Полная версия
Акафисты. На церковнославянском
Радуйся, устроение наших детей управляющая!
Радуйся, всех к Тебе прибегающих никакоже
отвергающая!
Радуйся, терпящим скорби житейские в радость небесную их обращающая!
Радуйся, и в земном житии утешения нас не лишающая!
Радуйся, наше домостроение созидающая!
Радуйся, к Царству Небесному уготовляющая!
Радуйся, Мати Блаженное Чрево, Радость всему миру родившая!
Кондак 9
Всякое естество ангельское удивися Твоему вочеловечения делу: како неприступный Бог явися приступный всем человек, Блаженное Чрево Твое воистину Благодатным Небом соделав, всем верным, наипаче же матерям чадородящим в заступление Тя даровав, сего ради слышаща же от всех:
Аллилуйя!
Икос 9
Ветия многовещанныя суетного и самонадеянного рода сего недоумеют о Тебе, Богородице, како вси вернии, наипаче же матери в печалях сердец своих к покровительству Твоему прибегая, от всех скорбей и печалей избавление, всех скорбей на радость преложение и совершенную Нечаянную Радость всех благ исполнения Тобой обретая, верно вопиют:
Радуйся, Всемилостивая наша Владычице!
Радуйся, рождшая всех Владыку Царя!
Радуйся, верных в скорбях утешающая!
Радуйся, отчаявшимся радость и смысл жития обрести помогающая!
Радуйся, Нечаянною Радостью нас исполняющая!
Радуйся, к небесной радости жизнь созидающая!
Радуйся, мечу драгий, главу зверя последних времен посецающий!
Радуйся, ключу царствия Христова, двери верным собой отверзающий!
Радуйся, Ладье небесная, чрез море, гадами кишащее, безбедно преплываяй!
Радуйся, славный Ковчеже, чрез волны жития сего в небесный дом приводяяй!
Радуйся, жития нашего Всемилостивая Домостроительнице!
Радуйся, к Царству Небесному верных пути Управительнице!
Радуйся, Мати Блаженное Чрево, Радость всему миру родившая!
Кондак 10
Спасти хотя мир, Иже всех Спаситель нам Тебя Мати Свою дарова, Блаженное Чрево Твое в Дом Премудрости Своея премудро Себе избрав, яко Бог слышит:
Аллилуйя!
Икос 10
Стена еси всем матерям чадородящим и чадоносящим, Богоневесто, ибо всех Творец вселься в девственной утробе Твоей, Богородице, Блаженное Чрево Твое воистину Благодатным Небом соделав, женское естество Божеством Своим освятив, вся приглашати Тебе научи:
Радуйся, Мати Богатыря, начальника зла победившего!
Радуйся, сковавшая копие, главу древнего змия пронзившего!
Радуйся, во грехах рождающихся упование непостыдное!
Радуйся, студно зачатых жития обновление!
Радуйся, женского падшего естества дверь спасения верным соделавшая!
Радуйся, к рождению в жизнь вечную нас призывающая!
Радуйся, к земным страстям привлеченных в небесное житие устрояющая!
Радуйся, падших Адама сынов в сожительство небес воздвизающая!
Радуйся, ада державы хозяина гордого всепопирающая!
Радуйся, девство и материнство благословляющая!
Радуйся, вспоможение в родах творящим дела управляющая!
Радуйся, на подвиг служения ближним нас щедро благословляющая!
Радуйся, Мати Блаженное Чрево, Радость всему миру родившая!
Кондак 11
Пение всякое хвалебное и благодарственное побеждается, тщашеся восхвалити Тя ко множеству многих щедро Твоих, Мати Дево, под милостивым бо Покровом Твоим не токмо жены чадородящии и им помогающии помощь Твою получают, но и все вернии в жизнь небесную нарождаются, радостно Богу о Тебе вопия:
Аллилуйя!
