матери в Марфо-Мариинскую обитель в Москве, где икона была встречена Великой княгиней Елизаветой Федоровной и другими сестрами с большим торжеством Икону возили в тот год на фабрики и заводы, а также и в другие церкви; только по воскресным и праздничным дням она оставалась в селе Коломенском По некоторым сведениям было установлено, что Державная икона Божией Матери до 1812 года принадлежала Вознесенскому женскому монастырю в Москве. В год нашествия Наполеона на Москву она была спрятана в селе Коломенском и, вероятно, забыта там на 105 лет, пока не явила себя в положенное Господом Богом время Нельзя не отметить еще той особенности, что икона эта обнаружилась в совсем особое время, то есть в начале руского лихолетья. День ее явления совпадал с днем отречения от престола последнего Царя, а царственный вид иконы, скипетр и держава словно подчеркивают, что Владычица приняла на Себя и опеку, и окормление верных чад Церкви Российской. Знаменательна и алая порфира Богоматери, цвет которой напоминает цвет крови.. Икона Божимей Матери «Державная» явилась 2 марта 1917 г. в с. Коломенском под Москвой. Царица неба и земли написана со знаком царской власти – в царской короне, в порфире, со скипетром и державой. Икона была явлена в день отстранения от престола Государя императора Николая II, и православные люди укрепились надеждой, что Царица небесная не оставит Россию Своей защитой в наступивших страшных бедствиях.

Пресвятая Богородице, прости и спаси нас !

АКАФИСТ ПРЕСВЯТОЙ БОГОРОДИЦЕ ПЕРЕД ИКОНОЙ ДЕРЖАВНОЙ

День памяти: 2/15 марта

Тропарь, глас 8

Ангелов лицы благоговейно Тебе служат и вся Небесныя силы немолчными гласы Тя ублажают, Богородице Дево; усердно молим Тя, Владычице, да пребудет Божественная благодать на честней иконе Твоей ‘Державней’, и светозарный луч славы чудес Твоих да нисходит от Нея на всех с верою Тебе молящихся и вопиющих Богу. Аллилуйя.

Величание

Величаем Тя, Пресвятая Дево, Богоизбранная Отроковице, и чтим Державный образ святыни Твоея, имже подаеши велию милость всем, с верою к нему притекающим.

Кондак 1

Избранней от всех родов Заступнице рода христианскаго, покровом Своея благости покрывающей страну нашу православную, благодарственная пения приносим Ти, Владычице, о явлении нам чудныя иконы Твоея «Державныя». Ты же, яко Всемилостивая Заступница всех с верою к Тебе притекающих, от всяких нас бед свободи, да зовем Ти: Радуйся, Мати Божия Державная, Заступнице усердная рода христианскаго.

Икос 1

Ангелом радость приимшая, благоволила еси, Владычице, возвестити старице благочестивей радость о явлении иконы Твоея честныя ‘Державныя’, юже и обретше по указанию Твоему, яко знамение милости Божией к нам, грешным, благодарственно вопием Ти сице:

Радуйся, воли Господней тайны нам открывающая; Радуйся, гнев Его праведный, на ны движимый, умягчающая. Радуйся, зловерия нечестивых обличение; Радуйся, гордыни их низложение. Радуйся, веры христианския утверждение; Радуйся, почитания святых икон освящение. Радуйся, тихое пристанище спасения душ наших; Радуйся, Всемилостивая Заступнице наша у престола Святыя Троицы. Радуйся, от бед и скорбей наше избавление; Радуйся, Церкве Православныя утверждение. Радуйся, звездо невечерняго света, нас озаряющая; Радуйся, Матерь Света, всех просвещающая. Радуйся, Мати Божия Державная, Заступнице усердная рода христианского.

Кондак 2

Видящи, Всенепорочная, с высоты небеснаго жилища Своего, идеже с Сыном Твоим во славе пребываеши, скорбь верных рабов Твоих, яко гневнаго ради Божия посещения вера Христова поругаема бывает нечестивым зловерием, благоволила еси явити нам икону Твою ‘Державную’, да вси христолюбивии людие усердно молятся пред нею, вопиюще Богу:

Аллилуйя. Икос 2

Разуму нашему просвещение свыше исходатайствуй, Пресвятая Богородице, да познаем, что есть воля Божия благая, угодная и совершенная, и сердце направи, еже со усердием творити ю, Тебе же, Всемилостивая Заступнице, непрестанными гласы восхваляти: Радуйся, явлением честныя иконы Твоея тьму лютых обстояний от нас отгоняющая; Радуйся, лучами чудес всех просвещающая. Радуйся, душевными и телесными очами ослепших прозрение;

Радуйся, омраченных смыслов просвещение. Радуйся, всех христиан вожделенная Помощнице; Радуйся, всех уповающих на Тя непостыдная надеждо. Радуйся, вдов и сирот надежный покрове; Радуйся, алчущих Питательнице. Радуйся, духовных сокровищ Подательнице; Радуйся, богомудрых премудрая доброто. Радуйся, пресветлая, Божественная красото; Радуйся, обоняние Христова благоухания. Радуйся, Мати Божия Державная, Заступнице усердная рода христианскаго.

