Ташқарида уруш ичкарида жанг

Ташқарида уруш, ичкарида жанг... Иккинчи жаҳон уруши авж олган таҳликали давр. Фронтда инсоният тақдири ҳал бўлаётган бир пайтда, мамлакат ичкарисида — Хоразмнинг қадимий кўчаларида яна бир шафқатсиз ва хуфёна жанг кечмоқда. Уюшган жиноятчиликка қарши кураш бўлими бошлиғи, капитан Сафо Юсупов шафқатсиз жиноятчилар, сотқинлик, сиёсий фитналар ва инсон руҳиятининг энг қоронғи томонлари билан юзма-юз келади. У нафақат ташқи таҳдидларга, балки тизим ичидаги адолатсизликларга қарши курашишга мажбур. Бу оғир синовлар фонида инсон қадри, бурч ва муҳаббатнинг ҳақиқий қиймати намоён бўлади. Ёзувчи ва сценарист Равшан Йўлдошнинг ушбу детектив-драматик романи сизни 1941 йилнинг оғир, аммо сир-асрор ва саргузаштларга бой реалистик муҳитига олиб киради.