Икос 11
Светоприимную свещу во мраке сего жития сущим зрим Тя, Богородице, всех бо страждущих и помощи Божией просящих к разуму Божественному наставляеши, зарею ум просвещаеши, к рождению в вечную жизнь призываеши, уча прежде искати Царствия Небесного и правды его, званиими же почитаемая, сими:
Радуйся, лампадо чудесная, мрак скорбного жития нашего освящаяющая!
Радуйся, светильниче Божественный, путь в Небесное Царствие нам указующий!
Радуйся, в разуме Божественном нас просвещающая!
Радуйся, на Пути Христовом всемилостиво укрепляющая!
Радуйся, искати прежде Царствия Небесного и правды его наставляющая!
Радуйся, премудрость века сего прелюбодейного и грешного, иже безумие есть перед Богом, презирати нас научающая!
Радуйся, учащих и учащихся в разуме небеснем наставляющая!
Радуйся, во Христе разум нам обновляющая!
Радуйся, в недоуменных обстояниях премудро и милостиво вразумляющая!
Радуйся, в часы недоумений на сердце мысль благую полагающая!
Радуйся, Богу покоряти нас свой разум научающая!
Радуйся, премудрости взыскующих на службу Богу и ближним дар свой направляти подвизающая!
Радуйся, Мати Блаженное Чрево, Радость всему миру родившая!
Кондак 12
Благодать дати источник восхотев отшедшим Того благодати, всех благодати Податель нам Тя Мати Свою дарова. Сего ради и слышит от всех сице:
Аллилуйя!
Икос 12
Поюще Твое Рождество, Мати Дево, хвалим Тя вси, Богородице: Твое бо Блаженное Чрево вся содержай рукою Господь в жилище Себе избра, о Владычице. Сего ради освяти, прослави и научи вопити Тебе всех:
Радуйся, яко Блаженное Чрево Твое неприступное небо соделашася!
Радуйся, яко домостроение спасения нашего Тобой утвердишася!
Радуйся, на небеса невозбранно Сыном Своим возведенная!
Радуйся, всех верных за Собой приглашати идти научающая!
Радуйся, обреченных на смерть в небесное житие устрояющая!
Радуйся, Церковь Христову Своим Рождеством созидающая!
Радуйся, небеса Собой украшающая!
Радуйся, Плодом Чрева Своего ад попирающая!
Радуйся, Создателя Жизни родившая!
Радуйся, породителя смерти Своим Рождеством победившая!
Радуйся, верных за Сыном Твоим идти научившая!
Радуйся, Рождеством Своим во веки нас возвеселившая!
Радуйся, Мати Блаженное Чрево, Радость всему миру родившая!
Кондак 13
О, Всепетая Мати, Рождшая всех Святых Святейшее Слово! Блаженно Чрево Твое и сосцы, иже ссал еси Христос Бог наш, Иже избра Тя Себе в Дом, Иже Созда Премудрость Его. Сего ради нынешнее прими приношение и от всякия избави напасти всех, будущия изми муки и к жизни вечныя нас возроди, о Тебе вопиющих:
Аллилуйя!
Этот кондак читается трижды, затем первый икос: «Ангел предстоятель…» и первый кондак «Избранней от всех дщерей..»
Молитва перед иконой Божией Матери «Блаженное Чрево».
О, Всепетая Мати, Радость всему миру непреложно во Чреве Своем воплотившая и всех святых Святейшее Слово на спасение наше родившая!
Ты, всех Подателя радости нам даровавшая, во Чреве Своем Того носившая и гонения, скорби и лишения в непраздности Своей претерпевшая, видевшая Сына Своего возлюбленного скорбяща, гонима, оскорбляема, неправедным судиям предаваема и осуждена, оклеветаема, оплеваема, ко Кресту за нас пригвождена, и смерть за падшее создание Свое приявша, можеши всякую скорбь человеческую в Своем сердце вместити и нам всем во всем сострадати.
