Защитники Святой Руси. Акафисты святым разные

Аллилуйя!

Икос 8

Весь еси всем помощник и заступник явился еси, славный воине Феодоре, не токмо православным, но и врагам милости образ явился еси, делом христианское благочестие показуя. Темже мы, милосердием Твоим побеждаеми, вопием Тебе сице:

Радуйся, милосердия источниче,

радуйся, страждущим помощниче,

Радуйся, немощных покровителю,

Радуйся, от наглыя смерти избавителю,

Радуйся, добродетелей изрядный образе,

Радуйся, бездна милости и щедрот.

Радуйся, святый праведный Феодоре, архистратиже Державы Российския!

Кондак 9

Всяких бед и болезней избавитель явился еси, славный праведный Феодоре, не токмо о чем же своем помышляя, но и все свое имение на служение ближним расточая, всем начальствующим пример служения Богу и ближним подал еси. Темже подвизаеши всех верных благодарно о Тебе Богу взывати:

Аллилуйя!

Икос 9

Витий суемудренных и начальствующих века сего посрамляеши, всехвальный воине Феодоре, яко не токмо стяжание, но и жизнь свою на служение Богу и ближним полагал еси. Сего ради все верные сыны Отечества Твоего земного благодарно вопиют Ти:

Радуйся, в милосердии Святителю Николаю подражавый,

радуйся, в ревности подобный Святителю Спиридону бывый.

Радуйся, мощи их благоговейно лобызавый и носивый,

Радуйся, делам их милосердия последовый,

Радуйся, благочестию их подражателю,

Радуйся, славный их в земле Российской помощниче,

Радуйся, благословение сродника своего преподобного Феодора получивый,

Радуйся, молитвы его, яко славное ограждение во всех обстояниях, имевый,

Радуйся, святый праведный Феодоре, архистратиже Державы Российския!

Кондак 10

Спасти хотя всех пасомых, славный защитник всех подчиненных явился еси, святый славный воине Феодоре, не токмо от смерти во бранех, но и от всяких бед, болезней и плена их сохраняя, темже не токмо они, но и их ближнии и знаемые, и мы, грешнии, о Тебе вопием Богу:

Аллилуйя!

Икос 10

Стена еси всем православным воинам, святый праведный Феодоре, славное заступление Твое. Аще бо телом и представился еси от нас, отче Феодоре, и душой на Небеси, предстоя Богу, достойно веселишися, но мощей твоих рака перед очима нашими предстоит, подвизая пети Тебе сице:

Радуйся, всем православным во бранех скорый помощниче,

радуйся, страны Российской славный Заступниче,

Радуйся, щите несокрушимый всем за правду воителям,

Радуйся, всемощный их покровителю,

Радуйся, нравов благих насадителю

Радуйся, нечестия обличителю и искоренителю.

Радуйся, святый праведный Феодоре, архистратиже Державы Российския!

Кондак 11

Пение у раки мощей Твоих, праведный воине Феодоре, никогда же оскудевает: все бо страждущие и алчущие правды, о Державе Российской болезнующие и блага ея взыскующие, вседушно к ней притекают. Тем же никто же от Тебя тощ и неутешен отыде, но всем в сладость быти славное заступление Твое. Сего ради вопием о Тебе Богу:

Аллилуйя!

Икос 11

Яко на стену тверду и несокрушиму надеемся на ходатайство Твое пред Христом Богом нашим, святый праведный Феодоре. Темже, упование наше на предстательство Твое возложив, вопием тебе сице:

Радуйся, верно служащим Державе Российския покрове и помоще!

Радуйся, пред Богом о них пресильный ходатаю!

Радуйся, заступниче земли Российския Богом данный! Радуйся, всякого нечестия в ней истребителю! Радуйся, всех в России благих устроителю!

Радуйся, до Страшного Суда Христова о ней пред Богом Ходатаю!

Радуйся, святый праведный Феодоре, архистратиже Державы Российския!

Кондак 12

Благодать, данную Ти от Бога, помогать всем пекущимся о благе Державы Российския, ведают вси православнии, святый воине Феодоре. Темже, на милостивое твое защищение упование возложив, вопием Богу:

Аллилуйя!

