මළවුන්ගේ මධ්‍යස්ථානය

"සුභ දවස්!" අනෙක් දෙදෙනා පුනරුච්චාරණය කරමින් ඔවුන්ගේ ධාරකයා කලාක් මෙන් එක හුස්මට බී නැවත වරක් වීදුරුව බැගින් ගත්හ.

"කරුණාකරලා, වාඩි වෙලා, ඔයාව සුවපහසු කර ගන්න, එහෙම නැත්තම්, පිටිපස්සට ගිහින් නාන තටාකය කිට්ටුව වාඩි වෙන්න ඔයා කැමතිද?"

"තටාකය ගාවනම් හොඳ අදහසක් තමයි," ගරෙග් පැවසූ අතර “සමහර වෙලාවට ඔයාගේ රුවැත්තියන් කීප දෙනෙකුට අපි වෙනුවෙන් ඉර එලිය තපින්න ලෑස්ති කරානම්, හොඳයි. ඇහැ පිනවන්න, ඔයා දන්නවනේ.”

“විශිෂ්ට අදහසක්. ජෝර්ජ්!."

"සර්."

ගොල්ෆ් කරත්තය ඔවුන්ව පිටුපසට ගෙන ගියේ, මනරම් ගැහැණු ළමයින් හය දෙනෙක් පැමිණෙමින් සිටියදීය. ඔවුන් තම උඩු ඇඳුම් ගලවා තටාකය වටා හිරු එලිය තැපීම සඳහා සුදානම් කර තිබූ බංකු මත අසුන් ගත්හ. රොන් විස්මයට පත් විය.

“මේ මගේ සමහර මිතුරියෝ, එයාලා මෙහෙ නැවතිලා ඉන්නවා. දකුණු දිග ප්‍රංශයේ උඩුකය නිරුවත් වෙලා අව්ව තපින එක සාමාන්‍ය දෙයක් . ඇමරිකාවේ එහෙම නෙමෙයි, අහ්, රොන්? ඒක ඔයාව අපහසුතාවයට පත් කරයිද? ඔයා අකමැති නම්, මම එයාලට කියන්නම් ඇඳුමක් ඇඳගෙන එන්න කියලා.”

“අර්, නැහැ, ජෙනාරෝ, මේ වගේ දෙයක් අපිට ජනපදයේ නැහැ, කොහොම හරි මම ජීවත් වන පැත්තෙත් නැහැ, ඒ වුනාට මම අපහසුතාවයට පත් වුනේ නැහැ. රෝමයේ ඉන්නකොට ... ජීවත් වෙමින් ඉගෙන ගන්න ... මම ඒකට පුරුදු වෙයි, මම හිතනවා.”

ජෙනාරෝ,රොන්ගේ උරහිසට ඉහලින් ගරෙග් දෙස බලා සිනහවක් පෑ නමුත් රොන් එය නොදුටුවේය. ඔහුගේ අවධානය වෙනත් තැනක විය.

“ගරෙග්, ඇයි ඔයා අපේ මිතුරාට ට්‍රන්ක් එකක් තෝරලා දෙන්නේ නැත්තේ, එයා වඩාත් සැහැල්ලුවෙන් ඉඳියි එතකොට. අපි ඔක්කොම පීනලා ඉවරවෙලා, ගෑනු ළමයිව ගිහින් හම්බවෙමු. ඔයා ඒකට කැමතිද රොන්?"

"ඒක නියමයි."

"මේ පැත්තට එන්න, රොනී, මගේ මිනිහා," ගරෙග් පැවසීය.

මිනිත්තු කිහිපයකට පසු ඔවුන් සියල්ලන්ම තටාක අසලදී හමු වූ අතර ජෙනාරෝ ඔවුන්ව ගැහැණු ළමයින්ට හඳුන්වා දුන්නේය.

“නෝනාවරුනි, ඔයාලට පුලුවන්ද මගේ යාලුවන්ට මේ ඉර එළියෙන් ආවරණය වන ක්‍රීම් ගාලා උදව් කරන්න, එයාලා මේ රටේ අය නෙමෙයි, ඉතින් අව්වට පිච්චෙන්න පුළුවන්. මහත්වරුනි, ඔයාලට මගේ රුවත්තියන්ගෙන් කවුරු උදව් කරනවටද කැමති?"

රොන් සහ ගරෙග් ඔවුන්ගේ තේරීම් කළ අතර පසුව ක්‍රීම් ආලේප කරගැනීමට බංකුවක නිදා ගත්හ. මධ්‍යධරණී මුහුද අවට අවට සහ නිවර්තන කලාපයේ ජීවිතයේ බොහෝ කාලයක් ගෙවා ඇති ජෙනාරෝට හිරු ආවරණ ක්‍රීම් අවශ්‍ය නොවීය. ප්‍රදේශයේ සිටි බොහෝ මිනිසුන්ගේ මෙන් දැඩි ලෙස හිරු එලියට දුඹුරු පැහැති වූ සමකින් යුතු රෝම සහිත ශරීරයක් ඔහුට තිබිණි.

හිරු එළියේ සහ ජලයේ ගතකල පැය කිහිපයකට පසු සහ ඔහුටම වෙන්වූ ෂැම්පේන් බෝතලයක් සමගින් රොන් තම අලුත් මිතුරා කැටුව වෙනම පිහිටි තම කුඩා නිවෙස වෙත ගිය අතර රාත්‍රී ආහාරය ගන්නා තුරු නැවත ඔවුන් දෙදෙනා නොපැමිණියෝය.

නුදුරු අනාගතයේ සැලසුම් වල නව වර්ධනයන් කිහිපයක් ගැන ජෙනාරෝ සහ ගරෙග් සාකච්ඡා කළහ.

“මගේ ආරංචි මාර්ගවලට අනුව, සඳුදා දවල් වරුවේ අපේ ඉලක්කය එයාගේ ගෙදරින් එලියට යනවලු දුර්ලභ ගවේෂණයකට. මධ්‍යම පොලිස් ස්ථානයෙන් එයාට එන්න කියලා දිවුරුම් පෙත්සමකට අත්සන් කරන්න. ඒක සාර්ථකත්වයේ හොඳ අවස්ථාවක් අපිට ලබා දෙයි කියලා මට හිතෙනවා, ඔයා එහෙම හිතන්නේ නැද්ද?"

“මොකක්, මධ්‍යම පොලිස් ස්ථානය පුපුරවලා දාන්න, ඒකෙ පොලිස් කාරයෝ පිරිලා ඉද්දී? මම හිතන්නේ ඒකෙන් ඔයාට උසස් ස්ථාන වල ඉන්න යාළුවො ගොඩ දෙනෙක් නැතිවෙයි.”

"නැහැ, මම ඇත්තටම ඇතුළ ගැන නෙමෙයි හිතුවේ, නමුත් එයා පොලිස් රථ ගාලට ඇතුළු වෙන්න, එයාගේ කාර් එකේ වේගය අඩු කරන කොට."

"ඒක ගොඩක් හොඳයි වගේ. අපිට ගිහින් උදේට පරික්ෂා කරලා බලන්න පුළුවන් නේද?"

“අනිවාර්යෙන්ම, හෙට සෙනසුරාදා වුනත්. රථවාහන ගමනා ගමන රටාව සඳුදා වගේ වෙන්නේ නැහැ හෙට. ටිකක් තදබදය අඩුයි.”

“කමක් නැහැ, සැහැල්ලු ගමනාගමනයත් එක්ක ඒක හොඳයි කියලා පේනවා නම්, අධික තදබදයත් එක්ක ඒක ගොඩාක් පහසු වෙයි. ඔයා යන්න ලෑස්ති වුනාම මට කියන්න, මම සූදානම් වෙලා ඉන්නම්. කීයටද, නමයට?”

“එතකොට අපිට දහයට එතෙන්ට යන්න පුළුවන්, ඒක හොඳ වෙලාවක්. අපි වී විලී වින්කිට කතා කරලා එයත් අපිත් එක්ක එන්න ලෑස්තිද කියලා බලමු."

රොන්, ටීනා සමඟ එළියට ආ විට, ඔහු ඇතුළට යන විට තිබූ පෙනුමට වඩා නරක පෙනුමක් ගෙන තිබූනි. බැලූ බැල්මට පෙනුනේ ඔහු කුඩා නිවසේ බාර් එක හිස් වෙන තරමට පානය කර ඇති බවත්, කිසිදු නින්දක් වත් ලබා නොගත් බවයි. ඇගේ සිරුරේ බොහෝ දේ පෙන්නුම් කිරීමේ අරමුණින් නිල් පැහැති රෙද්දකින් මසා තිබුණු ඇඳුම, තවමත් හොඳින් තිබුන අතර එය ඇයගේ ශරීරයෙන් නොවැටී තිබුනේ ඉංජිනේරු විද්‍යාවේ විස්මයක් විදහා පෑ ලෙසකිනි. රොන් ඇඳගෙන සිටියේ බෙල්ලෙන් විවෘත සුදු පැහැති හවායි කමිසයක් සහ දිගු සුදු කලිසමකි. ඔහු බොහෝ විට ඇමරිකානු වර්ජින් දූපතේ පසුගිය නිවාඩුව ගත කළ විට එය පැළඳ සිටියේය.

ජෙනාරෝ සහ ගරෙග් යන දෙදෙනාම ඇඳගෙන සිටියේ සුදු පැහැති කලිසම් සහ කෙටි අත් කමිස වන අතර, ඉන් එකක් සුදු පැහැති සහ අනෙක ලා නිල් පැහැති විය. වේල් හතරකින් සමන්විත වූ රාත්‍රී ආහාරය පුරා විනෝදවීමට අවස්ථා පිරී පැවතී අතර කීර්තිමත් ප්‍රාදේශීය ගායකයෙක් මධ්‍යම රාත්‍රිය වන තුරුම ඔවුන්ව ප්‍රීතිමත් කළේය.

උදෑසන, දැඩි ලෙස වෙස්වලාගෙන සිටි ජෙනාරෝ සහ ගරෙග් සමග සන්නද්ධ ආරක්ෂකයින් තිදෙනෙකු, පැරණි බලපත්‍ර තහඩු සහිත පැරණි අපිරිසිදු කාර් එකකට ගොඩ වී නගර මධ්‍යයට ගියෝය. ඔවුන් මාර්ගයේ දෙපසින්ම තමන් ඉලක්ක කරගත් ගොඩනැගිල්ල පසු කරමින් කිහිප විටක්ම ගමන් ගත්හ. ඔවුන් වාහන නැවැත්වීමේ ගාල නිරීක්ෂණය කල අතර, මාර්ගයේ මංතීරුවක් හරහා මාරුවීම වැළැක්වීම සඳහා ඔවුන් මාර්ගයේ දකුණු පැත්තේ සිටිනු ඇතැයි උපකල්පනය කරමින්, ඉලක්කගත වාහනය තියුණු අන්දමින් දකුණට හැරවීම සඳහා වේගය අඩු කිරීමට සිදු වන බව ඔවුන් තේරුම් ගත්හ.

රථ ගාලට ඇතුළු වීමේ දොරටුව මුරකරුවන් දෙදෙනෙකු විසින් ආරක්‍ෂා කරමින් තිබූ අතර, ඔවුන් ඇතුලත් වීමේ අවසර පත්‍ර පරික්ෂා කර මිනිසුන් ඇතුලට ගත්හ. එලෙසම එහි තිබූ බාධක ගේට්ටුව, බරැති ලණුවකින් ඇද පහත් කරන ආකාරයේ ගේට්ටුවක් විය. කෙසේ වෙතත් ඔවුන් උපකල්පනය කලේ, කාර් රථය එතරම් දුර නොයනු ඇතැයි කියාය.

පෑන් වල සඟවා තිබූ කුඩා කැමරා වලින් ඔවුන් එහි ඡායාරූප දුසිම් ගණනින් ගත්හ. පස්වැනියා හට වාහනය අසල ස්ථානයක නැවැත්වීමට ඉඩ දී, මිනිසුන් හතර දෙනෙක් එළියට බැස සාප්පු වල ජනේල දෙස බලන මුවාවෙන් මාර්ගයේ අනිත් පස පිහිටි ගොඩනැගිල්ලේ ඇතුළුවීමේ ක්‍රියාවලය නිරීක්ෂණය කළහ. ඔවුන්ට අවශ්‍ය සියලු තොරතුරු සියල්ල ඔවුන් රැස්කර ගත් අතර දැන් ඔවුන්ට අවශ්‍ය වූයේ යම් වාසනාවක් පමණි.

නැවත ජෙනාරෝ ගේ නිවසෙහිදී, මිනිසුන් දෙදෙනා ඔවුන් සතු සියළුම දර්ශන පරිගණකයකට සම්බන්ධ කළ අතර පසුව එය වඩාත් ප්‍රයෝජනවත් වන පරිදි හසුරුවා ගත්හ. ඔවුන් සමහර ගොඩනැගිලිවල සත්‍ය ඡායාරූප සහිතව සවිස්තර සිතියමක් සාදා පසුව A2, A3 සහ A4 ප්‍රමාණයේ පිටපත් මුද්‍රණය කළහ. සැලැස්ම දැන සිටියේ ඔවුන් දෙදෙනා පමණක් වන අතර අවසාන මොහොත දක්වාම එය එලෙසම තබා ගතයුතු විය. රොන් හට කලින් පැවසිය යුතුවූ අතර බොබ්ට ද එසේ පැවසිය යුතු වූ නමුත් ජෙනාරෝගේ මිනිසුන් කිසිවෙකුට කිසිවක් කිවයුතු නොවේ.

ජෙනාරෝගේ ලෝකයේ සෑම තැනම ඔත්තුකරුවන් සිටියහ.

සෙනසුරාදා සවස් කාලයේ බොබ් පැමිණි විට ගරෙග් සහ ජෙනාරෝ සැලැස්ම පැහැදිලි කර ඔහුගේ අදහස් විමසූහ. ඔහු විසින් එක් කරන ලද සුළු ආරක්‍ෂක අංගයක් වහාම අනුමත කෙරිණි.

සැලැස්ම සැමදා පවතින දෙයක් මෙන් ස්ථීර වූ විට බොබ් පැය කිහිපයක් සඳහා රියදුරෙකු සමග කාර් රථයක් ලබා දෙන ලෙස ඉල්ලා නගරයට පිටත් විය. ඔහුට වගබලා ගැනීමට යමක් තිබුණි. ජෙනාරෝ වෙනත් වැඩ කටයුත්තක් නිරීක්‍ෂණය කිරීමට ගිය අතර ගරෙග්, තටාකය අසල අවසන් වරට සිටි රොන් සෙවීමට ගියේය.

"රොන්, මට පුළුවන් වෙයිද ඔයා එක්ක වචනයක් කතා කරන්න?"

රොන් නැගිට ගරෙග් පසුපස පියවර කිහිපයක් ගියේය. ඔහුගේ සුඛෝපභෝගී නිවාඩුව ඉතා ඉක්මනින් අවසන් වීමට නියමිත බවට ඔහුගේ හදවත කිඳා බසින සිතුවිල්ලක් ඔහුට ඇති විය .

"මොකක්ද, ගරෙග්?"

"අපි ගාව ඔයාට මෙහෙයුමක් තියනවා, ඒක වෙන්නේ සඳුදා."

"ආ, එහෙමද. මම දැනගෙන හිටියා මේ විනෝදය වැඩි කලක් පවතින්න බැහැ කියලා. පුදුමයි නේද, මිනිසුන්ගේ ජීවිත අතර වෙනස? ජෙනාරෝට මේ ඔක්කොම තියනවා, පැය හතලිස් අටකදී මට මුකුත් නැහැ.”

"මාව වරදවලා තේරුම් ගන්න එපා, මම ඊර්ෂ්‍යා කරන්නේ නැහැ. මම අපේ ගනුදෙනුවෙන් අයින් වෙන්න උත්සාහ කරනවත් නෙමේ. මට නිකමට හිතුනා, මේ වගේ තැන් තියෙන්නේ චිත්‍රපට වල විතරයි කියලා. මං මෙහෙම අහන එක ඔයාට ප්‍රශ්නයක් නැත්නම්, මේ ඔක්කොම සල්ලි හම්බ කරන්න, ජෙනාරෝ මොනාද කරන්නේ?”

"මම හරියටම දන්නේ නැහැ, මම හිතන්නේ නැහැ එයත් ඒක දන්නවා ඇති කියලා. එයාගේ පවුල ගොඩක් කාලෙක ඉඳන් පොහොසත්. එයාලගේ ඇඟිලි ගොඩාක් පුඩින් වල තියනවා. මම සිතන්නේ පළවෙනි හා දෙවෙනි ලෝක යුද්ධයෙන් පස්සේ, ලොකු මුදල් උපයා ගන්න විශාල අවස්ථාවන් තියෙන්න ඇති කියලයි. ඔයා දන්නවානේ, හොඳ යාලුවන්ගෙන් වත් අහන්න බැරි සමහරක් ප්‍රශ්න තියනවා කියලා.”

"මමත් එහෙම හිතනවා. ඔයා මට වැඩි විස්තර කියන්න යන්නේ කවදාද?”

"හෙට දුන්නම ඇති කියලා මම හිතනවා. ඔයාගේ භූමිකාව රඟ දක්වන්න අමාරු නැහැ, කොහොමත් ලැබෙන ප්‍රතිඵලය ඔයාට සහතිකයි. ඔයාට ඒක තේරෙනවද?”

"ඔව්, ගරෙග්, ඔයා සහ බොබ් හැම වෙලේම ඒ දේ මට තේරුම් කරවන්න ඉදිරියෙන්ම හිටියා."

“බොබ් සහ මම, අපි දෙන්නම සොල්දාදුවන් වෙලා හිටියා. ඒ නිසා අපි දෙන්නම දන්නවා සහෝදරවරු අතර අවංකකමේ අවශ්‍යතාවය. අපට පුළුවන් හැමදේම අපි ඔයාට කියලා තියෙන්නේ.”

"මම ඒක අගය කරනවා, ගරෙග්. ඒවගේම මාව ඒකට ඇතුළත් කරපු එක ගැනත් ඔයාට ස්තුතියි."

“ඔයා සහෝදරයෙක්, එකට අවි දරන සහෝදරයෙක්. ඔයා ඔයාගේ මරණයට මිනිසෙකු වගේ මුහුණ දෙන්න ලෑස්ති වෙනවා, ඒ ගැන මම ඔයාට ගෞරවය පුද කරනවා. හැම සෙබළෙක්ම බලාපොරොත්තු වෙන්නේ එයාගේ පූජාව කරන්න වෙලාව ආවම, ඒක කරන්න ශක්තිය ලැබෙන්න කියලයි.”

“ඔයා දන්නවද, මම හමුදාවේ හිටියා, එයාලා කියන විදිහට, ජීවිත කාලයට ඉස්සර…”

“ඔව්, මැරීන් භටයෙක් විදිහට, නේද? වියට්නාමය? බොබ් මොකක් හරි මට කිව්වා ඒ ගැන."

“ඔව්, 1 වන බලඇණිය, 4 වන එක්සත් ජනපද මැරීන් බළකාය, මම මගේ අවුරුදු දෙක කළා, පස්සේ මම එළියට බැස්සා. මම ඒකට කැමති වුණේ නැහැ.”

"ඔයා සහ බොබ් බ්‍රිතාන්‍ය හමුදාවේ දැනටත් සේවය කරනවද, නැත්තම් දැනට නැද්ද?"

"ඔව්."

"මම එහෙම හිතුවා. ඒ ගැන හැම වෙලාවකම කියන්න පුළුවන්, එහෙම නේ. බොබ්ගේ වෘත්තීමය, මිලිටරි ආකල්පය වගේම දරාගැනීම නැත්තම් මම මේ වෙනුවෙන් අත්සන් කරයි කියලා මම හිතන්නේ නැහැ ... මට එයාව විශ්වාස කරන්න පුළුවන් කියලා තේරුණා. ඔයත් එහෙමයි. නමුත් මම මෙහෙම කියන එක ගැන ඔයා අමනාප නැත්තම්, මම ඔයාව නිලධාරියෙකු විදිහට දාලා බොබ්ව NCO කෙනෙක් විදිහට තියනවා.”

"ඔව්, ගොඩක් හොඳයි."

“එහෙනම් සුභ රාත්‍රියක් වේවා, රොන්, අපි සැලසුම ගැන ඔයාට කිව්වට පස්සේ ආයේ කිසිම ගැහැණු ළමයෙක් එක්ක ඔයාට ආශ්‍රයක් තියා ගන්න අපි ඉඩ දෙන්නේ නැහැ. ජෙනාරෝ ඔයාගෙන් කිසිම ප්‍රශ්නයක් අහන්නේ නැහැ, නමුත් බොබ් සහ මම දැනටමත් ඒ මෙහෙයුම ගැන දන්නවා. ඒ නිසා හෙට උදේ කෑමෙන් පස්සේ ඔයා එක්ක කතා කරන්න අවසරය තියෙන්නේ අපි දෙන්නට විතරයි. හරි, රොන්?"

"ඔව් මට තේරෙනවා."

“හොඳයි, හොඳයි, ඔයා ගිහින් විනෝද වෙන්න, අපි ඔයාව රෑ කෑම වෙලේදී හමුවෙන්නම්. කොහොම වුනත්, ඔයා වෙනත් ආකාරයකින් වැඩක යෙදිලා ඉන්නවා නම්, කරදර වෙන්න එපා, අපි උදේ කෑමට හම්බවෙමු. එහෙනම්, ඔයාව පස්සේ හම්බවෙන්නම්."

"බායි, ගරෙග්," ඔහු නැවත, ෂැම්පේන් සහ තටාකයේ සිටි ගැහැණු ළමයින් වෙත ගියේය.

∞

උදෑසන ආහාරයෙන් පසු ගරෙග්, බොබ් සහ රොන් ඒ කාරනය සඳහා ඔවුන්ට වෙන්කර තිබූ අමතර නිදන කාමරයකට ගියහ. ගරෙග් සැලැස්ම වේගයෙන් තේරුම් කරදුන් අතර නැවත වරක් සෙමින් සෙමින් එය විස්තර කළේය. එය සරල වූ අතර රොන්ට ප්‍රශ්න කිසිවක් නොතිබිණි.

“පැහැදිලි නැති කිසිම දෙයක් ගැන මට හිතන්න බැහැ, නමුත් සමහර විට මට පස්සේ මොනවා හරි මතක් වෙන්න පුළුවන්.”

“එහෙම මතක් උනොත්, අපි කොහේවත් යන්නේ නැති නිසා අහන්න. ඒ වගේම, ඔයාට ආයෙත් සැලැස්ම ක්‍රියාත්මක වෙන විදිහ ගැන බලන්න ඕනේ නම්, අපෙන් එක් කෙනෙකුට හරි, දෙන්නටම හරි කතා කරන්න. මේ මෙහෙයුම ගැන ඕනෑම දෙයක් වෙනුවෙන් ඊළඟ පැය විසිහතර තුළ අපි ඔයා වෙනුවෙන් ඉන්නවා.”

"එතකොට ගෙවීම?"

"ඔයා දැනටමත් බොබ්ට ඔයාගේ කැමැත්ත ගැන කියලා තියනවා, නේද? ඔයාගේ බිරිඳට දෙන්න ඩොලර් 500,000 ක් වටිනා රත්තරන් සහ දියමන්ති ඔයා තෝරගෙන තියනවා, ඒවා එයාගේ බැංකුවේ ප්‍රාදේශීය ශාඛාවේ තැන්පත් කරලා තියනවා, ඔයා දැක්කා නේද?”

"ඔව්, ඒක හරි. කොහොම හරි, එයාට ඒවා ලැබෙන්නේ කවදාද? ”

"ඔහ්, එකට යන්නේ දවස් කිහිපයක් විතරයි. බදාදා හෝ බ්‍රහස්පතින්දා එයාට දැනුම් දීමක් ලැබෙන්න ඕනේ. ඔයා, එයාට යවන ඔයාගේ සමුගැනීමේ ලියුම ලියලද තියෙන්නේ?"

“නැහැ, නමුත් මම එය අද රෑට ඒක ලියලා ඔයාට හරි බෝබ්ට හරි හෙට උදේට දෙන්නම්. කාමරේ ලිපි ද්‍රව්‍ය තියෙනවා කියලා මම දැක්කා.”

බොබ් සහ රොන් දහවල් කාලයේ වැඩි හරියක් ගත කළේ බියර් බොමින් හා මිදුලේ කතා කරමිනි. බැලීමට ගැහැණු ළමයින් එහි සිටියේ නැත. ගරෙග් සහ ජෙනාරෝ විටින් විට බියර් පානය කිරීම සඳහා නතර වූ අතර දහවල් කාලය ඉක්මණින් හා විශ්වාසදායක ලෙස ගත විය. කෑමට පැයකට පෙර ස්නානය කිරීම සඳහා රොන් ඔහුගේ කුටිය වෙත ගියේය. ඔහු සිය අවසන් ලිපිය ලිවීම ආරම්භ කළ නමුත්, ඔහු නිවෙස අතහැර යාමට සුළු මොහොතකට පෙර එය අවසන් කිරීම ඔහුට අවශ්‍ය විය.

ඔහු සිතුවේ, එවිට එය හදවතින්ම පැමිණියාක් මෙන් පෙනෙන බවත් එවිට එය වඩාත් පෞද්ගලික දෙයක් වනු ඇති බවත්ය.

රාත්‍රී ආහාරය කිසිසේත් මනසින් දුෂ්‍ය නොවූ අතර රොන් ඇත්තෙන්ම ‘මැරෙන්න ඉන්න අපි ඔබට ආචාර කරමු’ කියා, ඔහු සැමට ආචාර කළ අතර ඔහු දන්නා තරමින්, ජෙනාරෝ කුමන්ත්‍රණයේ නොසිටි බව අමතක කළේය. ජෙනාරෝට ඔහුගේ කොටස ඉටු කිරීමට අමතක වූ අතර රොන්ට ආපසු ආචාර කළේය.

ඔවුන් හතර දෙනාම මැදියම් රැයේ තනි තනිව නින්දට ගිය අතර රොන් පවා හොඳින් නිදාගත්තේය.

ඊළඟ දිනයේ නින්දෙන් අවදි වූ විට මිනිසුන් හතර දෙනාම යම් හිසරදයකින් පෙළුන බව පැවසීම සාධාරණ නමුත්, එය පැරසිටමෝල් පෙති මගින් සුව නොකල හැකි දෙයක් නොවීය. උදෑසන ආහාරය හතට වූ අතර සැලැස්ම පිළිබඳ අවසන් විස්තරය ඉන්පසුව දීමට නියමිතව තිබුණි. ජෙනරෝගේ සහභාගිත්වයෙන් තොරව.

ප්‍රථම වරට, මරාගෙන මැරෙන ඇඳුම් කට්ටලයක් සවි කර එහි ක්‍රියාකාරිත්වය ඔහුට පෙන්නුම් කර දුන් අතර ඔහු එයින් සතුටට පත් වූයේ එහි බලවත් බලය නිසා ඔහුගේ බිය නැතිවී ගිය බැවිනි. මරාගෙන මැරෙන ජැකට් විශාල හා දැඩි යැයි ඔහු සිතූ නමුත්, මෙය එසේ නොවීය.

රොන්ට ඇඳුම් කට්ටලය පෙන්වමින් බොබ් පැහැදිලි කළේය.

“හැම ජැකට් එකක්ම විශේෂ විදිහට හදන්නේ ප්‍රමාණය ගැන බලලා නෙමෙයි, අරමුණක් වෙනුවෙන් නිසා ඒ හැම එකක්ම තරමක් වෙනස්. සාමාන්‍යයෙන් මරාගෙන මැරෙන බෝම්බකරුවන් උපරිම වශයෙන් 360° ප්‍රදේශයකට හානි වෙන්න, පුපුරණ ද්‍රව්‍ය ශරීරය වටේම බැඳගෙන ඉන්නවා. කොහොම උනත්, අපි උත්සහා කරන්නේ ඔයාගේ පිපිරුම ඉස්සරහට හානි වෙන විදිහට අරගන්නයි. එතකොට ඔයා ඇත්තම කාල තුවක්කුවක කට වගෙයි. ඔයාගේ පපුව ඉස්සරහා තියන ඕනෙම එකකට පිපිරීමෙන් වැඩි බලයක් දැනෙනවා.”

“ඒක එහෙම වෙනකොට, ඔයාගේ පිටිපස්සේ තියන දේවලුත් හානි වෙනවා, මොකද ඔයාගේ ශරීරයේ උඩ කොටස ක්ෂණිකයෙන් වෙන්වෙලා යන නිසා, ඒ වගේම පොරොන්දු වෙච්ච විදිහටම ඔයාට ක්‍ෂණික මරණයක් ලැබෙනවා.”

"ඔයාට කිසිම දෙයක් දැනෙන එකක් නැහැ.”

"ඔයාගේ සයිස් එකට මේක හරිද කියලා උත්සාහ කරලා බලන්න, නමුත් මීට ඉස්සර අපිට කිසිම ගැටළුවක් වෙලා නැහැ.”

"මගේ ෂර්ට් එකට උඩින්?"

“ඔව්, ඔයා කබායක් අඳිනවා වගේ ඔයාගේ ෂර්ට් එකට උඩින් ඒක අඳින්න. ඔයාට පේනවා ඇති, ඒක හරියට ජෑස් සංගීතඥයෙක් සාමාන්‍යයෙන් අඳින එකක් වගේ පෙන්නේ - ඒක ඒවගේ විලාසිතාවක් ඇරෙන්න, වෙන දෙයල් කියලා හිතන්න බාහිර ලකුණු මුකුත් නැහැ. පුපුරන ද්‍රව්‍ය ලයිනිං එකට තියලා මහලා තියනවා. මෙතනයි, මෙතනයි ටිකක් වැඩියෙන් පැක් කරලා තියෙන්නේ, ඔයාට පොඩි බඩකුයි, මිනිස් පියයුරුයි ලබා දෙන්නයි. ඔයා ස්ටෝන් දෙකක් විතර බර වැඩියි වගේ පෙනෙයි, නමුත් මේ දවස් වල ඒක සාමාන්‍ය දෙයක් විදිහට පෙනෙයි.”

“ කොහොම හරි, මේක පුපුරුවා ගන්න ස්විච් එක අතේ තියාගන්න එකක් නෙමෙයි. මොකද එතන ඉන්න ආරක්‍ෂක නිලධාරින් හොඳට පුහුණුව ලබපු අය. එයාලා ඒවා ගැන හොඳ විමසිල්ලෙන් ඉන්නවා, ඒ වගේම සාක්කුවේ අත දාගෙන ඉන්න අය ගැනත් හොඳට විමසිලිමත් වෙනවා. කබායේ තියන උඩ බොත්තම එබුවම තමයි, අපේ ඒවා ක්‍රියාත්මක වෙන්න හදලා තියෙන්නේ. ඒකෙන් විදුලි පරිපථය සම්පූර්ණ වෙලා, ඩෙටනේටරය ක්‍රියාත්මක වෙලා පුපුරලා යනවා. බය වෙන්න එපා. ඒ සියල්ලටම නැනෝ තත්පර කිහිපයකටත් අඩු කාලයක් තමයි ගත වෙන්නේ. ඒ නිසා ඔයාට ඩෙටනේටර් වෙනවා දැනෙන්නෙත් නැහැ.”

“මුළු උපාංගයම බල ගැන්වෙන්නේ වෝල්ට් නවයේ PP9 බැටරියකින්. ඒක කබායේ, උඩම සාක්කුවේ තමයි තියෙන්නේ. මෙතන තමයි තැන.”

“ඒක ඇතුලට දැම්මට පස්සේ, ආයේ අයින් කරන්න බැහැ. ගන්න උත්සහා කරොත් එහෙම ඒක පුපුරලා යනවා. මෙහෙයුමේ සාර්ථකත්වය සහතික කරන්න උපකාර වන තවත් අධි තාක්‍ෂණ විශේෂාංග එකක් හෝ දෙකක් තියනවා. නමුත් ඔයත් එක්ක ඒ ගැන කතා කරන්න මට අවසර නැහැ. කොහොම උනත්, මම කියන්න ඕනේ එක දෙයක් තියනවා. මේ ජැකට් එක සන්නද්ධ කරාට පස්සේ, ඔයාට ජීවත් වෙන්න බැහැ. අවසාන මොහොතේ ඔයාගේ අදහස වෙනස් කරන එක වලක්වන්න කරපු දෙයක් ඒක.”

“මම මේ බැටරිය මේ සාක්කුවේ තියෙන රඳවනයට ඇතුළු කරපු ගමන්ම ඒකෙන් ඔයාගේ ඉරණම මුද්‍රා වෙනවා කියලා කියන එක ප්‍රමාණවත්. මොනවා වුනත්, ඔයාගේ ඉරණම මේ වන විටත් දෙවියන් වහන්සේ විසින් මුද්‍රා කරලයි තියෙන්නේ. මම කලින් ඔයාට කිව්ව විදිහට, ආපසු හැරෙන්න බැරි මොහොත තමයි ඔයාගේ මෙහෙයුම ඔයාට හෙළිදරව් කරණ මොහොත. ඒක දැන් ඔයා පහුකරලා තියෙන්නේ, ඒක නිසා දැන් ඔයා, සමහර අය කියනවා වගේ ඇවිදින මළමිනියක්.”

“ඔයාට පුළුවන් තරම්, කාර් එකට ලං වෙන එක අත්‍යවශ්‍යයි. වඩාත් හොඳයි ඔයාට විවෘත වෙලා තියන ජනේලයක් කිට්ටුවට යන්න පුලුවන්නම්. මොකද කාර් එක සන්නද්ධ කරලා වෙඩි වදින්නේ නැති වීදුරු හයි කරලා තියන නිසා. එතන ඉන්න ආරක්‍ෂක නිලධාරියාට යම් අවසර පත්‍රයක් කාර් එකේ රියදුරා පෙන්නන්න වෙනවා. ප්‍රහාරයට හොඳම වෙලාව මේක තමයි. අපි වෙනත් ක්‍රමත් අත්හදා බැලුවා, නමුත් ඒවා සාර්ථක වුනේ නැහැ. ඔයා තමයි අපේ අවසාන බලාපොරොත්තුව.”

"මට කියන්න පුළුවන්ද 'එයා' කවුද කියලා?"

"ඒක මම නොකළ යුතු දෙයක්," ගරෙග් කීවේය. “නමුත් කියන එකේ හානියකුත් මට පෙන්නේ නැහැ. එයා නේටෝ හමුදාවේ ඉහළ පෙළේ ජෙනරාල්වරයෙක්, ප්‍රංශ ජාතිකයෙක්. එයා චීනයට ටිකක් ආවඩනවා. එයාගේ දැනුම චීන අයගේ අතට පත්වෙන්න අපිට ඉඩ දෙන්න බැරි හින්දා අපිට එයාව නැති කරන්න වෙනවා.”

"මට තේරෙනේවා. ඉතිං මේක හරිම වැදගත් නේද? ඒ දේ මාත් එක්ක බෙදා ගත්තට ස්තුතියි. ඔයා දන්නවනේ, අහල පහල අයට හානියක් සිද්ධ වුනොත්, ඒක හෘද සාක්‍ෂියටත් ගොඩක් පහසු වෙයි.”

“ඔව්, ඔයාගේ කනස්සල්ල අපිට තේරෙනවා, නමුත් ඔයා මෙන්න මේ වෙලාවේ පහර දුන්නොත්, ඒ කියන්නේ වාහනය ගේට්ටුවේ බාධකයට ළං වන කොට, රියදුරුරෑට එයාගේ පාස් එක පෙන්නන්න ජනේලය පහත් කරණ වෙලාවේ, එතකොට පිටිපස්සේ ඉන්නේ ආරක්ෂක භටයන් දෙන්නෙකුයි, දෙපැත්තේ තියෙන්නේ ගඩොල් බිත්ති විතරයි. කොහොම හරි ඔයාට පුළුවන් වෙනවා පලායන ජෙනරාල්වරයාවයි එයාගේ සහායකයනුයි මරා දාන්න, සමහරවිට ආරක්ෂක භටයින් දෙන්නා මැරෙන්නත් පුළුවන්, තුවාල වෙලා බේරෙන්නත් පුළුවන්. ඒ කියන්නේ අහල පහල අය දෙන්නයි මැරෙන්නේ. ඒක කනගාටුවට කරුණක් තමයි, නමුත් පිළිගන්න පුළුවන් ගානක්.”

“ඔයා එකඟ වෙනවද, රොන්, යුද්ධ කාලේදී දාන රොකට් වලටයි, බෝම්බ වලටයි ගොඩාක් අහිංසක සිවිල් පුරවැසියන් මැරුනා නේද? ඔයා නිසා මැරෙන්නේ දෙන්නෙක්. නමුත් ඒකත් අපිට නිශ්චිත නැහැ තාම.”

“ඔයා ඔයාගේ බිරිඳට ලියුම ලියලද තියෙන්නේ?"

"ඔව්, මෙන්න."

"හොඳයි. මේක එයාට ලැබෙයි. මම පොරොන්දු වෙනවා,” බොබ් පොරොන්දුව දෙන ආකාරයෙන් ඔහුගේ හදවතට අත තබා එය ස්ථිර කළේය.

∞

නවය වන විට ජෙනාරෝගේ රියදුරෙක් ගරෙග්, බොබ් සහ රොන්ව, සිද්ධිය සිදුවීමට නියමිත ස්ථානයට යාර සියයකට නුදුරු ස්ථානයකට රැගෙන ගියේය.

"රොන්, ඔයාට කොහොමද දැනෙන්නේ?" බොබ් ඇසීය.

“විශිෂ්ටයි, නමුත් ඔක්කොම හරි. මම සාමාන්‍යයෙන් ලොකු කබායි, මේ වගේ දිග බොරු කොන්ඩෙයි අඳින්නේ නැහැ.”

“නැහැ, සමහර විට කොහෙත්ම නැහැ, නමුත් මගේ වචන විශ්වාස කරන්න. ඒක අදාළ නැති දෙයක් වගේ කැපිලා පේන්නේ නැහැ, ඒක ඇත්ත වශයෙන්ම ඔයාට ගැලපෙනවා. කොහොම වුනත්, කනේ තියන සන්නිවේදකය වැහෙන්න ඔයාට බොරු කොණ්ඩයක් ඕනේ.”

"මේක ගන්න රොන්" බොබ් රොන්ගේ කලිසම් සාක්කුවකට යමක් දමමින් කීවේය.

"ඒක මොකක්ද?"

“පොඩි පිස්තෝලයක්. මොනා වෙයිද දන්නේ නැහැනේ. ඒ වගේම මේකත් ගන්න."

"ඒක මොකක්ද?

"අපි කියමුද, ඒක ඔයාගේ අධිෂ්ඨානය ශක්තිමත් කරන ඹෞෂධ සංයෝගයක් කියලා."

“ඒන්ජල් ඩස්ට් වගේද? හැත්තෑව දශකයයේ වියට්නාමයට පස්සේ නම් මම ඒ වගේ කිසිම දෙයක් අරන් නැහැ.”

“ඒක ඒන්ජල් ඩස්ට් නෙමෙයි. නමුත් ඒ හා සමාන බලපෑමක් ඇති කරන දෙයක්. ඒක ඔයාගේ ස්නායු සමනය කරලා, දහඩිය දාන එකයි, ස්පන්දනයයි අඩු කරලා බය නැති කරනවා.”

"ඒක විහිළුවක්, නමුත් මම බය නැහැ."

ඔවුන් කාරයෙන් බැස ගත් අතර, එය නැවත පිටත් විය.

"හරි, රොන්, ඔයා හොඳ පෙනුමකින් ඉන්නවා,” බොබ් පැවසීය. “ඔයාගේ සාක්කුවේ තියෙන දේ අමතක කරන්න එපා. ඒ උනාට ඔයාගේ සාක්කුවේ අත දාගෙන එයාලා ගාවට ළං වෙන්න එපා. ජෙනරාල්ගේ මිනිස්සු හරි දක්ෂයි, එයාලා ඒ ගැන සැක සහිත වෙන්න පුළුවන්. එයාලා ගාවට ගිහින්, වෙලාව අහනවා වගේ මොනවා හරි අහන්න.”

“මට දැන් යන්න වෙනවා රොන්, නමුත් ගරෙග්, එයාලගේ කාර් එක තියෙන තැන ගැන ඔයාට දැනුම් දෙනවා. ඒ නිසා එයාගේ හඬට අවධානය යොමු කරන්න, නමුත් ආපසු කතා කරන්න උත්සාහ කරන්න එපා. ඔයාට බැහැ කතා කරන්න, මොකද මයික් එකක් නැති නිසා. අනික ඔයා ගාව කිසිම කෙනෙක් නැතුව ඔයා තනියම කතා කරනවා කියලා එයාලා දැක්කොත්, ඒකේ සැක සහිත බව එයාලට වැටහෙනවා. ආයුබෝවන්, රොන්, ඔයාව දැන ගැනීම සතුටක්.”

"යන්න, උන්ව අරගන්න. දෙවියන් එක්ක යන්න, සහෝදරයා!" ගරෙග් පැවසීය.

ඔවුන් රොන් හට අතට අත දුන් අතර ඔහුගේ දෑසේ කඳුලු බිඳුවක් දිස් විය.

බොබ් PP9 බැටරිය රොන්ගේ ඉහළ සාක්කුවේ ඇති පසුම්බිය තුළට තල්ලු කළේය.

රොන් ඔහුගේ දෑස් දෙස බැලූ අතර නිසැකවම ඔහු දැන් මියගිය අයෙකු බව දැන සිටියේය. ගරෙග් ඔහුගේ උරහිසට තට්ටු කළ අතර ඔවුන් හැරි ඔහුගෙන් වෙන්ව ගියහ.

යාර පනහක් ගියපසු, බොබ් ඔහුගේ උරහිස මතින් පිටුපස බැලීය.

“එයා පාර පනිනවා. පාරේ මැද කොටසට වෙලා ඉන්නවා, රථවාහන ගමනාගමනය අඩු වෙනකන්. සැලැස්මට අනුව ඔක්කොම වෙනවා. මෙතනින් සර්,"

මේසය අසල සිටි මහලු කාන්තාව වෙත බොබ් හිස වැනුවාය, 'බොන්ජෝර්, මැඩම්' යනුවෙන් ඔහු පැවසූ අතර, ඔවුන් දෙදෙනාම එකවර පඩි දෙක බැගින් නගිමින් උඩට ගියෝය. පෙර දින ඔහු කුලියට ගත් කාමරයට ගිය පසු ඔහු දොර අගුළු දමා, ඇඳ යට තිබූ පෙට්ටිය ඉවතට ගත් අතර ගරේග් ඒ අතර තුර ජනේලය විවෘත කළේය. බොබ් L115A3 ස්නයිපර් රයිෆලය තත්පර කිහිපයකින් එකලස් කර පෙර දින ඔහු එහි තබා තිබු මේසය මත එහි ත්‍රිපාදකයෙන් රැඳවීය. එය ඇත්තෙන්ම ඉතා හොඳින්, කාමරයේ සෙවනැල්ල ඇතුලත විය.

ඔහු රොන් දෙස බැලුවේ රයිෆලයේ දසුන් තුළින් ය. “රොන් දැන් ස්ථාන ගතවෙලා ඉන්නේ, ගරෙග්. මං හිතන්නේ අපි එක්ක සම්බන්ධ වෙන්න බලාගෙන.” යාර එකසීය පනහක් පමණ දුරින්, ගරෙග්ට ඔහුව පැහැදිලිව දැක ගත හැකි විය. ඔහු වාහන ගමනාගමනය පරීක්‍ෂා කර, “හරි, රොන්, ඔයා හොඳින් ඉන්නවා. වාහන නවත්වන තැනේ ගේට්ටුව දිහාවට ඇවිදගෙන ගිහින් යාර පනහක් ගමනාගමනයට විරුද්ධ පැත්තට ඇවිදගෙන යන්න.”

රොන් ගේට්ටුවෙන් පිටත නතර වී වටපිට බැලූ අතර පසුව ඉදිරියට ගියේය.

“ඒක තමයි, රොන්, ලස්සනටයි පහසුවෙනුයි, හිමීට ඒක කරමු. වැඩි දුර යන්න එපා, මොකද ඉලක්කය අනෙක් දිශාවෙන් ආවොත් ඔයා ස්ථානයෙන් පිට ඉඳියි. අන්න හරි. ඔතන ඉන්න. ගෘහ නිර්මාණ ශිල්පය අගය කරනවා වගේ, ඒවා බල බල එතන පොඩ්ඩක් නතර වෙලා ඉන්න. මම හිතන්නේ ඉලක්කය ළඟා වෙනවා මට පේනවා කියලයි. ඔයා ඉන්නේ නියම තැනයි ... පදික වේදිකාවේ පොඩ්ඩක් ඇතුළට ගිහින්, ආයෙත් රථගාල දිහාවට ඇවිදින්න ... හිමින්. හැරෙන්න එපා, මම ඔයාගේ ඇස් දෙක වෙන්නම්.”

“ඉලක්කය ඔයාට යාර විසිපහක් පිටිපස්සෙන් ඉන්නේ, දැන් හිමින් හිමින් ළං වෙනවා, ටිකක් වේගයෙන් යාර පහළොවක දුර යන්න ... ඒක දැන් ඔයාට ඉතා ළඟයි. හරි, ඔයාව පහුකරලා යන්න ඒකට ඉඩ දෙන්න, ඒක පදික වේදිකාව හරහා ගිහින් ආරක්ෂකයා ඒක ගාවට එනකොට ඔයාට යාර පහක් විතර ඉස්සරහින් ඒක තියෙන්න ඕනේ. අන්න ඒක එතෙන්ට යනවා…”

"ඒක ඔයා හරහා දාපු එකට ඔයාට තරහා ගියා වගේ කේන්තියෙන් බලන්න, අන්න ජනේලය පහත් වෙනවා, දැන් ඉස්සරහට යන්න රියදුරුට කතා කරන්න, දැන්!"

මහා විශාල පිපිරීමක් සිදු වූ අතර, මෝටර් රථය ගින්නෙන් පිරී යන අයුරු ඔවුන් බලා සිටි අතර, එය ඔවුන්ගෙන් ඉවතට වීදිය දිගේ පෙරළී යාමට පෙර එහි පෙට්‍රල් ටැංකියද පුපුරා ගියේය.

∞

"හොඳයි, ඒක බලාපොරොත්තු වුනා වගේම හොඳින් සිද්ධ වුනා," ගරෙග් ජනේලය වසා දැමූ නමුත් සම්පූර්ණයෙන්ම වසා නොදැමුවේය. "එන්න, බොබ්, අපි මෙතැනින් යං. රයිෆලය නැවත ඇඳ යට තියන්න, ජෙනාරෝගේ මිනිස්සු පස්සේ එක අරගනියි.”

බොබ් කාමරයේ දොර විවෘත කළ අතර ඔවුන් ඉක්මනින් පහළ මාලයට පැමිණියහ. මහලු කාන්තාව ඇගේ ස්ථානයේ නොසිටියාය. ඇය සහ ඒ අවට අනෙක් සියල්ලන්ම වීදියේ සිටියේ මොන මගුලක් සිදුවුනා දැයි විපරම් කරමිනි. යාර තුන්සියයක් ඈතින් නවතා තිබූ ජෙනාරෝගේ කාර් රථයක් වෙත යාම ගැරෙග්ට සහ බොබ්ට පහසු කටයුත්තක් විය. ඔවුන් එයට ගොඩ වූ වහාම රථය සාමාන්‍ය වේගයෙන් පිටත් විය.

කිසිවෙකු හෝ තමන් පසුපස එන්නේ දැයි සොයා බැලීමට ඔවුහු නගරයේ කෙටි සංචාරයක් කළ අතර පසුව ජෙනාරෝගේ නිවෙස වෙත ආපසු ගියහ.

ජෙනාරෝ ඉස්තෝප්පුවේ, අයිස් මත ෂැම්පේන් සහ ග්‍රිල් කළ පොකිරිස්සන්, බාබකියු කළ ඉස්සන් සහ සලාද සමඟ ඔවුන් එනතුරු බලා සිටියේය.

“මහත්වරුනි, ඉතා සාර්ථක මෙහෙයුමක් විශිෂ්ට විදිහට සිදු කරපු එක ගැන මම ඔයාලට සුබ පතනවා. සීසීටීවී වලින් පිපිරුම සිද්ධ වෙනකන් හැම දෙයක්ම මම දැක්කා, නමුත් දේශීය රූපවාහිනියෙයි ගුවන් විදුලියෙයි මට අහන්න ලැබුනේ, දිවි ගලවා ගත්තු කවුරුත් නැහැ කියලයි.”

“කාර් එකේ පස් දෙනෙක් ඉඳලා තියනවා, ඔයාගේ මිනිහා, රොන් සහ ආරක්ෂක නිලධාරියෙක් මැරිලා. අනිත් ආරක්ෂක නිලධාරියා පොඩි තුවාල ලබලා තියනවා, ඒ වගේම කාරෙක ළඟ හිටපු දුසිමකට කිට්ටු පිරිසකටත් තුවාල වෙලා තියනවා. මොකද, ඒක පාරට පෙරලිලා ගිහින්, ආයෙත් පිපිරිච්ච නිසා.”

"මේ දේ සංවිධානය කරා කියලා එයාලා මාව සැක කරයි කියලා මට කිසිම සැකයක් නැහැ, නමුත් මගේ ඇඟේ ඇනෙන ඒ කටුවෙන් මම සදහටම නිදහස් වුනා. නමුත් ඒකට මාව සම්බන්ධ කරන කිසිම සාක්ෂියක් නැහැ. කොහොම උනත්, ඒ පාලම තරණය කරන්න ඕනේ උනොත්, මම ඒකත් කරනවා.”

"කන්න, බොන්න, සතුටින් ඉන්න මහත්වරුනි."

ඔවුන් වීදුරු එකිනෙක වද්දා, බීම එකවිට පානය කළහ.

"ජෙනාරෝ, ඔයා අපේ වැඩ ගැන තෘප්තිමත් වෙච්ච එක ගැන මම සතුටු වෙනවා," ගරෙග් පැවසීය. "අපි අද රෑ සාදයක් පවත්වමු, ඔයාගේ ඊළඟ වැඩේ පටන් ගන්න, හෙටම ගෙදරට පියාසර කරන්න ඕනේ.”

Конец ознакомительного фрагмента.

Текст предоставлен ООО «ЛитРес».

Прочитайте эту книгу целиком, купив полную легальную версию на ЛитРес.

Безопасно оплатить книгу можно банковской картой Visa, MasterCard, Maestro, со счета мобильного телефона, с платежного терминала, в салоне МТС или Связной, через PayPal, WebMoney, Яндекс.Деньги, QIWI Кошелек, бонусными картами или другим удобным Вам способом.