Ты, в вертепе земном от волхвов дары и препростых пастырей овец, небесную радость благовестия Рождества Твоего в сердцах своих с велиим трепетом и страхом вместивших, поклонение смиренно приемшая, воистину можеши всякими дары земными и небесными нас исполнити и во всякой скорби облегчение в сем вертепе земном, многострадальном и многомятежном нам даровати, радостью небесного утешения горечь нашего многоскорбного жития растворяя!
Ты, Сына Своего Воскресшим видевшая, радость воскресения сердцем познавшая, можеши от всякой нас скорби избавити и на радость ее преложение нам даровати.
Сего ради молим Тя: прими моления наша, от скорби нашея из глубины сердец Тебе приносимыя, от всякой скорби и печали нас избави, на радость ее преложение нам даруй и всякой радости нас исполни.
Помоги матерям, иже по глаголу Божию в печалях детей своих носящих и в болезнях рождающих, даруй им терпение, бремен облегчение, в скорбях утешение, по сем долгожданную всеисполненную радость деторождения и нечаянную радость всех благ исполнения и к Подателю всех благ – Христу Богу нашему приведи. Воспитай их на пажитях Сына Твоего Христа Бога нашего, да все едиными усты и единым сердцем восславим Сына Твоего и Бога и Твое всемилостивое о нас к Нему грешных предстательство во веки веков. Аминь.
– А как понять, вот я не поняла там в начале Акафиста: радуйся клеще святая…
– А как это можно понять? В самом начале, я только глянула и мне попалось это выражение.
Игорь 23:53
– «Клеще» – так в старорусском – славянском в единственном числе в женском роде назывались КЛЕЩИ! Имеется в виду тот херувим, который вытащил горящий уголь с Жертвенника Господня и вложил в уста пророка Исаии. Помните у Пушкина: «И угль, пылающий огнём в уста замершие мои вложил десницею кровавой…» Это об этом
Составитель сего текста р. Б. Игорь крайне нуждается в молитвах читателей и просит молитв о себе и своих близких:
О здравии р.Б.ИгоряВалентины (ж)ЕленыОльгии всех благотворящихи молящихся за насОб упокоенииАнныВасилияМихаилаМихаилаПелагииКириллаГригорияИванаМарииНиколаяВладимираНиныАкафист иконе Богородицы «Благодатное небо»
Кондак 1
Избранной Богоотроковице, Превысшей всех дщерей земли, Твое бо Блаженное Чрево воистину Благодатное Небо соделашася, яко из плоти Твоея соткася Плоть Божественного Агнца – Спасителя душ наших, похвальная песнопения приносим Ти Владычице нашей Богородице, Ты же от всех нас бед и скорбей свободи и к небесному разум наш возведи, да благодарными усты и сердцем вопием Ти непрестанно:
Радуйся, Царице Небесе и земли, Благодатное Небо Собою являющая!
Икос 1
Ангелов и человеков Творец и Господь избра Тя в Матерь Себе, о Пренепорочная Мати Дево, воистину бо Блаженное Чрево Твое Благодатное Небо соделав. Мы же, грешнии, толикой Великой Тайне и милосердию Божию дивяшеся, от всея души Ти вопием, восписуя Тя званиими сими:
Радуйся, падшего Адама воззвание,
радуйся, слез Евиных избавление,
радуйся, Небо с человеки соединившая,
радуйся, Клас Небесный родившая,
радуйся, человеки на небо возводящая,
радуйся, еюже к земнородным сниде Бог.
Радуйся, Царице Небесе и земли, Благодатное Небо Собою являющая!