Икос 12

Поющее Твое славное заступление, святый праведный воине Феодоре, вседушно Тя восхваляем. Всяк бо положивый на сердце верно служити Державе Российской и Святой Православной Церкви верное защищение в тебе обретает. Сего ради мы, младшие братия Твои, верно вопием Ти:

Радуйся, щите армии Российския несокрушимый! Радуйся, меч в бранях воинам ея непобедимый!

Радуйся, страны Российския надеждо и ограждение! Радуйся, Православия всехвальное в ней утверждение!

Радуйся, всех православных упование непоколебимое!

Радуйся, ходатай мощи Державы Российския непобедимый!

Радуйся, святый праведный Феодоре, архистратиже Державы Российския!

Кондак 13

О, святый всехвальный воине Феодоре, похвало и утверждение Державы Российския, всем приходящим и обращающимся к тебе скорый помощниче! Помози нам в многоскорбном сем житии и како во дни земного поприща Твоего всем страждущим, помощи Твоея просящим и верно служащим России помощник явился еси, так и ныне не остави нас, уповающих на Тя, помози бурные волны моря жития сего без порока прейти и достигнути селений райских, поя с Тобою и со всеми Святыми Подателю всех благ:

Аллилуйя!

Сей кондак глаголи трижды, затем икос 1 и кондак 1.

Молитва святому праведному воину Феодору Ушакову

О, святый праведный воине Феодоре, Державы Российския Архистратиже и славный защитниче! Ты во дни земного жития твоего добре за землю Русскую подвизался еси, от врагов ее защищая и флот ея, как непоколебимое основание мощи ея, в ней утверждая! К тому же и пастырь добрый людям своим явился еси, будучи воинам дружины своея воистину отец чадолюбивый, не токмо властем земным, но паче самому Богу за вверенную тебе паству ответ дая. Сего ради прослави тя Бог яко дивного угодника Своего, яко честное служение Отечеству своему, кое преддверие Отечества Небесного – служение Самому Богу есть – тем знаменуя.

Сего ради молим тя: буди стране нашей по прежнему славный защитниче, властем ея – добрый советниче и помощниче, всем за славу Родины своея и Церкви Православныя воюющим добрый споспешниче и во всяком деле блазе молитвенный пред Богом предстателю!

Да избавит Всемилостивый Господь нас от всякого зла и утвердит во всяком благочестии и чистоте, подаст властем нашим мудрость, силу и о народе нашем усердное попечение, яко ты сам в земном служении своем показал еси, воинству – мощь, мужество и на враги одоление, народу – благое трезвение и верность Святой отеческой Православной Церкви, да тако, земное житие добре пожив, достигнем рая нам вожделенного и тамо прославим Отца и Сына Святого Духа во веки веков. Аминь.

Конец и Богу слава!

Составитель сего текста крайне нуждается в помощи Божией, особенно в творчестве на благо Церкви и России и защите от людей, подавляющих истину неправдою и просит молитв о себе и своих близких:

О здравииИгоряВалентины (ж)ЕленыОльгии всех благотворящихи молящихся за насОб упокоенииАнныВасилияМихаилаМихаилаПелагииКириллаГригорияИванаМарииНиколаяВладимираНиныМихаилаСпаси Вас Господи![e-mail]Акафист первоверховным князьям Российским – страстотерпцам Христовым Борису, Глебу и Игорю.

Необходимое пояснение.

Первый, или Великий Стол – столица Древней Руси периода феодальной раздробленности. Фактический правитель ее имел преимущественное право княжения над всеми русскими городами. Будучи изначально в Киеве, столица Древнерусского государства переместилась сперва во Владимир, а затем в Москву, которой и суждено было стать собирательницей и хранительницей Русского государства.

Князья Борис, Глеб и Игорь, павшие в результате измены своих «единокровных», фактически погибли в борьбе за власть – как претенденты на Главный Русский Престол, своей мученической кровью положившие основание – краеугольный камень в фундамент будущего Российского государства.

Наверное, с тех пор стало традицией: любой правитель, решивший править «справедливо» – согласно «правде» и жившим в народе идеалам справедливости, неизбежно сам – в какой-то степени должен был становиться страстотерпцем, жизнь свою полагавшим за счастье народное.

Не случайно в народе столь широко было почитание первопрестольных страстотерпцев. В народе, который фактически – по крайней мере тогда – ещё составлял с Церковью единое целое. Первыми – и последними – единоличными Правителями Русской Державы стали страстотерпцы – мученики, кровью своей запечатлевшие верность Христовой Церкви, своей Родине и своему Долгу. «Камень, егоже отвергли строители, сделался главою угла». И это поистине дивно во очесех наших – тех, кто ещё не разучился за могучим дыханием истории видеть Благую Волю Промысла Божия. Которая и пребудет с нами во веки веков. Аминь.