Кондак 3

Силу Божественныя благодати даруй нам, Пресвятая Богородице, во еже неуклонно и непреткновенно ходити нам спасительным путем Христовых заповедей, сердцем же и устами непрестанно воспевати Всемогущему Богу: Аллилуйя.

Икос 3

Имуще Тя, Богоизбранная Заступнице рода христианскаго, яко зарю светлую, просвещающую душ наших темноту и разгоняющую мрак сердечнаго неведения нашего, припадаем к честней иконе Твоей ‘Державней’ и с умилением вопием Ти сице: Радуйся, сохраняти и спасати всех призывающих Тя обещавшая; Радуйся, прославляющих Тя прославляющая. Радуйся, к Сыну Твоему и Богу нашему молитвы верных приносящая; Радуйся, благодать Твою иконам Твоим честным даровавшая. Радуйся, всю вселенную лучами Твоея благодати озарившая; Радуйся, премудрости Божия приятелище. Радуйся, Божественныя благодати Подательнице; Радуйся, яко Тобою от вечныя смерти свобождаемся. Радуйся, яко Тобою безконечныя жизни сподобляемся; Радуйся, честнейшая Херувим и славнейшая Серафим.

Радуйся, Матерь Света и Царице Небесная; Радуйся, Владычице, Всемилостивая за нас пред Богом Заступнице. Радуйся, Мати Божия Державная, Заступнице усердная рода христианскаго.

Кондак 4

Буря житейскаго моря сокрушает духовный корабль наш волнами мирских попечений, и мир убогих душ наших мятется. И где обрящем тихое пристанище спасения? Токмо на Тя возлагаем надежду, Владычице; имущи бо державу непобедимую, от всяких бед, глада, скорбей и болезней избави нас, верно вопиющих Богу: Аллилуйя.

Икос 4

Слышавше православнии людие повеление Твое, Владычице, молитися пред образом Твоим ‘Державным’, со умилением сердечным прибегают к Твоему всесильному заступлению у престола Всемогущаго Бога и благоговейно вопиют Ти сице: Радуйся, горняго мира украшение; Радуйся, дольняго мира заступление. Радуйся, Дщи благословенная Отца Небеснаго; Радуйся, Родительнице неискусомужная Сына Предвечнаго. Радуйся, демонския полки побеждающая; Радуйся, враги спасения человеческаго посрамляющая. Радуйся, яко волею Твоею сокрушаются еретические главы; Радуйся, яко вернии Тобою сподобляются славы. Радуйся, телес наших безмездная Целительнице; Радуйся, душ наших к Царствию горнему Путеводительнице. Радуйся, яко сотвори Тебе величие Сильный; Радуйся, яко призре на смирение Твое Господь. Радуйся, Мати Божия Державная, Заступнице усердная рода христианскаго.

Кондак 5

Боготечная звезда явися нам, Владычице, честная Твоя икона ‘Державная’, страну Российскую всю обтекающая и лучами чудес Твоих осиявающая всех блуждающих по морю страстнаго жития, мрак печалей и мглу всяческих недуг и скорбей прогоняющая и наставляющая на путь спасения с верою к Тебе притекающих и вопиющих Богу: Аллилуйя.

Икос 5

В дни лютых скорбей и злых обстояний явила еси нам, Владычице, велию милость обретением честныя иконы Твоея ‘Державныя’, да вси с верою молящиися пред нею приимут здравие и душ спасение. Сего ради и мы, прославляюще Твое милосердие неизреченное, усердно вопием Ти сице: Радуйся, светило незаходимое, светом истиннаго богопознания нас просвещающее; Радуйся, Вратарнице, двери райския верным отверзающая. Радуйся, многотекущая река Божественныя благодати; Радуйся, неистощимый источниче святыни. Радуйся, ко благочестию наша Наставнице; Радуйся, душ наших освящение. Радуйся, кающихся грешников с Богом примирение; Радуйся, добрыя обеты приемлющая. Радуйся, благим намерениям способствующая; Радуйся, злыя начинания разрушающая. Радуйся, вражия козни расторгающая; Радуйся, скорая человеком Помощнице. Радуйся, Мати Божия Державная, Заступнице усердная рода христианскаго.