Икос 2
Видящи Святая Себя в чистоте, недоумением объята быша, како бо возможно сие: Всемилостивый Создатель Небес Блаженную утробу Пренепорочной Девы Благодатным Небом и Домом Своим соделав, воистину землю с небом, а человеки с Богом соедини, да вопиют Ему все:
Аллилуйя!Кондак 2Разум неуразуменный разумети Дева ищущи, глаголет Гавриилу дерзостно: твоего бо благоуветливого гласа глагол неудобноприятельно души моей является: Девичью бо утробу Благодатным Небом како соделать можно, рцы Ми? Он же со страхом рече Ей таковая:
Радуйся, совета неизреченного Таиннице,
радуйся, чудес Христовых начало,
радуйся, предизбранная от начала быти Мати Сына Божия,
радуйся воплощение Бога Слова,
радуйся, Лествице небесная, еюже сниде Бог,
радуйся, Мосте, приводяй сущих от земли на небо.
Радуйся, Царице Небесе и земли, Благодатное Небо Собою являющая!
Икос 3
Силы Небесные возрадовашася, егда Благодатная отвеща служащему: се, раба Господня, буди Мне по словеси твоему. Тогда Сила Вышнего осени Тя и Дух Святый найде на Тя, да зачнеши по плоти Сына Божия во спасение всем человеком, Той бо воистину Чрево Твое Благодатным Небом соделал еси, да все спасении Тобою вопиют Подателю всех благ:
Аллилуйя!
Кондак 3
Имееши воистину Богоприятную утробу, Богородице
Приснодево, в Тебе бо благоизволи воплотитися Христос Бог наш, егда же идя в горняя, во град Иудов, и вниде в дом Захариин, и целова южику свою Елизавет. Егда же услыша Елизавет целование Мариино, взыграся мдладенец во чреве ея, Матерь Божию Ея познав. Сия ради исполнися Духа Свята Елизавет, и возопи гласом велим, и рече, зовый к Ней Таковая:
Радуйся, Благословенная в женах,
радуйся, яко благословен Плод Чрева Твоего, радуйся, яко Мати Божия наречешися,
радуйся, яко отныне ублажат Тя вси роди,
радуйся, яко воистину блаженно Чрево Твое,
радуйся, яко Благодатным Небом воистину соделалася еси.
Радуйся, Царице Небесе и земли, Благодатное Небо Собою являющая!
Икос 4
Бурю внутрь имею помышлений сумнительных, како мне возможно еси пети Тя грешными устами, Мати Дево. Воистину бо сотвори Тебе Величие Сильный, и отныне ублажают Тя все роди, славя чудное Рождество Твое. Однако, любовью Твоею побеждаеми, вопием о Тебе непрестанно:
Аллилуйя!Кондак 4Слыша весь мир величие чудес твоих, Мати Дево, како бо во всех концах земли милости Свои являеши, слабым подающи утешение, скорбящим отраду, отверженным милость, падшим восстание, и всем во всем воистину Помощница Благая являешися, к небесным ум наш возводя и научая нас во всем упование на Сына Твоего возлагати и вопити Ти:
Радуйся, от земного суемудрия разум наш отвращающая,
радуйся, к небесам разум наш возвышающая,
радуйся, суетную мудрость века сего посрамляющая, радуйся, разум Христов нам обрести помогающая, радуйся, яко Тобою нам споспешествуют Силы Небесные,
радуйся, яко тобою чаем прейти от земли на Небо.
Радуйся, Царице Небесе и земли, Благодатное Небо Собою являющая!
Икос 5
Благодатное Небо воистину исповедуем Тя, Богородице: Тобою бо к нам Вышний сошел есть, и нас тщишся возвести от земли на Небо, приучая нести крест свой во смирении и терпении, имиже Царствие Небесное нудится, всех верных Сыну Своему и Богу тем сочетая и подвизая вопити Ему:
Аллилуйя!Кондак 5Видяще воистину, Тя, Богородице, Благодатное Небо, яко, на иконы Твои взирающе, радости исполняемся, от злых и суетных века сего развращенного помыслов избавляемся, благодати Божией причастники Тобою являемся, на обетование Сына Твоего и Бога нашего всех верных учеников Своих причастники Света Божественного соделать твердое упование возложив. Сего ради вопием Ти:
Радуйся, благодати Источник Неисчерпаемый, радуйся, Заре таинственного дне,
радуйся, прелести века сего нас избавляющая, радуйся, небесному разуму научающая,
радуйся, от жажды духовныя нас избавляющая.