Кондак 1

Избранных от княжеского служения первопрестольного к славному подвигу исповедания мученического, мы, младшии братия ваша, яко славных страстотепцев Христовых вас восхваляем, святые князья Борисе, Глебе и Игоре. Вы же, утверждением Святой Руси ставшии и даже до смерти верность Христу Богу и Земле Российской запечатлевшии, о нас Бога молите, воспевающим вам по долгу сицевая:

Радуйтеся, троице святая – первоверховнии князья и Христовы страстотерпцы Борисе, Глебе и Игоре!

Икос 1

Ангелов и человеков Творец и Создатель, времена и лета во своей власти положивый и судьбы человеков и народов устрояй, видя ваши покорность воле Божией, к Богу стремление высокое и чистоту голубиную, призва вас от славного венца служения начальства народа нашего – первоверховного княжения Земли Русской к подвигу исповедания Страстотерпцев Христовых, иже со ангельской кротостью и незлобием претерпели суть, души свои, яко краеугольный камень, иже безумнии непокоривии соплеменницы наша, не хотевшии Богу и властям, от Него поставленным, покоритися, отвергоша, в славное премудрое основание Святой Руси положив. Сего ради дивное устроение Церкви Русския и Страны нашея северныя собою явили суть. Мы же, дивясь Премудрости Божией, таковое нам велие чудо свершившей, восхваляем вас званиими сими:

Радуйтеся, от веков Царем Славы в основание Державы Российския предизбраннии!

Радуйтеся, до самого Страшного Суда Христова славнии о ней пред Богом ходатаи!

Радуйтеся, кровьми своими, яко царскою багряницею, Церковь Русскую украсившии!

Радуйтеся, славными страданиями и чудесами от мощей своих всю Землю Русскую родную освятившии!

Радуйтеся, единством своим у Пресвятыя Троицы нерушимое единство народов Русския Церкви являющии!

Радуйтеся, и нам, единокровным, всегда стяжати единство против врагов коварных вразумляющии!

Радуйтеся, единением у Престола Святыя Троицы врагов единения Руси Святыя обличающии!

Радуйтеся, и нам, меньшим братиям вашим, против козней врагов плотских и бесплотных единение обретати помогающии!

Радуйтеся, троице святая – первоверховнии князья и Христовы страстотерпцы Борисе, Глебе и Игоре!

Кондак 2

Видяще вас Каину подобные звероподобные мучители ваша по праву достойных венца великого князя киевского, иже по праву вам принадлежа, распыхахуся злобою, тщашася вас отцовского наследства лишити и сим коварством завладети, Бога не бояся и человек не срамляся, не ведуще пети:

Аллилуйя!

Икос 2

Разум неуразумеваемый явися жестокому веку сему славное житие ваше, о славнии Христовы страстотерпцы, великие князья Борисе, Глебе и Игоре! Сыновья суетного, славолюбивого и жестоковыйного века сего недоумеют, како лишение славы и власти земной, иже по праву вам принадлежа, свободы и самой жизни кротко претерпев, ничего же противу своих мучителей реша, души свои в волю Создавшего их предавая. Сего ради разум Божественный испросите и нам, меньшим братиям вашим. Дайте нам от елея смиренномудрия вашего, воспевающим вам сицевая:

Радуйтеся, все мучения Христа ради кротко претерпевшии!

Радуйтеся, души своя кроткие в волю Его смиренномудренно предавшии!

Радуйтеся, за смирение ваше Богом возвеличеннии!

Радуйтеся, смирением вашим камень краеугольный в величие Державы Русской положившии!

Радуйтеся, тем Христу уподоблявшиеся!

Радуйтеся, и нас, меньших братьев, смирением вашим подражати Тому научающии!

Радуйтеся, премудрости Божия ныне на небесех приобщающиеся!

Радуйтеся, и нам, меньшим братиям вашим, премудрости тоя просящим всемилостивии податели!

Радуйтеся, троице святая – первоверховнии князья и Христовы страстотерпцы Борисе, Глебе и Игоре!

