Старорусская народная ворожба и гадания. По священным и отреченным книгам

Псалом 33

Не тужи, помилует тя Бог. – Обнови душу свою покаянием; почто оскверниши. Правдою, человече, ходи: добро ти будет. В орудии сем Господь помощник тебе.

Псалом 34

Его же просиши, будет ти. – Рече Господь человеку: прелесть дееши по орудии сем. Отыди от дела сего, возьми разум к Богу, да не погибнешь: добро ти будет.

Псалом 35

Покайся да не внидешь в искус. – Яко же речении человеку: мысли на сердце своем об орудии сем, лишишься орудия своего; несть ти на пользу. Но на прю не ходи, ни друга не слушай, лихо орудие се.

Псалом 36

Его же просиши, будет ти. – Святый Георгий речет человеку: мыслиши на сердце своем, сбудется. Бог тебе на помощь и святый Георгий во орудии сем.

Псалом 37

Его же просиши, не будет ти дела. – Рече Господь человеку: от света сего хочеши идти во тьму; и ты, человече, отыди от дела сего, несть ти на пользу.

Псалом 38

Несть здесь того. – Олово со златом разделяется, не делано погибнет: тако ты, человече, мыслиши дело твое; прокуды в орудии сем, без вести погибнет. Спождание будет.

Псалом 39

Господи надейся, человече. – Надейся, человече, на Бога во орудии твоем: добро ти будет. Бог тебе на помощь.

Псалом 40

Разумеваяй, его же хощеши. – Рече Господь человеку: (что) мыслиши на сердце, то твори, а лихих дел не думай: без беды и без печали избавлен будеши. Бог тебе на помощь.

Псалом 41

Сохранит тя, чадо, Господь в деле сем. – Рече Господь человеку: велико дело просиши дару у Бога; мало времени потерпи: твое дело не срамно будет ти; не тужи: после печали радость будет. Бог тебе на помощь.

Псалом 42

Сбудется добро. – Рече святый Симон: пчела летит на красен цвет и сбирает сладость, святым церквам на каноны: так и ты, человече, мыслиши на сердцы, радостию совершится. Бог тебе на помощь.

Псалом 43

Дело твое совершится. – Глаголет святый Марко: человече, во глубинах морских ходиши; возьми разум к Богу, да не погибнеши. Святый Марко-евангелист во орудии сем пособник.

Псалом 44

Дело приходит. Святые отцы Косьма и Дамиан рече: что мыслиши на сердце твоем, твори, человече: не будет ти пакость. Бог ти на помощь и святые Косьма и Дамиан.

Псалом 45

Не печалуйся: будет ти добро. – Святая Пятница держит кресты во орудии сем. Есть на тя врази в деле сем, но ничем тя не навредят. Бог тебе на помощь и Святая Пятница.

Псалом 46

Великое дело дано се дано ти, на свет приводит. – Аще есть щит, на нем заяц бел сидит, и прилетел ангел и понес на небеса, а тут села сова; тако и ты, человече; мыслиши правдой жити, придет орудие твое в радость и веселие.

Псалом 47

Тяжко дело се на свет приходит. – Рече апостол Павел: человече, мыслеши и надейся, а есть чудно дело твое, о нем же вопрошаеши. Святый Боже, иже питаеши, только праведно ходиши. Добро ти будет во имя Господне.

Псалом 48

Радость сердцу твоему будет. – Якоже заря весь мир освещает, так и орудие твое светло просветится. Бог тебе на помощь в орудии твоем.

Псалом 49

Истинно дело се будет. – Рече Господь человеку: ее уготованная впредь благая земная прилагают вернии и предлагают ветры, море си уляжется и утихнет, солнцу светло на всех сияет; так и ты, человече, и твое орудие; после печали радость придет и корысть дело твое. Бог тебе на помощь.

Псалом 50

Помолися Богу, дело твое добро будет. – Рече Господь человеку: что мыслиши на своем сердце, наступай и согна неприязненных, отыди от дела се, возьми разум к Богу, да добро ти будет. Бог тебе на помощь во орудии сем.