радуйся, реко многотекущая благодати Христовой!
Радуйся, Царице Небесе и земли, Благодатное Небо Собою являющая!
Кондак 6
Провозвестника Тайны Боговоплощения вемы святого Архангела Гавриила, иже благовести Пренепорочной от века утаенную тайну Пресвятыя Троицы о Воплощения Сына Божия в Блаженном Чреве Ея, да вси вернии познают милость Божию к падшему роду человеческому, возведённому Тобою от земли на Небо и вопиют о Тебе Богу:
Аллилуйя!Икос 6Возсия еси нам Тобою воистину Свет Истины, Иже есть Господь Христос Бог наш, о Пренепорочная Мати Дево, Богообрадованная Богородице, в Тебе бо Свет воплотися и Истина изобразися, Неприступный Создатель всех в Чреве Твоем вместися, воистину превыше небес его соделав и нас тем на небеса возводя. Сего ради мы, грешнии, столь велию Тайну недоуменно в уме своем помышляя, благодарно величаем Тя званиими сими:
радуйся, безумие мира сего обличаюшая,
Радуйся, державу суетного сего века попираюшая,
радуйся, светло разум наш онебесившая,
радуйся, прелести вселукавого века сего всесветло Собой помрачающая,
радуйся, верным разум Христов, иже буйство есть в мире сем прелюбодейном и грешном, Собой подающая,
радуйся, разум свой неблагонадежный распинати Христу, Свету Истины, нас научающая,
Радуйся, Царице Небесе и земли, Благодатное Небо Собою являющая!
Кондак 7
Хотяща всем человекам спастися и в разум истины прийти Христос Бог наш, иже есть Путь, Истина и Жизнь, непреложно в Тебе воплотися, Тобою на небеса нам путь указуя, да отвержемся излишних суетного века сего житейских попечений и на небеса разум наш возведём, поя Подателю всех:
Аллилуйя!Икос 7Новую тя показа Тварь всех Творец и Создатель, возвеличив Тебя превыше всех тварей, Чрево Твое Благодатное избра в жилище Себе, да все верни, чудяшеся великой Тайне сей, вопиют Ти таковая:
Радуйся, Дом Богу Слову Собою воздвигшая, радуйся, из честных плоти и крови Своих плоть Ему даровавшая,
Радуйся, Честное Жилище Бога и Слова,
Радуйся, яко Чрево Твое соделалося превыше небес, Радуйся, Премудрости Божией Вместилище,
Радуйся, плоти Создателя всех Созидательнице!
Радуйся, Царице Небесе и земли, Благодатное Небо Собою являющая!
Кондак 8
Странное Твое Рождество видевше, ум на небеса возведем, устранившись сынов суетного века сего помышлений, иже не могут вместити столь великую от века утаенную Тайну Воплощения Сына Божия и не разумеют пети:
Аллилуйя!Икос 8Вся бо в вышних бе, яко Благодатное Небо воистину Собою являеши, Богородительнице, но и нас, нижних, никакоже отступаеши, самого грешного человека моления не отвергая, но подвизая всех верных уповати на Тя и воспевати Тя сице:
Радуйся, Невместимого Бога Вместилище,
Радуйся, Доме, Его же созда Себе Премудрость Божия,
радуйся, неверных сомнительное удивление,
радуйся, верных известная похвало,
радуйся, верная Надеждо вечных благ,
Радуйся, Мати всех Творца!
Радуйся, Царице Небесе и земли, Благодатное Небо Собою являющая!