Кондак 3

Силою Вышнего укрепляеми, о святии страстотерпцы Христовы, небоязненно смерть от руки злонравных противоправных клеврет своих прияли суть, богомудрии, кротостию своею нечестие мучителей своих обличая, всецело жизнь свою в волю Творца всех предавая, ему же ныне на небесех купно вопиете:

Аллилуйя!

Икос 3

Имущи души чисти, яко голубине, к Богу устремлении, не земныя славы искасте, троице святая Борисе, Глебе и Игоре, но града грядущего взыскали есте, тем же от первоверховного стола Земли Русския изверженнии, власти законныя, по праву вам предлежавшия, земной славы, по сим же и самой жизни лишение претерпели есте, земное отечество наше, коего начальники быша, оставиша, града Небесного Иерусалима жители со славою велию водворишася, ныне о нас, земных братиях ваших, печетеся, Царствия Небесного Владыку – Царя Царей на милость к нам преклоняя. Твердо зная сие и на ваше ходатайство непреложное упование возложив, ныне вопием вам таковая:

Радуйтеся, троице святая, от земного Отечества нашего в Небесный Иерусалим, яко птицы, возлетевшии!

Радуйтеся, от небесного престола на наши нужды призирающии!

Радуйтеся, перед Царем Царей о своем земном Отечестве усердно ходатайствующии!

Радуйтеся, от Святой Руси Небесного Иерусалима граждан всеусердно восполняющии!

Радуйтеся, и земной Руси могущество усердно созидающии!

Радутеся, Святой Руси страдальцев к Царю Небесному ходатайством в Небесное Отечество приемлющии!

Радуйтеся, не земного, а небесного устроения нас искати прежде научающии!

Радуйтеся, через небесныя правды обретение житие нас устрояти подвигающии!

Радуйтеся, троице святая – первоверховнии князья и Христовы страстотерпцы Борисе, Глебе и Игоре!

Кондак 4

Бурю внутрь имеем помышлений сумнительных мы, меньшии братия ваша – како прославим добродетели ваши, славнии первоверховныя правители наши, троица святая – князья Борисе, Глебе и Игоре, обаче и многими славословиими ублажим вас, обаче ничтоже равное творим славному ходатайству вашему об Отечестве нашем, имже и устрояется во всяком благочестии и чистоте, сего ради присно приносим хвалебную песнь о вас Христу Богу:

Аллилуйя!

Икос 4

Слышаша о тяжких страданиях ваших, ради Христа и венца великокняжеского перенесенных, троице святая Борисе, Глебе и Игоре, все праведнии люди русские над вашей судьбой плакашася горько, о умалении любви, верности и покорности воле Божией и властям, от Него поставленным: «Увы! Где любовь?», сокрушаясь. Видя в вас, о страстотерпцы Божии, новых молитвенников и печальников русския земли, хотя и сана княжеского и почестей земных лишенных, и тяжкие муки и поругание от нечестивых клеврет и близких своих, вас предавших, претерпевших, но тем паче Богом прославленных, и на небесех о нас, земных меньших братиях ваших, пред Владыкой и Царем всех присно ходатайствующих, величаем вас сице:

Радуйтеся, любовь к Богу любови к миру несумненно предпочетшии!

Радуйтеся, за то Богом зело возлюбленные и предпочтеннии!

Радуйтеся, Царствие Небесное паче царствия земного возлюбившии!

Радуйтеся, Царем Небесным за то в объятия Отчии с любовию восприятии!

Радуйтеся, Царю царей у славного Престола славы Его ныне предстоящии!

Радуйтеся, к Нему ходатайствующии о всех, с любовью память вашу почитающих!

Радуйтеся, в граждане Небесного Иерусалима Самим Господом приятии!

Радуйтеся, и нас, земному Отечеству с верою служащих, гражданами Отечества Небесного соделавающие!

Радуйтеся, троице святая – первоверховнии князья и Христовы страстотерпцы Борисе, Глебе и Игоре!

Кондак 5

Боготечные звезды, в Царствие Небесное житием своим путь указующии, ныне имеем вас в житии нашем, страстотерпцы святии, на вас бо сбыся праведные словеса Божия, яко сила Божия в немощи совершается. Вы, славнии первоверховнии правители наши, земной славы, могущества и свободы будучи лишены, ничего же против убивающих вас мучителей – злобных и завистливых клеврет своих возглаголали суть, в кротости своея жизнь свою Праведному Судии всех представляя, поя в сердцах своих Тому:

Аллилуйя!

Икос 5

Видеша люди российския вас, страстотерпцы святии, яко славных заступников земли Русския, Богом земному Отечеству нашему дарованныя, темже и святыя мощи ваша, яко кладезь благодати Божией неисчерпаемый, источник чудес неоскудеваемый людям Земли Русския явилися есте, болящия исцеляя, печальных утешая, гонимыя и обидимыя заступая, в вере немощных укрепляя и любовию Божиею вся исполняя, возрадовашася радостью велию зело, к славному заступлению вашему прибегая, наипаче все, братиям и Отечеству своему земному – Земле Российской служащии, помощь в нуждах, печалях и бедах своих обретают, потщася послужити вам славословиями сими:

Радуйтеся, Небесного Иерусалима славные насельницы!

Радуйтеся, земного Отечества вашего – Святой Руси пред Богом добрые заступницы!

Радуйтеся, езера славнии, благодати Божией источники неисчерпаемыя являющии!

Радуйтеся, оскудение любви в Земном Отечестве вашем милостью своею восполняющии!

Радуйтеся, яко мощи ваша источник Божиих дарований для всех к ним приходящих явилися суть!

Радуйтеся, яко икона Божией Матери, пред нею же князь Игорь молился еси, преславно чудодействует!

Радуйтеся, яко всех к вам обращающихся от бед, скорбей, болезней и печальных обстояний заступаете!

Радуйтеся, яко всех гонимых и обидимых покровители являестеся!

Радуйтеся, троице святая – первоверховнии князья и Христовы страстотерпцы Борисе, Глебе и Игоре!

Кондак 6

Проповедницы славнии Божией милости явилися все, улучившия по ходатайству вашему великия милости от Христа Бога нашего, за него же до самыя мученическия смерти пострадали пострадаша, и кровьми своими, яко царскою багряницею украсишася, велие дерзновение от Него улучили есте, милосердия Божия кладези неисчерпаемыя явилися есте всем вопиющим о вас Богу:

Аллилуйя!

Икос 6

Возсия в земном Отечестве нашем – Святой Руси славнии жития ваша, святыя страстотепцы и первоверховнии князья Борисе, Глебе и Игоре, иже явилися есте яко звезды небесныя нам, меньшим братиям вашим, ибо не токмо земное житие ваше, в смирении до самыя мученическия смерти, кровьми вашими, яко славным виссоном и порфирою царскою землю Русскую чудно украсившими, но и посмертное ваше ходатайство и велия чудеса, славным заступничеством вашим пред Христом Богом, за Него же кровь излияша, являемые, иже подвигают нас, меньших братий ваших, побежденных любовию вашею, вопияти:

Радуйтеся, подобно Агнцу, за нас Закланному, от рук народа Своего избранного Распятому, яко агнцы незлобивые, за Христа и Русь Святую от рук злобных слуг своих закланнии!

Радуйтеся, кровьми своими, яко багряницею царскою, подобно Царю Славы, одеянные!

Радуйтеся, мученической смертию своею трон правителей российских яко царское седалище украсившии!

Радуйтеся, с верою Святой Руси служащих в граждане Небесного Иерусалима приводящии!

Радуйтеся, светом веры православной землю нашу просвещающии!

Радутеся, Путь Христов всем верным в Град Небесный освящающии!

Радутеся, Русь Святую яко преддверие Небесного Отечества являющии!

Радуйтеся, не земного, а небесного взыскати верных научающии!

Радуйтеся, троице святая – первоверховнии князья и Христовы страстотерпцы Борисе, Глебе и Игоре!

Кондак 7

Хотящии милости стяжати от Царя Славы Христа Бога нашего, а наипаче Святой Руси служити все вернии к ходатайству вашему прибегают, о троице святая – первоверховнии князья и страстотерпцы Христовы Борисе, Глебе и Игоре, да всех бед и скорбей избавление, в вере Православней утверждение, в добрых начинаниях скорое и милостивое вспоможение и всемилостивое дел и жития своих устроение обретая, дивятся дивному милосердию Божию, по ходатайству к вам являемому, Богу всеусердно вопиют:

Аллилуйя!