Кондак 6

Воспеваем Твое милосердие досточудное и многое к нам снисхождение, Пресвятая Богородице, не престаеши бо молитися о нас, грешных, Сыну Твоему и Богу нашему, еже отвратити гнев Его праведный, на ны движимый, и помиловати всех верно вопиющих Богу: Аллилуйя.

Икос 6

Возсиявает в души наша, омраченныя скорбию и унынием от множества согрешений, свет благодатнаго утешения, и сердце наше исполняется веселия и радости, егда непрестанными Твоими, Владычице, вразумлениями возбуждаеши нас вопити к щедрому Богу, да милостив будет и простит нам прегрешения наша. Не премолчи убо, Владычице, наставляющи и вразумляющи нас, зовущих Ти сице: Радуйся, в скорбех и болезнех долготерпению нас научающая; Радуйся, вся помышления наша к распятому за грехи мира Спасителю устремляющая. Радуйся, страдания Его и крестную смерть в памяти нашей обновляющая; Радуйся, правосудием Божиим к ожесточенным и нераскаянным нас устрашающая. Радуйся, ожиданием будущих небесных благ нас услаждающая; Радуйся, к наследству нетленному и вечному нас приводящая. Радуйся, наследниками Царствия Божия нас сотворяющая; Радуйся, трапезо святая, хлебом жизни нас питающая. Радуйся, маслине благоплодная, елеем милости сердца умягчающая; Радуйся, яко молитвою пред иконою Твоею приемлем духовное утешение. Радуйся, яко сердцам нашим даруеши благодатное сокрушение; Радуйся, яко благостынею Твоею угашаеши в нас огнь нечестия. Радуйся, Мати Божия Державная, Заступнице усердная рода христианского.

Кондак 7

Хотяй всем человеком спастися и в разум познания истины приити, премилосердный Господь и Создатель наш посла во дни гневнаго посещения Своего ангела пресветла в новоявленнем образе Твоем ‘Державном’, да вси с верою молящиися пред ним, приимут помощь и заступление Твое всесильное и радостно вопиют Всемогущему Богу: Аллилуйя.

Икос 7

Новую показа милость всех Творец и Владыка наш Господь, егда положи во гневе Своем наказати род человеческий огнем, мечем, гладом и болезньми, сотвори сие наказание для многих человеков ко вразумлению и исправлению во спасение душ. Сего ради и мы, Владычице, припадающе к Пречистому образу Твоему ‘Державному’, усердно молим Тя: не даждь нам погибнути до конца, но милосердия двери отверзи нам, вопиющим Ти сице: Радуйся, неприступнаго Божества селение; Радуйся, ангельское непрестающее удивление. Радуйся, рабов Божиих тайное вразумление; Радуйся, Заступнице всех сущих в скорбех и болезнех. Радуйся, благодатное безстрастие ищущим его подающая; Радуйся, всех в чистоте целомудрия живущих зело любящая. Радуйся, пристанище небурное подвижников благочестия; Радуйся, гневом Божиим вразумляющая сынов нечестия. Радуйся, безмолвствующих сладкая Собеседнице; Радуйся, отшельников Христа ради крепкое упование. Радуйся, постников Божественное радование; радуйся, пустынножителей тихое веселие. Радуйся, Мати Божия Державная, Заступнице усердная рода христианскаго.

Кондак 8

Странни и пришельцы есмы на земли сей: житие бо наше суетно и маловременно есть. Мы же смерти безвестное во ум никогдаже приемлем, ни помышляем о Страшнем судищи Христове, в немже имамы праведному Судии предстати и дати ответ о всяком же деле и слове. Темже молим Тя, Владычице: возбуди нас скоро от сна греховнаго, да не постигнет нас час смерти неисправленных и да сподобимся Твоим ходатайством получити беззакониям нашим прощение и во гласе радования воспевати Христу Богу: Аллилуйя.

Икос 8

Вся бывши горе, к небесным взята еси и земных не оставляеши, Пресвятая Богородице, священным Твоим предстательством: имаши бо дерзновение к Сыну Твоему и Богу нашему. Темже утверди, Владычице, в мире глубоце страну нашу православную и вся полезная даруй рабом Твоим, да величающе воспеваем Ти тако: Радуйся, умным очесем нашим горький и страшный час смертный представляющая; Радуйся, на кийждо день, аки уже на последний жития нашего, взирати нас научающая. Радуйся, любити мир и яже в мире нам воспрещающая; Радуйся, пристрастие к тленному богатству из сердца нашего искореня-ющая. Радуйся, вся блага земная быти привременна и скоропреходяща нам показующая; Радуйся, славы человечи, аки тени преходящия, искати нам возбраняющая. Радуйся, яко сладчайшее имя Господа Исуса Христа устами непрестанно произносити и во уме держати нас побуждаеши; Радуйся, яко от празднословия, многоглаголания, паче же от кощунства нас удержаваеши. Радуйся, яко воздержанию в пищи и питии приобучити нас печешися; Радуйся, яко Твое за нас ходатайство сильно есть пред Богом, еже не вверженным нам быти во тьму кромешнюю. Радуйся, яко присно внушаеши нам омывати грехи своя слезами покаяния, да избавимся геенны адския; Радуйся, яко побуждаеши нас день и нощь молитися, да не посланы будем со демоны мучитися. Радуйся, Мати Божия Державная, Заступнице усердная рода христианскаго.

Кондак 9

Всякое естество ангельское удивися делу Твоего милосердия, Господи, яко даровал еси нам толико твердую и теплую Заступницу роду христианскому во дни гневнаго Своего посещения, нам невидимо сопребывающую, слышащую же Тебе поющих: Аллилуйя.

Икос 9

Ветии многовещаннии, непросвещеннии светом истиннаго богопознания, поклонишася златому тельцу. По слову же апостола, всяк любостяжатель есть идолослужитель. Сего ради Божие гневное посещение всему миру зряще, и мы, грешнии, смиренно молим Тя, Владычице: умилостиви Создателя, да потщится гнев Свой праведный преложити на милость и помиловати нас, вопиющих Ти сице: Радуйся, яко Твоея помощи и заступления никогдаже нас лишаеши; Радуйся, яко ум наш, омраченный небрежением, светлым Твоим покровом озаряеши. Радуйся, яко Тобою от страстей телесных избавляемся; Радуйся, яко Тобою сладостей духовных исполняемся. Радуйся, твердое Православия укрепление; Радуйся, честное Пресвятыя Троицы носило и похваление. Радуйся, и во временней жизни полезная нам подающая; Радуйся, душевныя раны наша елеем спасительным умащающая. Радуйся, яко из рова беззаконий наших рукою Твоея помощи нас исхищаеши; Радуйся, яко греховный сон душевредныя нашея лености отрясаеши. Радуйся, душевное умиление и сердечное сокрушение в нас раждающая; Радуйся, яко твориши всем спастися, в державный покров Твой прибегающим. Радуйся, Мати Божия Державная, Заступнице усердная рода христианскаго.

Кондак 10

Спасти хотя многия люди от обдержащих их скорбей и болезней и веру их утвердити во всесильное заступление Твое, Владычице, даровала еси нам изображение честныя иконы Твоея ‘Державныя’, да вси, видяще являемую Тобою милость, вопиют со умилением Богу: Аллилуйя.

Икос 10

Стена явилася еси, Богородице Дево, Российстей стране честными Твоими иконами, изливающи чудеса во бранех и осеняющи благодатною помощию Твоею христолюбивых воинов. Под державным бо покровом Твоея благости Российская страна созидашеся, и врата адова не одолеша Православныя Церкве Христовы. Сего ради припадающе к честней иконе Твоей ‘Державней’, радостно вопием Ти сице: Радуйся, Российския страны покрове и утверждение; Радуйся, от нашествия иноплеменных избавление. Радуйся, сущих в пленении свобождение; Радуйся, от глада и болезней наше спасение. Радуйся, саде земли обетования; Радуйся, цвете Божественнаго саждения. Радуйся, лозо добродетельная винограда Христова; Радуйся, древо чудоточное рая Исусова. Радуйся, жилище и дом Христа Бога нашего; Радуйся, вместилище неизреченныя Его славы. Радуйся, Владычице, Всемилостивая Подательнице щедрот; Радуйся, яко много может молитва Твоя пред Сыном Твоим и Богом нашим. Радуйся, Мати Божия Державная, Заступнице усердная рода христианскаго.

Кондак 11

Пение хвалебное и благодарственное приносим Ти, Владычице, под державным бо покровом Твоея благости пребываем в непостыдней надежде всесильнаго заступления Твоего за нас, грешных, и все упование наше на Тя возложивше, радостно вопием Богу: Аллилуйя.