Кондак 9
Всякое естество ангельское удивляется Твоего великого вочеловечения делу: како бо Тобою Неприступный Бог всем приступный Человек быв, воплотившись в девственной утробе Твоей и нас на небеса возводя, чесо ради слышит от всех:
Аллилуйя!Икос 9Ветия суемудренные суетного века сего, не разумеющие Премудрости Божией, не могут вместити, како бо Премудрость Божия могла воплотитися в Тебе, воистину Домом Божиим и Благодатным Небом Тебя соделав. Мы же, дивясь великой тайне сей, вопием от всея души Ти таковая:
Радуйся, Премудрости Божией Источник неисчерпаемый,
Радуйся, промышления Господня о людях Приятелище,
Радуйся, всем ищущим ума обретение,
Радуйся, добрая помощнице в учении,
Радуйся, всем болезнующим умом врачество преизрядное,
Радуйся, всех болезней душевных и телесных безмездная и милостивая Целительнице.
Радуйся, Царице Небесе и земли, Благодатное Небо Собою являющая!
Кондак 10
Всем человеком хотяй спастись, Христос Бог наш, в девственной утробе Твоей воплотися, нам подобен был Человек во всем, кроме греха, многоскорбное земное человеческое житие подъяв. Сего ради мы Тобою Царствие Небесное улучити желаем, по слову Апостола: «иже с Ним страждем, с Ним и царствовать будем», поя непрестанно Ему:
Аллилуйя!Икос 10Стена еси всем прибегающим к Покрову Твоему, о Всенепорочная Мати Дево, ибо в Тебе непреложно вселися Творец и Создатель всех, научая нас воспевати Ти:
Радуйся, непреложное наше во всех обстояниях упование,
радуйся, известное наше спасение,
радуйся, от всех злых непреложно нас свобождающая,
радуйся, бездну милосердия Собою являющая,
Радуйся, Всемилостивая всех благ Подательница,
радуйся, Окормительница наша всещедрая.
Радуйся, Царице Небесе и земли, Благодатное Небо Собою являющая!
Кондак 11
Пение от всех концев земли весь род человеческий непрестанно Тебе приносит, о Всемилостивая Мати наша. Мы же, аще и многочисленнее песка всех морей земли песни принести Ти смогли, ничесо же равного Твоему заступлению совершаем. Но, милосердием твоим побеждаемы, непрестанно вопием Ти:
Аллилуйя!Икос 11Светоподательную свещу зрим святую икону Твою, Мати Дево: яко в Архангельском соборе стольного града страны нашея явити сию изволила еси, земное Отечество наше преддверие Небесного Отечества знаменуя. Вемы бо, яко блудный сын Отечествия своего и в Царствие Сына Твоего никакоже вступити дерзает. Сего ради на Тя, славную Заступницу Земли нашея все упование возложив, вопием Ти непрестанно:
Радуйся, Покрове стране нашей Российской ширший небес,
Радуйся, Заступнице наша известная,
Радуйся, на Тебя бо уповаша отцы наши, никако же посрамлены быша,
Радуйся, о Земле Русской до самого Страшного Суда Ходатаице,
Радуйся, изметающая из страны нашея демонския полчища,
Радуйся, Православия в ней охранение и утверждение.
Радуйся, Царице Небесе и земли, Благодатное Небо Собою являющая!
Кондак 12
Благодати Источник Неисчерпаемый вемы Тя, Богородице, Ты бо воистину явися одушевленный Храм Божества, Благодатное Небо Собою являя и к жизни небесней нас уготовляя. Сего ради благодарными усты непрестанно о Тебе Богу поем:
Аллилуйя!Икос 12Поюще Твое славное Рождество, вседушно Тя хвалим, Богородительнице, Твое бо Блаженное Чрево воистину Благодатное Небо и одушевленный храм всех Владыка содела, Невместимого в том Сына Своего вместив. Сего ради ублажаем Тя похвалами сими:
Радуйся, Селение Бога и Слова,
Радуйся, подаяние всем благодати,
Радуйся, Ковчеже одушевленный Живота вечного, Радуйся, Мати, всех верных с Богови сочетающая, Радуйся, на небеса нас возводящая,
Радуйся, Тобой бо к нам сошел Создатель небес.