Икос 7

Новых показа вас мироправителей Вседержитель Господь, яко овчат незлобивых, иже, яко от волков хищных кровь свою от злобных клеврет и сродник и неблагодарных слуг своих пролиявших и мученическую смерть приявших, за то в Царствие Небесное Царем Царей с Отеческой любовью приятых и нам, неблагодарным потомкам, недостойным гражданам земного Отечества нашего, велию милость по всесильному ходатайству вашему к Царю Небесному – Всемилостивому Подателю милости присно являющих, да милость сию восприявше верно воспоим вас, вопиюще:

Радуйтеся, кротостию своей царю Давиду уподобившиися!

Радуйтеся, ревностью по Бозе такоже усердно распаляемые!

Радуйтеся, благую милость свою не токмо ближним, но и врагам своим являвшии!

Радуйтеся, за то гонения и поношения до мученической смерти претерпевшии!

Радуйтеся, яко Соломон, премудрости Божией в житии своем взыскавшии!

Радуйтеся, тем пример благий всегда собой правителям страны Российския являющии!

Радуйтеся, отчаявшимся в милости властей земных усердно помощь подающии!

Радуйтеся, не на князи и на сыны человеческия, а на Царя царей надеятися всем сердцем вразумляющии!

Радуйтеся, троице святая – первоверховнии князья и Христовы страстотерпцы Борисе, Глебе и Игоре!

Кондак 8

Странно падшему миру сему явилось житие ваше, троице святая Борисе, Глебе и Игоре, яко, будучи по праву рождения начальниками царствия земного, странники и пришельцы бысте есте на земли, не тленного, а горняя всем сердцем взыскуя, царствия земного, славы, свободы, по сем самой жизни жестокое лишение претерпев, царствия земного на царствие Небесное преложение обрели есте, на удивление роду сему суетному и грешному, не ведущему пети:

Аллилуйя!

Икос 8

Все хотящии жати спасение и Отечеству нашему земному – Святой Руси, иже предверие Отечества Небесного есть, верою и правдою служити, к ходатайству вашему прибегают, троице святая, страстотерпцы Христовы Борисе, Глебе и Игоре, и по всесильному ходатайству вашему к Христу Богу, даровавшему вам власть все грехи на Русской Земле решати и помощь всем верным в нуждах их даровати, в скорбях и печалях утешение, во всех бедах облегчение и по вере своея во всех нуждах и потребах исполнение обретая, радостью исполняются и от всея души вопиют, ублажая вас сице:

Радуйтеся, первоверховнии правители Руси Святыя благии и вернии!

Радуйтеся, Церкви Русския чада возлюбленныя!

Радуйтеся, украшение Руси Святой и Церкви Русския!

Радуйтеся, всех православных христиан похвало!

Радуйтеся, всех труждающихся ради блага ближних покровители!

Радуйтеся, всех воюющих за правду защитители!

Радуйтеся, всех скорбящих и обремененных утешение!

Радуйтеся, всем скорби Христа ради претерпевшим податели скорбей на радость обращения!

Радуйтеся, троице святая – первоверховнии князья и Христовы страстотерпцы Борисе, Глебе и Игоре!

Кондак 9

Всякий чин ангельский и род христиан православных радостью исполняется, зря вас яко славных ходатаев за Русь Святую, святые благоверные князья Борисе, Глебе и Игоре, триединством своим у Престола Святыя Троицы нерушимое единство народов Великия, Малыя и Белыя Руси собой являющии, подвигающии верных Богу о вас вопияти:

Аллилуйя!

Икос 9

Ветия многовещанныя суетного маловерного многоглаголивого века сего яко рыбы безгласныя зрим о вас, святыя братия наша, недоумеют бо, како в служении княжеском глубину смирения христианского, кротость агнчу и чистоту голубиную стяжаша, ничего же против злобных клеврет и слуг ваших, иже, яко искони древний человекоубийца дьявол, злобною завистию одержими, тщащихся вас славы, власти и почестей, иже по праву вам принадлежаша, и самыя жизни лишити, кротко рекли суть, яко агнцы против стригущих безгласны быша, Самому Правителю Правителей и Царю Царей душу свою предая. Ныне, от Того в Царстве Его неизреченною увенчанные славою, примите от нас, меньших братий ваших, похвалы сия, имиже вам верно вопием:

Радуйтеся, кротостью, смирением и незлобием чистоту голубиную стяжавшии!

Радуйтеся, от первоверховного служения избрании, небесными покровителями Державы Русской ставшии!

Радуйтеся, от Святой Руси в Небесное Отечество прешедшии!