Псалом 51

Измени мысль свою, не твори дела своего. – Что, человече, на сердце своем мыслиши, не твори того: нет ти на пользу; во орудии сем с пакостью и трудом приходят; орудие твое будет [без успеха].

Псалом 52

Покайся, да не внидоши в напасть. – Рече Господь человеку: ты мыслиши на сердце своем злую мысль – несть пользы в ней. Уклонися от нее, сотвори благо. Бог тебе на помощь. Аще не сотвориши добра, несть ти пользы.

Псалом 53

Не будет орудия сего тебе. – Град есть каменен, вереи железны, врата медные твердо заключены. О, человече, не ступай на острое оружие, не погуби души своей, от зла; лишишься орудия своего; несть ти пользы.

Псалом 54

Услышит Господь молитву твою. – Рече пророк Иона человеку: возопих в печали моей ко Господу Богу моему, услыша мя из чрева адова вопль мой.

Сказание: в великой печали бывшей туги и беды и печали избавлен будеши.

Псалом 55

Пожди, дело твое будет добро. – Рече Господь: приложися скотом несмысленным и уподобися им. Орудие сие в неразумии погибель содеивает; аще покаешься от сердца чиста, по печали ти радость будет.

Псалом 56

Скоро будет дело твое тебе. – Рече Господь: человече, о деле сем попечалуйся; есть труд в деле сем, и удиви Господь, да надежда добра явится: по печали радость будет. Бог тебе на помощь по орудии сем.

Псалом 57

Покоромно орудие твое, да зла много отъядет от тебя. – Прииде Господь к жене-самаряныне: дай же ми воду пити; аще бы ведала дар Божий, дал бы ти воду живу. Возрадовася жена-самаряныня словеси Господню: тако ты, человече, возрадуешься орудию своему. Бог тебе на помощь.

Псалом 58

Его же просиши, будет ти не добро. – Рече царь Давид человеку: аще не Господь созиждет дом, всуе трудишася зиждущий. Сказание: Сего века труд имаши, все вотще ту, несть пользы в нем.

Псалом 59

Покровенно дело се. Якоже мыслиши, человече, на сердце, на тя врази мнози аки звери зубы на зверя скрепчут, разбойник меч вострит; так ты, человече: мнози врази на ти помышляют, их же не бойся: врази твои падут под ногами твоими; от них Бог спасет и избавит тя.

Псалом 60

Се дело не приходит ти. – Тако глаголет святыйМарко-евангелист: человече, во глубинах морских ходяши, самому спалитися имать; отойди от дела сего, да не погибнешь во орудии сем.

Псалом 61

Тайно дело се со страхом являет. Рече святой Иоанн человеку: яко же пчела летит на красен цвет, в погодие со древа собирает медвяную сладость святым церквам на свечи, и на канон, а князьям и боярам на утеху, а крестьянам на прибыток; тебе человече, по печали радость. Бог тебе на помощь и святый Иосиф.

Псалом 62

Тайное явлено будет; лихо сказание. – Рече Андрей апостол: волхв окаянный, окаянны твои дела, пути промеж тебя водят бесы, по три растяжки железных со стороны ти пропасть, а по другую бездна, да не лишися, там тебе уготовано место за твои окаянные дела. Несть ничего ти на пользу.

Псалом 63

Попечися о деле своем, и с трудом спасен будешь. – Рече Господь человеку: почто, человече, печалуешься во великой печали? Аще от сердца покаешься и спросиши дара от Бога, и милость примешь. Бог тебе на помощь.

Псалом 64

Дело борзо будет вельми. – Святые Борис и Глеб стоят над русской землею, светят святыми своими венцами, воздают почести русским князьям и поведают похвалу. Падут все врази под ногами их; так ты, человече, врази твои падут пред тобою, а ты возрадуешься. Бог тебе на помощь и святые Борис и Глеб во орудии сем.

Псалом 65

Се дело печально, изыдет на добро. Рече Господь: апостоле Фоме, нек буди мне неверен, но верен, не падеши исторжен от зверей и от лихих рук человеческих, но от злых языков врагов мятеж будет; так тебе, человече, многие мятежи будут. Бог тебе на помощь и святый Фома.

Псалом 66

Его же просиши, и будет тебе, дело твое добро. – Рече Господь человеку: сия уготованная благая, земная, плодовитая [жизнь]; ветры перестанут, море утихло, солнце светло всех осияет: тако Бог тебе на помощь сотворит; орудие все добро и корыстно. Бог тебе на помощь.

Псалом 67

Не труждайся без ума, не добро орудие се. – Град есть каменен, вереи железные, врата медные твердо заключены. О, человече, не ступай на острое оружие, не погуби души своей, отступи от зла; лишишься орудия своего; несть на пользу, не добро.

Псалом 68

Его просиши, зол совет, а дело се не добро. – Святый Трифон ездит на поле, взяв с собою зла сокола; изымает сокол птицу, вострепенется птица у сокола и воскрича; так и ты, человече, многие врази на тебя в деле зло сем помышляют, человече, лишися орудия сего, ненависть.

Псалом 69

Помолися Богу, дело твое добро будет. – Святый Димитрий Солунский рече: человече, есть у тя врази и супостаты; возьми орудие свое и пойди на них; и врази твои падут под ногами твоими, одолеешь их. Бог тебе на помощь и святый Димитрий Солунский.

Псалом 70

Рече, человече, чаеши, будет ти дело, если мыслиши. – Рече Господь человеку: печален муж, идя ко престолу Господню со свечою, с просвирою и с Каноном, и даст ему Господь милость свою у престола славы своея, венец царства своего, так и ты, человече, от печали в радость великую придешь и примешь. Бог тебе на помощь.

Псалом 71

Трудно есть дело, от печали в радость сбудется. – Прийде Господь к жене, проси воды питии и рече жене: аще бы ведала дар Божий, дал бы тебе питии воду живую. Возрадовалась жена словеси Господню; так и ты, человече, возрадуешься орудию своему. Бог тебе на помощь.

Псалом 72

Се трудно и печально, но в радость сбудется. – Взыде Господь на гору Фаворскую со ученики своими и повел Господь воду исчерпати и благослови воду в вино, и возрадовались ученицы Господню словеси и благословению, так ты, человече, возрадуешься своему орудию. Бог тебе на помощь.

Псалом 73

Скорбно и печально, о человече, орудие сие будет. Яко ластовица совьет себе гнездо в прутие березове и воскормит дети, и пояст их змея, и вострепенется ластовица, и сяде верх сыра дерева, горько плачучи, так и ты, человече, вострепещешься в тот день, не время ти сбудется орудия сего.

Псалом 74

Аще ускори, будет ти, еже мыслиши. – Тако глаголет ангел Иосифу: восстани ими отроча и матерь и бежи в Египет; избудеши от печали в радость; от смерти в живот придеши; тако и ты, человече, орудию возрадуешься. Бог тебе на помощь и святый Иосиф во орудии сем.

Псалом 75

Дело твое печально есть и мятежно, не добро. – Люту ветру дышущу, велику пагубу являет; дерево зеленое, листвие у него уныло, так и ты, человече, сказует не добро, лишишься орудия своего.

Псалом 76

Аще поспеши одолеешь, добро есть дело. – Святые Козьма и Дамиан рече человеку: что мыслиши на сердце своем, твори с радостью; не будет пакости в деле сем. Бог тебе на помощь и святые Козьма и Дамиан.

Псалом 77

Сказание: яко же вол пойдет и боятся грозного, так и ты, человече, пожди мало. Бог тебе на помощь. С трудом огорожено дело твое и с поспешением, дерзати орудия сего не полезно отнюдь, всуе тружаешься и желаемого не получишь.

Псалом 78

Дело се ненависть имать, явлено будет. – Прежде распятия твоего, Господи, отпадения миру милость твоя, Гсподи, на земли; так ты, человече, всуе мыслишь о деле сем.

Псалом 79

Не страшися орудия сего. – святый Фаддей рече: не расторжен будеши от рук человеческих, ни от зверей, не бойся, человече, орудия сего. Бог тебе на помощь и святый Фаддей.

Псалом 80

Доброе дело твое. – Святый Николай избави трех мужей от смерти и возрадовашася три сиих мужа; так и ты, человече, возрадуешься орудию сему. Бог тебе на помощь.

Псалом 81

Соломон царь рече: не труждайся без ума, покорися. Воробей у ястреба дерется из когтей; тако и ты, человече, имаши дратися из рук человеческих; не твори, человече, лихо есть.

Псалом 82

Много и мятежно будет. – Рече Господь человеку: восприял еси вся птица по воздуху, тако и твое орудие добро будет; несть супротивника, что мыслиши твори.

Псалом 83

Его же хочеши будет ти добро. – Человече, мыслиши злую мысль от врагов твоих, несть от них пакости. Бог тебе на помощь.

Псалом 84

Потерпи, будет ти добро. Человече, мыслиши злую мысль, уклонися от зла во благо, а не сотвориши добра, несть ти пользы в деле сем.

Псалом 85

Потерпи будет ти добро. – Человече, что помыслил, твори; доброе орудие твое, а едет на дальнюю страну, примет великую радость и прибыток.

Псалом 86

Многомятежно, егда случится добро. – Человече, имаши от Бога милость, а врагов многих, восстающих на тебя, не тужи. Бог спасет тебя от них; после печали радость будет.

Псалом 87

Несть тайно, явлено будет недобро. – Рече Господь: отверзни злую мысль и обряши радость от печали; аще не отстанешь злых мыслей, несть пользы и смертию умрешь.

Псалом 88

Мыслиши, получишь ты милость. – В малы времена над многими тебя поставлю. многого добра исполнен будеши, а напоследок добро тебе будет. Бог тебе на помощь.

Псалом 89

Измени мысль свою, не добра. Злый рабе, не верный! Многа добра лишен будеши и тьме кромешней предан будеши, и много зла пострадаешь и несть ти пользы

Псалом 90

Дело се добро будет, благую часть имать. – Рече Господь: любите враги ваша, добро творите ненавидящим вас, не лишайся, да примеши, мзду от Бога получиши.

Псалом 91

Радость и честь на деле твоем будет. – Рече Господь: егда в болезни рождает жена дети, и по рождении возрадовася; так и дело твое совершится, доброе есть дело, Бог тебе на помощь.

Псалом 92

Добро есть, на радость приходит. – Рече Господь человеку: имаши мысль свою. Господь тебе помощник, будет добро и радостию совершится.

Псалом 93

Жестоко орудие твое будет. – Рече Господь: человек яко трава, дни его как цвет сельный, тако отцветет, яко дух пойдет в нем и не будет, и не познает к тому места своего. Во орудии сем прообразует кончину; не добро есть.

Псалом 94

Подожди, человече, не поспеши, скорбно есть оружие се. Рече Господь человеку, идущу путем, сторону пропасть, в другую бездна; зла много пострадати в орудии сем; человече, не твори, возбраняет ты, не твориши ми, несть ти пользы.

Псалом 95

Се орудие вскоре сбудется, добро есть. – Рече Господь: человече, житейстем, даже торг не разыдется, купити есть время и продати, аще ли умедлиши, торжники разыдутся; да чем душу питаеши; человече, вскоре устрои. Дело се добро ти будет. Бог тебе на помощь.

Псалом 96

Покорися, будет все добро дело. – Рече Господь: человече восприял еси благая в животе своем; наследника воспримеши зло, орудие радостию совершится. Бог тебе на помощь. Добро ти будет.

Псалом 97

Бойся, человече, Бога, будет ти добро. – Рече Господь человеку: спеши слезами, и радости пожнешь; не скорби, человече: добро орудие твое будет, совершится от печали в радость Бог тебе на помощь.

Псалом 98

Его же мыслиши, то не добро будет.. – Рече Господь: человече, веси ли в кий час придет тать, подкопает дом твой и расхитит сокровище твое; не обрящеши во орудии сем погибшего; нести ти пользы, лишишься орудия сего; не твори его.

Псалом 99

С трудом орудие сбудется и добро есть. – Рече Господь человеку: молния освещает весь мир, гром грянет, мнози люди устрашатся; и к тебе, человече, скоро беды и печали придут; не отчаивайся – вскоре ти радость будет. Бог тебе на помощь.

Псалом 100

Тяжко дело твое и мятежно будет ти. – Рече царь Давид: аще не Господь хранит град, всуе трудишася зиждущий.

Сказание: сей век труд имать, все вотще ту; несть ти на пользу; отступи от дела сего; несть ти пользы в нем.

Псалом 101

Покайся, добро ти будет, все добро. – Рече пророк Иона: возопих в печали моей ко Господу Богу моему; и услыша мя из чрева адова вопль мой, услышал еси глас мой. Сказание: из велицыи печали бывшен ти, без беды и без печали будеши. Бог тебе на помощь.

Псалом 102

Не бойся ти, человече, будешь ти все добро. – Рече пророк Иона: человече, примеши от Бога радость, многим врагом восстающим на тя. Не успеют ти ничтоже зло сотворяти не смогут. Бог от врагов избавит тя. Добро дело се.

Псалом 103

Исповедайся Богу, добро ти будет. – Рече Господь человеку: время твое добро будет; пути гладки, по ним же не имаши спора; несть ти спора, ни супостата врага; добро ти будет. Бог тебе на помощь.

Псалом 104

От печали радость будет ти; добро есть дело сие. – Рече Господь человеку: благословящих ти множество, уповающих на тя; исполни домы твоя вина, и елея, и пшеницы.

Сказует: много добра исполнеши. Бог тебе на помощь.

Псалом 105

Добро есть орудие твое; збудется в радость добро. – Рече Господь: человече не веси ли яко аз пекуся тобою, а ты не сохраняешь заповеди мои и наказания, имаше наследити добро. Молися Богу. Бог тебе на помощь.

Псалом 106

Сказание: имаше добру радость. – Изыдет солнце на русскую землю и осияет всего мира.

Сказание: великие печали избудеши; так ты, человече, не печалуйся о деле сем; от печали в радость будет. Бог тебе на помощь.

Псалом 107

Тяжко дело, несть на пользу и на путь. – Тьма наступает и свет померче, туга исполнить прииде.

Сказание: Великий град погибнет. Начало Господь страх Господень, разум же благ всем творящим и хвалящим хвалу; не добро есть дело твое.

Псалом 108

Прибыток примеши и неначаемая радость. – Рече Господь человеку: егда орел остареется и слетит орел выше облака во время свое и ударится о бел камень; тогда обновится орел и будет млад; так ты, человече, потрудися: труда твоего Бог не покинет. Бог тебе на помощь.

Псалом 109

Истинно есть дело твое. – Рече Господь человеку: дому твоему подобает святыни, Господи, в долготу дней.

Сказание: Безтрудно (sic!) покой обрящеши, добро ти будет. Бог тебе на помощь.

Псалом 110

Истинно дело твое. – Человече, дому твоему подобает святыня, Господи, в долготу дней. От труда покой обрящеши, добро ти будет. Бог тебе на помощь.

Псалом 111

Велми попецися о деле сем, будет добро. – Рече Господь человеку: не ходи в совет несмысленных, уклонися от зла и сотвори благо. Орудие твое по печали в благо совершится.

Псалом 112

Видех человеки превозносящихся и высыщаяся яко кедры ливанские и мимо идех и се не бе взысках его. Не печалуйся, враги твои не могут противитися тебе. Вельми добро есть дело твое. Бог тебе на помощь.

Псалом 113

Сказание: о деле сем. Дело твое, человече, скоро сбудется. – Рече Господь Господеви моему: сиди одесную мене, дондеже положу враги твое подножие ног твоих. Сказание: враги твои падут под ногами твоими. Бог тебе на помощь.

Псалом 114

Не начайся орудия сего, не добро. – Рече Господь человеку: человече, злый враг, супостат твой, зрит на тебя яко огнь на огня, хощет тя изъясти скоро и напрасно. Сказание: примешь ты беду от врага и супостатов твоих, несть ти на пользу, лишися орудия сего.

Псалом 115

На добро дело твое будет. – Господи Господь наш, яко чюдно имя твое во всей земли.

Сказание: княжеское дело твое все грозно; гроза твоя вели (я) есть всей земли. Не печалуйся, человече, добро орудие твое будет. Бог тебе на помощь.

Псалом 116

Попекися о деле сем, добро будет. – Рече святый архангел: человече, не кайся, ни в печаль мечися; его же хощеши, восприимеши. О нем же вопрошаеши, надежду имаше добру; а что если мыслиши на сердце своем, то и сотвори, сии вся примеши. Бог тебе на помощь.

Псалом 117

Не возносися, человече, но смирися. – Рече святая Варвара: человече, не буди напраслив, не уповай на душу свою. Со упованием твори: добро ти будет; и о нем же вопрошаеши, удержи, блюди чисто неврежден смысл, примеши, себе похвалиши.

Сказание пророк: со удержанием спасешися. Бог тебе на помощь и святая Варвара.

Псалом 118

Жены-мироносицы приидоша ко гробу Господню; рече женам ангел: что живаго с мертвыми ищете? В сей день воскресе. И возрадовася жены Христову воскресению; так ты, человече возрадуешься орудию сему.

Псалом 119

Хвалу имать дело твое, печально есть. – Рече Господь человеку: попечалуйся о деле сем. Трудно и печально есть дело, не добро есть ни в пути, ни в дому. Человече, лишися орудия сего, зло есть.

Псалом 120

Печально есть дело твое, не радостию совершится. Рече святый Никита: человече, печалуешься и тужиши, и дару у Богу просиши. Но по печали радость будет. Бог тебе на помощь и святый Никита во орудии сем.

Псалом 121

По печали в радость придет; добро дело. – Рече Господь: человече, всех честь получиши и всех кормити; благ и тебе даст Бог изобильно. Бог тебе на помощь.

Псалом 122

Что себя, человече, хулишь и стонешь? От Бога ти добро есть. Бог на твое дело наставит; добро ти будет Бог на помощь.

Сказание: молися Богу; в деле сем после печали радость; не печися о деле сем.

Псалом 123

Яко же просиши и мыслиши, человече, помыслы твои сбудутся.

Сказание: во орудии твоем сбудется; супостаты твои падут под ногами твоими, на мольбу приходиши.

Псалом 124

Господь всех человек кормит, благодать по вся дни с прибытком. Человече, насытишися во орудии сем. Бог тебе на помощь.

Сказание: радость повидает орудие се, от печали в радость придет.

Псалом 125

Пространно время, человече, возвещает неключимы, имаши бо, человече, казни и недруга, и ты не бойся лукавых словес его и лести, поимей путь истинный.

Сказание: явится орудие се лестно найдет: беретчися.

Псалом 126

Три суть ангелы Божии: первое обрящеши благодать, второе от добра нрава, третье от Бога с прибытком и с радостью примешь.

Сказание: на пользу орудие и честь славу знать дело се. Бог тебе на помощь.

Псалом 127

Никако же, человече, имаши все, не пекися: Бог тебе даст и наставит тя на дело благое.

Сказание: после печали радость являет с прибытком. Бог тебе на помощь, все добро будет.

Псалом 128

Лют путь – отбежи и велик мятеж и скоро примеши. Бог ти на помощь.

Сказание: с прибытком явится орудие твое, и печали исполниши уста свои.

Псалом 129

Лишися плода земнаго, человече; аще пождеши, воспримеши доброту.

Сказание: на юноши явится орудие се, попечалуйся о деле сем – добро будет.

Псалом 130

Прия, человече, напрасное дело, твое орудие – всем врагам твоим мятеж: веруй [Спасу Христу]; от печали в радость.

Сказание: добро орудие твое. Бог тебе на помощь. Вознесши смирися.

Псалом 131

Николи же человече, скорби во орудии сем, о нем же молися Богу. Заступит тя Господь, рассыпает радость твою, угасит огонь лютый.

Сказание: в зависти, в клеветах явится орудие твое, молися Богу: приимеши благодать.

Псалом 132

Безсоблазнством вопрошайся, человече: хощеши орудия сего, да не вечно будет в животе сем скончася.

Сказание: во век вечно дело твое с трудом являет.

Псалом 133

Неуморив Бог твой; смотри себе, человече, у друга своего свое орудие; победиши супостата своего, то врази твои прелесть деют.

Сказание: зависть явит во орудии твоем, молись Богу: скоро примешь одоление.

Псалом 134