Радуйся, Царице Небесе и земли, Благодатное Небо Собою являющая!
Кондак 13
О, Всепетая Мати, в чудотворней иконе Твоей Благодатное Небо нарекшеяся и небесною радостью нас возвеселяющая! Прими от нас, немощных, к земле устремленных, малое сие приношение, от всякия скверны душевныя и земного пристрастия нас свободи и на небеса возведи всех, вопиющих о Тебе Богу:
Аллилуйя!
Сей кондак глаголи трижды, затем икос 1 и кондак 1
Молитва пред иконой Божией Матери «Благодатное Небо»
О, Всемилостивая Владычице наша, Верная о нас к Богу Споручнице, от вечныя погибели нас избавляющая и на небеса разум наш возводящая! Милостиво прими малое моление сие, от нас нижних Тебе приносимое и к Престолу Владыки всяческих принеси. Избави нас от века сынов сего суетных помышлений и к небесному ум наш направи. Онебеси дух наш, да препоясавши чресла ума своего, все упование на Сына Твоего и Твое милостивое к Нему ходатайство возложив, сподобимся избежать тех ловления, в сынах противления действующей, все помыслы жития нашего с волей Божией, во всем благой, угодной и совершенной сообразуя. Да тако прешед бурное море жития сего, сподобимся непреткновенно пройти воздушныя мытарства и достигнути вечного дома нашего – Царствия Сына Твоего и Бога, идеже и восславим Его и Твое милостивое Матернее к Нему о нас грешных предстательство во веки веков. Аминь.
Составитель сего текста крайне нуждается в молитвенной помощи в своём творчестве на благо Церкви и России и в защите от людей, этой деятельности активно препятствующих.
Составитель сего текста крайне нуждается в молитвах читателей и просит молитв о себе и своих близких:
О здравии р.Б.ИгоряВалентины (ж)ЕленыОльгии всех благотворящихи молящихся за насОб упокоенииАнныВасилияМихаилаМихаилаПелагииКириллаГригорияИванаМарииНиколаяВладимираНиныСпаси Христос!
Акафист Богородице в честь иконы Ея
В скорбях и печалях Утешение
Кондак 1
Взбранной ВоеводеПобедительная, яко избавльшеся Тобою от злых, благодарственная восписуемТираби Твои, Богородице, Ты же, яко имущая державу непобедимую, от всех нас бед, скорбей и печалей спаси и скорое Утешение даруй, да зовем Ти:
Радуйся, Мати милосердия, В скорбях и печалях Утешение подающая!
Икос 1
Ангелы – предстоятели – верные хранители наши, ведуще Деву Марию яко Всесильную Охранительницу, от всех бед Спасительницу и во всех скорбях и печалях Утешительницу, и всесильному Ея заступлению и милосердию неизреченному дивяшеся, зовут к Ней вместе с нами таковая:
Радуйся, В скорбях и печалях Утешение!
Радуйся, через скорби к Богу обращение!
Радуйся, надеждой в Боге верных утверждающая!
Радуйся, верою надежду укрепляющая!
Радуйся, во всяком скорбном обстоянии нас утешающая!
Радуйся, в терпении нести свой крест нас вразумляющая и укрепляющая!
Радуйся, учащая во всякой скорби видети волю Божию, иже вся ко благу направляющую!
Радуйся, все печали нам на радость претворяющая!
Радуйся, Мати милосердия, В скорбях и печалях Утешениеподающая!
Кондак 2
ВидящеТяяко Всемилостивую Утешительницу, В скорбях и печалях Утешение всем скорбящим несущую, все вернии радостью исполняются, Богу о Тебе зовя:
Аллилуйя!
Икос 2
Разум неуразумеваемый все в скорбех и печалехпребывающии ищущи, к Тебе, Утешительнице скорбящих прибегая, в скорбях отраду и утешение, от бед и печалей избавление и скорое скорбей на радость преложениеобретают, зовя Тисице:
